Alleluia spiritus*

Apparuerunt apostolis dispertitae linguae tamquam ignis alleluia seditque supra singulos eorum spiritus sanctus alleluia alleluia

Et coeperunt loqui variis linguis prout spiritus sanctus dabat eloqui illis

Ultimo festivitatis die dicebat Jesus qui in me credit flumina de ventre ejus fluent aquae vivae hoc autem dixit de spiritu quem accepturi erant credentes in eum alleluia alleluia

Qui sitit veniat et bibat et de ventre ejus fluent aquae vivae

Disciplinam et sapientiam docebat eos dominus alleluia firmavit in illis gratiam spiritus sancti et intellectu adimplevit corda eorum alleluia alleluia

Spiritus domini replevit orbem terrarum et hoc quod continet omnia scientiam habet vocis

Hi qui linguis loquuntur novis Galilaei sunt et serpentes tollent alleluia

Sic deus dilexit mundum ut filium suum unigenitum daret ut omnis qui credit in ipso non pereat sed habeat vitam aeternam alleluia

Si diligeretis*