-- de introitu regis et ingressus est per splendidam regionem aurem virginis visitare palatium uteri et egressus est per auream portam virginis

Castae parentis viscera caelestis intrat gratia venter puellae bajulat secreta quae non noverat

Suscipe verbum virgo Maria quod tibi a domino per angelum transmissum est concipies per aurem deum paries et hominem ut benedicta dicaris inter omnes mulieres

Paries quidem filium et virginitatis non patieris detrimentum efficieris gravida et eris mater semper intacta

Salvatorem exspectamus dominum Jesum Christum qui reformavit corpus humilitatis nostrae configuratum corpori claritatis suae

Sobrie et juste et pie vivamus in hoc saeculo exspectantes beatam spem et adventum gloriae magni dei

Audite verbum domini gentes et annuntiate illud in finibus terrae et in insulis quae procul sunt dicite salvator noster adveniet

Annuntiate et auditum facite loquimini et clamate

Exspectabo dominum salvatorem meum et praestolabor eum dum prope est alleluia