O desiderabilis vultu forma praesulum fac ut miserabilis iste coetus exsulum reformatus habilis fit ad vitae titulum
Pastor David quem sic pavit parca lanx modestiae ut detrita carne vita foveretur gratiae mina gregem ubi regem contempletur gratiae
Qui colis pascuae non marcentis loca pastor praecipue gregem tuum loca
Gloria patri et spiritui sancto
Iste confessor*
Amavit eum*
Dominum magnificavit sancti patris anima qui nil pene reputavit mundi probatissima Jesu bone sed probavit quod tu sis pars optima
In sancti David praesulis memoria Christo regi jubilet ecclesia
In sancti David memoria Christo jubilet ecclesia
Vir beatus impiorum declinans consilia in divina lege morum messuit insignia
In monte constituit Christus sanctum David qui quod ore docuit opere firmavit
Hostibus ecclesiae jam multiplicatis pone frenum furiae pater pietatis
Ope juva caelitus David operosa quod sit tutus exitus a carne caenosa exsultantes spiritus in spe gratiosa de data divinitus vita gloriosa