Quae est ista quae ascendit sicut aurora consurgens pulchra ut luna electa ut sol terribilis ut castrorum acies ordinata

Quem terra*

Audi filia et vide*

Virgo prudentissima quo progrederis quasi aurora valde rutilans filia Sion tota formosa et suavis es pulchra ut luna electa ut sol

Hortus conclusus es*

Quem terra*

Specie tua*

Beata dei genetrix Maria virgo perpetua templum domini sacrarium spiritus sancti sola sine exemplo placuisti domino Jesu Christo ora pro populo interveni pro clero intercede pro devoto femineo sexu

Sancta Maria virgo intercede pro nobis ad dominum

Exaltata es sancta dei genetrix super choros angelorum ad caelestia regna

Paradisi portae per te nobis apertae sunt quas hodie gloriosa cum angelis triumphas

Benedicta tu in mulieribus et benedictus fructus ventris tui

Vidi speciosam sicut columbam ascendentem desuper rivos aquarum cujus inaestimabilis odor erat nimis in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Quae est ista quae ascendit per desertum sicut virgula fumi ex aromatibus myrrhae et thuris

Specie tua*

Adjuvabit eam*

Sicut laetantium*

Beatam me dicent omnes generationes quia fecit mihi dominus magna quia potens est et sanctum nomen ejus

Et misericordia ejus a progenie in progenies timentibus eum

Beata es virgo Maria dei genetrix quae credidisti domino perfecta sunt in te quae dicta sunt tibi ecce exaltata es super choros angelorum intercede pro nobis ad dominum Jesum Christum

Ave Maria gratia plena dominus tecum

Diffusa est gratia in labiis tuis propterea benedixit te deus in aeternum

Specie tua et pulchritudine tua intende prospere procede et regna

Gaude Maria virgo cunctas haereses sola interemisti in universo mundo

Dignare me laudare te virgo sacrata da mihi virtutem contra hostes tuos

Post partum virgo*

Ornatam in monilibus filiam Jerusalem dominus concupivit et videntes eam filiae Sion beatissimam praedicaverunt dicentes unguentum effusum nomen tuum

Astitit regina a dextris tuis in vestitu deaurato circumdata varietate

Veni electa mea et ponam in te thronum meum quia concupivit rex speciem tuam

Specie tua et pulchritudine tua intende prospere procede et regna

Ista est speciosa inter filias Jerusalem sicut vidistis eam plenam caritate et dilectione in cubilibus et in hortis aromatum

Specie tua et pulchritudine tua intende prospere procede et regna

Assumpta est Maria in caelum gaudent angeli laudantes benedicunt dominum

Maria virgo assumpta est ad aethereum thalamum in quo rex regum stellato sedet solio

In odore unguentorum tuorum currimus adolescentulae dilexerunt te nimis

Benedicta filia tu a domino quia per te fructum vitae communicavimus

Pulchra es et decora filia Jerusalem terribilis ut castrorum acies ordinata

Hodie Maria virgo caelos ascendit gaudete quia cum Christo regnat in aeternum

Assumpta est Maria*

Maria virgo*

In odore*

Benedicta*

Assumpta est*

O quam gloriose migravit ad Christum beata et venerabilis virgo dei genetrix cui Abrahae sinus non suffiert sed et caeli palatia patent

Hortus conclusus es dei genetrix hortus conclusus fons signatus surge propera amica mea

Ecce prudens virgo migravit ad Christum fulgens inter choros virginum sicut sol in virtute caelesti

Maria virgo semper laetare quae meruisti Christum portare caeli et terrae conditorem quia de tuo utero petulisti mundi salvatorem

Oculi tui sancta dei genetrix sicut piscinae in Hesebon quae sunt in porta filiae multitudinis aeternum

Optimam partem elegit sibi Maria quae non auferetur ab ea in aeternum

Nigra sum sed formosa filia Jerusalem ideo dilexit me rex et introduxit me in cubiculum suum

Surge aquilo et veni auster perfla hortum meum et fluent aromata illius

In prole mater in partu virgo gaude et laetare virgo mater domini

Sicut malum inter ligna silvarum sic dilectus meus inter filias alleluia

Sub tuam protectionem confugimus ubi infirmi acceperunt virtutem et propter hoc tibi psallimus dei genetrix virgo

Sancta dei genetrix virgo semper Maria intercede pro nobis ad dominum deum nostrum

Glorificamus te dei genetrix quia ex te natus est Christus salva omnes qui te glorificant

Quam pulchra es amica mea quam pulchra es et decora oculi tui columbarum alleluia

Dilecte mi apprehendam te et ducam te in domum matris meae et in cubiculum genetricis meae ibi me docebis praecepta domini

Beata es Maria quae omnium postasti creatorem saeculorum genuisti qui te fecit et in aeternum permanes virgo

Sancta Maria succurre miseris juva pusillanimes refove flebiles ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuum nomen

O quam pulchra es casta generatio cum claritate

Vulnerasti cor meum soror mea sponsa vulnerasti cor meum alleluia alleluia