Domine rex omnipotens in ditione tua cuncta sunt posita et non est qui possit resistere voluntati tuae libera nos propter nomen tuum
Exaudi domine orationem nostram et converte luctum nostrum in gaudium
Conforta me rex sanctorum principatum tenens et da sermonem rectum et benesonantem in os meum
Da nobis domine locum paenitentiae et ne claudas ora canentium te domine
Qui regis Israel intende qui deducis velut ovem Joseph
Spem in alium numquam habui praeter in te deus Israel qui irasceris et propitius eris et omnia peccata hominum in tribulatione dimittis
Qui regis Israel*
Memento mei deus in bono et ne deleas miserationes meas quas feci in domo dei mei et in caerimoniis ejus
Memento verbi tui servo tuo domine in quo mihi spem dedisti
Domine rex omnipotens in ditione tua cuncta sunt posita et non est qui possit tuae resistere voluntati