Domine rex omnipotens in ditione tua cuncta sunt posita et non est qui possit resistere voluntati tuae libera nos propter nomen tuum

Exaudi orationem nostram et converte luctum nostrum in gaudium

Miserere domine populo tuo quia volunt nos inimici nostri perdere et hereditatem tuam delere de terra ne despicias partem tuam quam redemisti de Aegypto sed converte luctum nostrum in gaudium ut viventes laudemus te domine

Exaudi deus deprecationem nostram et propitius esto sorti et funiculo hereditatis tuae

Spem in alio numquam habui praeter in te deus Israel qui irasceris et propitius eris et omnia peccata hominum in tribulatione dimittis

Domine deus caeli et terrae respice ad humilitatem nostram

Conforta me rex sanctorum principatum tenens et da sermonem rectum et benesonantem in os meum

Da nobis domine locum paenitentiae et ne claudas ora canentium te domine

Memento mei deus in bono et ne deleas miserationes meas quas feci in domo dei mei et in caerimoniis ejus

Memento mei deus meus et parce mihi secundum multitudinem miserationum tuarum