Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Homo pacis meae in quo speravi R. Ampliavit adversum me supplantantionem

Aleph Quomodo sedet sola civitas plena populo facta est quasi vidua domina gentium princeps provinciarum facta est sub tributo

In monte Oliveti oravi ad dominum pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis

Beth Peccatum peccavit Jerusalem propterea instabilis facta est omnes qui glorificabant eam spreverunt eam quia viderunt ignominiam ejus ipsa autem gemens et conversa retrorsum

Tristis est anima mea usque ad mortem sustinete hic et vigilate mecum nunc videbitis turbam quae circumdedit me vos fugam capietis et ego vado immolari pro vobis

Vigilate et orate dicit dominus

Lamech Abstulit omnes magniscos meos de medio mei vocant adversum me tempus ut contereret electos meos torcular calcavit dominus virgini filiae Juda

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse abstulit et iniquitates nostras ipse portavit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Ab insurgentibus in me libera me domine R. Quia occupaverunt animam meam

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intinguit mecum manum in parapside hic me traditurus est in manus peccatorum

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et conteramus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Dormite jam et requiescite ecce appropinquabit qui me traditurus est in manus peccatorum

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Deus meus eripe me de manu peccatoris R. Et de manu contra*

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Congregaverunt iniquitatem sibi et egrediebantur foras

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

Fiat mensa eorum coram ipsis in laqueum et in retributiones et in scandalum

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quod in pectore non habebas

Verax datur fallacibus pium flagellat impius

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Traditor autem dedit eis signum dicens quem osculatus fuero ipse est tenete eum

Jesu Christe qui passurus advenisti propter nos

Domine miserere nobis

Qui prophetice prompsisti ero mors tua o mors

Qui expansis in cruce manibus traxisti omnia ad te saecula

Vita in ligno moritur infernus ex morsu despoliatur

Christus dominus factus est oboediens usque ad mortem

Replevit et inebriavit me amaritudine inimicus meus

Accepto pane Judas tradidit dominum sicut promiserat principibus sacerdotum

Si male locutus sum perhibe testimonium si autem bene quid me caedis

Ait Pilatus mundae sunt manus meae a sanguine hujus justi vos videritis

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

Christus factus est pro nobis oboediens usque ad*

Cenantibus autem accepit Jesus panem benedixit ac fregit dedit discipulis suis