Ne reminiscaris domine delicta mea vel parentum meorum neque vindictam sumas de peccatis meis

Venite*

Nocte surgentes*

Servite*

Memor fui nocte*

Peto domine ut de vinculo improperii hujus absolvas me aut certe desuper terram eripias me ne reminiscaris delicta mea vel parentum meorum neque vindictam sumas de peccatis meis quia eruis sustinentes te domine

Omnia judicia tua justa sunt et omnes viae tuae misericordia et veritas et nunc domine memento mei

Omni tempore benedic deum et pete ab eo ut vias tuas dirigat et omni tempore consilia tua in ipso permaneant

Memor esto fili quoniam pauperem vitam gerimus habebis multa bona si timueris deum

Memor esto fili quoniam pauperem vitam gerimus habebis multa bona si timueris deum

Fiducia magna erit coram summo deo eleemosyna qui faciunt eam

Gloria*

Sufficiebat nobis paupertas nostra ut divitiae computarentur numquam fuisset pecunia illa pro qua misisti filium nostrum baculum senectutis nostrae

Heu me fili mi ut quid te misimus peregrinari lumen oculorum nostrorum

Benedicite deum caeli et coram omnibus viventibus confitemini ei quia fecit nobiscum misericordiam suam

Tempus est ut revertar ad eum qui me misit vos autem benedicite deum

Tempus est ut revertar ad eum qui me misit vos autem benedicite deum et enarrate omnia mirabilia ejus

Confitemini ei coram omnibus viventibus quia fecit vobiscum misericordiam suam

Gloria*

Conforta me*

Da nobis domine*

Spem in alium*