Spiritus domini replevit orbem terrarum et hoc quod continet omnia scientiam habet vocis alleluia alleluia

Omnium est enim artifex omnem habens virtutem omnia prospiciens

Facta autem hac voce convenit multitudo et mente confusa est quia audiebat unusquisque linguam suam illos loquentes magnalia dei alleluia alleluia alleluia

Nonne ecce omnes isti qui loquuntur Galilaei sunt et quomodo nos audivimus lingua sua

Apparuerunt apostolis dispertitae linguae tamquam ignis alleluia seditque supra singulos eorum spiritus sanctus alleluia

Loquebantur variis linguis apostoli magnalia dei

Amen amen dico vobis qui non intrat per ostium in ovile sed ascendit aliunde ille fur est et latro qui autem intrat per ostium pastor est ovium alleluia

Si quis introierit per me salvabitur et ingredietur et egredietur et pascua inveniet alleluia