Jacet granum oppressum palea justus caesus pravorum framea caelum domo commutans lutea

Cadit custos vitis in vinea dux in castris cultor in area

Gloria patri et filio et*

Deus tuorum*

Gloria et honore coronasti*

Felix locus felix ecclesia in qua Thomae viget memoria felix terra quae dedit praesulem felix illa quae fovit exsulem felix pater succurre miseris ut felices jungamur superis

Assunt Thomae martyris sollemnia virgo mater jubilet ecclesia

Summo sacerdotio Thomas sublimatus est in virum alium subito mutatus

Monachus sub clerico clam ciliciatus carne carnis fortior edomat conatus

Cultor agri domini tribulos avellit et vulpes a vineis arcet et expellit

Gloria et honore*

Studens livor Thomae supplicio Thomae genus damnat exsilio tota simul exit cognatio

Ordo sexus aetas conditio nullo gaudet hic privilegio

Thomas manum mittit ad fortia sprevit damna sprevit opprobria nulla Thomam frangit injuria

Clamat cunctis Thomae constantia omne solum est forti patria

Lapis iste sex annis tunditur sic politur sic quadrus redditur minus cedens quo magis caeditur

Aurum fornax probat nec uritur domus firma ventis non quatitur

Gloria patri et filio et*

Nec in agnos sustinet lupos deservire nec in ortum olerum vineam transire

Exsulat vir optimus sacer et insignis ne cedat ecclesiae dignitas indignis

Exsulantis praedia praeda sunt malignis et in igne positum non exurit ignis

Posuisti domine super caput*

Post sex annos redit vir stabilis dare terrae testae vas fragilis Christo vasis thesaurum fictilis

Ne sit lupis praeda grex humilis se pro grege dat pastor nobilis

Jacet granum*

Ex summa rerum laetitia summus fit planctus in ecclesia de tanti patroni absentia sed cum redeunt miracula redit populo laetitia

Concurrit turba languidorum et consequitur gratia beneficiorum

Gloria patri et filio et*

Satanae satellites irrumpentes templum inauditum perpetrant sceleris exemplum

Strictis Thomas ensibus obviam procedit non minis non gladiis sed nec morti cedit

Hosti pandit ostium hostia futurus et pro domo domini stat in hostes murus

Magna est gloria*

Mundi florem a mundo conteri Rachel plorans jam cessat conqueri Thomas caesus dum datur funeri novus Abel succedit veteri

Vox cruoris vox sparsi cerebri caelum replet clamore celebri

Christe Jesu per Thomae vulnera quae nos ligant relaxa scelera ne captivos ferant ad infera hostis mundus vel carnis opera

Per te Thoma post laevae munera amplexetur nos dei dextera

Thomae cedunt et parent omnia pestes morbi mors et daemonia ignis aer tellus et maria

Thomas mundum replevit gloria Thomae mundus praestet obsequia

Gloria patri et filio et*

Granum cadit copiam germinat frumenti alabastrum frangitur fragrat vis unguenti

Totus orbis martyris certat in agone cujus signa singulos angunt in stupore

Aqua Thomae quinquies varians colorem in lac semel transiit quater in cruorem

Ad Thomae memoriam quater lux descendit et in sancti gloriam cereos accendit

Tu per Thomae sanguinem quem pro te impendit fac nos Christe scandere quo Thomas ascendit

Hujus o Christe meritis

Justus ut palma florebit*

Opem nobis o Thoma porrige rege stantes jacentes erige mores actus et vitam corrige et in pacis nos viam dirige

Gloria et honore coronasti eum domine

Et constituisti eum super opera manuum tuarum

Posuisti domine*

Posuisti domine super caput ejus

Coronam de lapide pretioso

Magna est gloria ejus*

Magna est gloria ejus in salutari tuo

Gloriam et magnum decorem impones super eum

Justus ut palma florebit*

Granum cadit*

Thomae cedunt*

Thomas mundum*

Salve Thoma virga justitiae mundi jubar robur ecclesiae plebis amor cleri deliciae salve gregis tutor egregie salva tuae gaudentes gloriae