Tres in fornace ignis deambulabant et collaudabant dominum regem canentes ex uno ore hymnum dicebant benedictus es deus alleluia

Tres ex uno ore clamabant in camino ignis et psallebant benedictus deus

Tres video viros ambulantes per medium ignis et aspectus quarti similitudo est filio dei alleluia

Laudemus viros gloriosos qui vicerunt regna mundi alleluia

Benedictus dominus Sidrac Misac Abdenago qui eruit servos suos de camino ignis ardentis alleluia

Non cessabant ministri regis succendere flammas ut sanctos dei pueros comburerent de caelo venit tamquam spiritus roris flantem refrigerium praestabat sanctis alleluia

Tres pueri jussu regis in caminum missi sunt non timentes flammam ignis dicebant benedictus deus

Caminus ardebat septies quam solebat et pueri tui domine in medio psallebant Ananias psallebat sanctus deus Azarias psallebat sanctus fortis Misael voce magna clamabat sanctus et immortalis alleluia