Adaperiat dominus cor vestrum in lege sua et in praeceptis suis et faciat pacem in diebus vestris

Tua est potentia tuum regnum domine tu es super omnes gentes da pacem domine in diebus nostris

Da pacem domine in diebus nostris quia non est alius qui pugnet pro nobis nisi tu deus noster

Judas Machabaeus et Jonathas frater ejus transierunt Jordanem et abierunt viam trium dierum in deserto

Tu domine universorum qui nullam habes indigentiam voluisti templum tuum fieri in nobis conserva domum istam immaculatam in aeternum domine

Adaperiat dominus cor vestrum in lege sua et in praeceptis suis et faciat pacem in diebus vestris concedat vobis salutem et redimat vos a malis

Exaudiat dominus orationes vestras et reconcilietur vobis nec vos deserat in tempore malo

Tua est potentia tuum regnum domine tu es super omnes gentes da pacem domine in diebus nostris

Creator omnium deus terribilis et fortis justus et misericors

Refulsit sol in clipeos aureos et resplenduerunt montes ab eis et fortitudo gentium dissipata est

Erat enim exercitus magnus valde et fortis et appropinquavit Judas et exercitus ejus ad proelium

Impetum inimicorum ne timueritis memores estote quomodo salvi facti sunt patres nostri et nunc clamemus in caelum et miserebitur nostri deus noster

Mementote mirabilium ejus quae fecit pharaoni et exercitui ejus in mari Rubro

Ornaverunt faciem templi coronis aureis et dedicaverunt altare domino et facta est laetitia magna in populo

In hymnis et confessionibus benedicebant dominum

In hymnis et confessionibus benedicebant dominum qui magna fecit in Israel et victoriam dedit illis dominus omnipotens

Ornaverunt faciem templi coronis aureis et dedicaverunt altare domino

Congregati sunt inimici nostri et gloriantur in virtute sua contere fortitudinem illorum domine et disperde illos ut cognoscant quia non est alius qui pugnet pro nobis nisi tu deus noster

Disperge illos in virtute tua et destrue eos protector noster domine

Dixit Judas Simoni fratri suo elige tibi viros et vade libera fratres tuos in Galilaeam ego autem et Jonathas frater meus ibimus in Galaaditim sicut fuerit voluntas in caelo sic fiat

Et nunc clamemus in caelum et miserebitur nostri deus

Hic est fratrum amator et populi Israel hic est qui multum orat pro populo et universa sancta civitate Jerusalem

Vir iste in populo suo mitissimus apparuit

Exaudiat dominus orationes vestras et reconcilietur vobis nec vos deserat in tempore malo dominus deus vester

Adaperiat dominus cor vestrum in lege sua et in praeceptis suis et faciat pacem

Congregatae sunt gentes in multitudine ut dimicent contra nos et ignoramus quid agere debeamus domine deus ad te sunt oculi nostri ne pereamus

Tu scis quae cogitant in nos quomodo poterimus subsistere ante faciem illorum nisi tu adjuves nos

Tu domine universorum qui nullam habes indigentiam voluisti templum tuum fieri in nobis conserva domum istam immaculatam in aeternum domine

Qui regis Israel intende qui deducis velut ovem Joseph

Dirumpam vincula populi mei dicit dominus et disperdam omnia mala quae induxi super eum et auferam universum laborem a facie terrae et a civitate ista

Ego sum protector tuus qui deleo iniquitatem tuam

Aperi caelos tuos domine et vide afflictionem nostram circumdederunt nos gentes ad puniendum nos sed tu domine extende bracchium tuum et libera animas nostras

Afflige opprimentes nos et contumeliam facientes in superbia et custodi partem tuam