Ante diem festum paschae sciens Jesus quia ejus hora venit ut transeat ex hoc mundo ad patrem et cena facta surrexit linteo praecinxit se misit aquam in pelvim coepit lavare pedes discipulorum venit ad Petrum dicit ei Simon non lavabis mihi pedes in aeternum respondit Jesus si non lavero tibi non habebis partem mecum domine non tantum pedes sed et manus et caput

Domine tu mihi lavas pedes respondit Jesus et dixit ei et si non lavero tibi pedes non habebis partem mecum

Domine non tantum pedes sed et manus et caput

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Deus misereatur nostri et benedicat nobis illuminet vultum suum super nos et misereatur nobis

Cena facta dixit Jesus discipulis suis amen amen dico vobis unus vestrum est hic qui me traditurus est in hac nocte

Postquam surrexit dominus a cena misit aquam in pelvem coepit lavare pedes discipulorum hoc exemplum reliquit eis

Audite haec omnes gentes auribus peccipite omnes qui habitatis orbem

Si ego dominus et magister vester lavi vobis pedes quanto magis vos debetis alter alterius lavare pedes

Exemplum enim dedi vobis ut quemadmodum ego feci vobis ita et vos faciatis

Vos vocatis me magister et domine bene dicitis sum etenim si ego ergo lavi vestros pedes dominus et magister et vos debetis alter alterius lavare pedes

In diebus illis mulier quae erat in civitate peccatrix ut cognovit quod Jesus recubuisset in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento ungebat

Maria ergo unxit pedes Jesu et extersit capillis suis et domus impleta est ex odore unguenti

Dimissa sunt ei peccata multa quoniam dilexit multum

Diligamus nos invicem quia caritas ex deo est et qui diligit fratrem suum ex deo natus est et vivit in deo

Ubi est caritas et dilectio ibi sanctorum est congregatio ibi nec ira est indignatio sed firma caritas in perpetuum

Christus descendit mundum redimere ut liberaret a morte hominem

Exemplum praebuit suis discipulis ut sibi invicem pedes lavaret

Ubi fratres in unum glorificant deum ibi dabit dominus benedictionem

Ecce quam bonum et quam jucundum habitare fratres in unum

Sicut unguentum in capite quod descentit in barbam barbam Aaron

Mandatum novum do vobis ut diligatis invicem sicut dilexi vos dicit dominus

In hoc cognoscent omnes quia mei estis discipuli si dilectionem habueritis ad invicem

Commendat autem suam caritatem deus in nobis quoniam ad huc cum essemus peccatores Christus pro nobis mortuus est quanto magis justificate nunc in sanguine ejus salvi erimus ab ira per ipsum

Maneant in nobis fides spes caritas tria haec major autem his est caritas

Caritas est summum bonum amplum bonum in qua pendet totus ordo praeceptorum per quam vetus atque nova lex impleretur per quam deus ac proximus diligitur per quam caelorum regnum adipiscitur

Ille namque tenet et quod patet et quod latet in divinis sermonibus qui caritatem tenet in moribus per quam

Tellus ac aethra jubilent in magni cena principis qui protoplasti pectora vitae purgavit ferculo

Hac nocte factor omnium potentis ac mysterio carnem suam cum sanguine in escam transfert animae

A celsis surgens dapibus praebet formam mortalibus humilitatis gratia Petri petit vestigia

Pallet servus obsequio cum angelorum dominum ferendo lympham et linteum cernit caeno procumbere

Permitte Simon ablui acta figurant mystica dum summus ima bajulat quod cinis servet cineri

Trux lupe Juda pessime fers agno miti basia dans membra loris regia quae sorde tergunt saecula

Nexi solvuntur hodie carnis ac cordis carcere unguem sacratur chrismatis spes inde crescat miseris

Victori mortis inclytam pangamus laude gloriam cum patre et sancto spiritu qui nos redemit obitu