Cognoverunt dominum alleluia in fractione panis alleluia

Congratulamini mihi omnes qui diligitis dominum quia quem querebam apparuit michi et dum flerem ad monumentum vidi dominum meum alleluia

Qui sunt hii sermones quos confertis ad invicem ambulantes et estis tristes alleluia alleluia respondens unus cui nomen Cleophas dixit ei tu solus peregrinus es in Iherusalem et non cognovisti que facta sunt in illa hiis diebus alleluia quibus ille dixit que et dixerunt de Ihesu Nazareno qui fuit vir propheta potens in opere et sermone coram deo et omni populo alleluia alleluia

Et coegerunt illum dicentes mane nobiscum domine quia advesperascit alleluia