Multitudo angelorum audierunt Jesum clara voce dicentem Martinus adhuc catechuminus hac me veste contexit

Dixerunt*

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

Martinus Abrahae*

Martine par-*

Martinus ecce migrat hic pauper caelo dives quem sanctorum concentus Christo psallens deducit nos caelestibus hymnis Laudemus in hunc deum

Martinus adhuc catechumenus hac me veste contexit

Sanctae trinitatis fidem Martinus confessus est beatissimam gratiam percepit

Beatus Martinus dixit Juliano Christi enim sum miles pugnare mihi non licet

Ego signo crucis non clipeo protectus aut galea ostium cuneos penetrabo securus

Martine misit nos dominus tibi auxilium ferre et rusticam multitudinem fugare

Confido in domino quod filia mea precibus tuis reddenda sit sanitati

Amavit eum dominus et ornavit eum*

Hic est Martinus electus dei pontifex cui dominus post apostolos tantam gratiam conferre dignatus est ut in virtute trinitas deificae mereretur fieri trium mortuorum suscitator magnificus

Sanctae trinitatis fidem Martinus confessus est

Dum sacramentum offerret beatus Martinus globus igneus apparuit super caput ejus

Ita ut in sublime contendens longum admodum crinem flamma produceret

Beatus Martinus obitum suum longe ante praescivit dixitque fratribus dissolutionem sui corporis imminere quia indicavit se jam resolvi

Dixerunt discipuli ad beatum Martinum cur nos pater deseris aut cui nos desolatos relinquis

Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces

Scimus quidem desiderare te Christum sed salva sunt tibi praemia tua nostri potius miserere quos deseris

Imposita manu puero beatus Martinus immundum ab eo spiritum eiecit

Tetradius cognita dei virtute ad baptismi gratiam pervenit

Dominus Jesus Christus non se inquit purpuratum nec diademate renitentem venturum esse praedixit

O ineffabilem virum per quem nobis tanta miracula coruscant

Sacerdos dei Martine aperti sunt tibi caeli et regnum patris mei

Sacerdos dei Martine pastor egregie ora pro nobis deum

Domine si adhuc populo tuo sum necessarius non recuso subire propter eos laborem fiat voluntas tua

Domine si adhuc in praesenti pro castris tuorum stare me praecipis non recuso nec fatiscentem causabor aetatem

O beatum virum Martinus antistitem qui nec mori timuit nec vivere recusavit

Beatus Martinus obitum suum longe ante praescivit dixitque fratribus dissolutionem sui corporis imminere

Oculis ac manibus in caelum semper intentus invictum ab oratione spiritum non relaxabat

O virum ineffabilem nec labore victum nec morte vincendum

Ecclesia virtute roboratur sacerdotes revelatione glorificantur quem Michael assumpsit cum angelis

Martinum Maria suscepit cum virginum choris martyrium paradisus possidet laetum cum sanctis

Martinus episcopus migravit a saeculo vivit in Christo gemma sacerdotum

O beatum virum in cujus transitu sanctorum canit numerus angelorum exsultat chorus omniumque caelestium virtutum occurrit psallentium exercitus

Ecclesia virtute roboratur sacerdotes revelatione glorificantur quem Michael assumpsit cum angelis

O quantus erat luctus omnium quanta praecipue moerentium lamenta monachorum quia et pium est gaudere Martino et pium est flere Martinum

Beati viri corpus usque ad locum sepulcri hymnis canora turba prosequitur

Ora pro nobis beate Martine ut digni efficiamur promissione Christi

Tu autem confessor Christi ora pro nobis deum

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

Martinus episcopus migravit a saeculo vivit in Christo gemma sacerdotum

Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces

Domine si adhuc populo tuo sum necessarius non recuso laborem fiat voluntas tua

O virum ineffabilem nec labore victum nec morte vincendum qui nec mori timuit nec vivere recusavit

Oculis ac manibus in caelum semper intentis invictum ab oratione spiritum non relaxabat alleluia alleluia

Ora pro nobis beate Martine ut digni efficiamur promissione Christi

Jesu redemptor*

O quantus luctus omnium quanta praecipue lamenta monachorum et virginum chori quia pium est gaudere Martino et pium est flere Martinum

Media nocte dominica sanctus discessit cui caeli cives mox obviant multi audierunt voces in sublimi qui et vitro purior lacte candidior carne quoque monstratus est gemma sacerdotum

O Martine*

Sanctus Martinus obitum suum longe ante praescivit qui et discipulos in unum congregavit atque sui dissolutionem imminere praedixit

O Martine o pie quam pium est gaudere de te o Martine prophetis compar apostolis consertus praesulum gemma fide et meritis egrege pietate misericordia caritate ineffabili succurre nobis nunc et ante deum

Oculis ac manibus*

Ora pro nobis*

Martinus adhuc*

Ecclesia illius*

O beatum virum cujus animam paradisus possidet unde exsultant angeli laetantur archangeli chorus sanctorum proclamat turba virginum invitat mane nobiscum in aeternum

O beatum pontificem qui totis visceribus diligebat Christum regem et non formidabat imperii principatum o Martine dulcedo medicamentum et medice o sanctissima anima quam etsi gladius persecutoris non abstulit tamen palmam martyrii non amisit

Scimus quidem te pater desiderare Christum sed salva sunt tibi praemia tua nostri potius miserere quos deseris pater

Domine jam satis est quod hucusque certavi sed quoad ipse jusseris militabo ac si parcis aetati bonum est mihi hos quibus timeo ipse custodias

Sinite me inquit caelum videre ut spiritus dirigatur ad dominum nihil in me reperiet inimicus sed sinus Abrahae me suscipiet

Glorificati hominis viderunt gloriam qui affuerunt nam caro quam cinis semper obtexerat ita resplenduit ut quoddam resurrectionis decus et extincta proferret

Adest multitudo monachorum ac virginum hi speciali gloria praecipue flebant cum sentirent magis esse gaudendum si rationem vis doloris admitteret

Exsequiae Martini non dicantur funeris sed triumphi nam greges suos qui ductu ejus mundum vicerant agebat ante se pastor extinctus qui corpus ad sepulcrum sequentes psallebant et flebant

Martinus signipotens fulgore virtutum ipsa reverberat astra hic diversa multorum complevit unus unde et apostolis ac prophetis pace sanctorum omnium conjunctus est

O vere beatum o ineffabilem pietate misericordia caritate quarum ut visceribus semper totus affluebat in domino si nunc desit nobis non desit in aevum

En caelo receptus videri ultra non poterit Jam ergo nobis in quo erit spes in quo refrigerium in cujus claritate solatium sed ut non deerit nobis ipse faciat dans ut amore sequamur quo sequendum se docuit