Ego sum vitis vera*

Manete in dilectione mea sicut dilexi vos

In servis suis alleluia consolabitur deus alleluia

Judicabit dominus populum suum et in servis suis

Sancti tui domine florebunt sicut lilium alleluia et sicut odor balsami erunt ante te alleluia

Sancti et justi in domino gaudete alleluia vos elegit deus in hereditatem sibi alleluia

In velamento clamabunt sancti tui domine alleluia alleluia alleluia

Spiritus et animae justorum hymnum dicite deo nostro alleluia alleluia

Fulgebunt justi sicut sol in regno patris eorum alleluia

In caelestibus regnis sanctorum habitatio est alleluia et in aeternum requies eorum alleluia

Filiae Jerusalem venite et videte martyres cum corona qua coronavit eos dominus in die sollemnitatis et laetitiae alleluia alleluia

Justorum animae in manu dei sunt alleluia non tanget illos tormentum mortis alleluia in pace sunt ea quae possident alleluia

Vox laetitiae in tabernaculis justorum alleluia alleluia alleluia

In tabernaculis justorum lux erit et laetitia alleluia alleluia alleluia alleluia

Sancti tui domine sicut palma florebunt alleluia alleluia

Justum deduxit dominus per vias rectas alleluia alleluia

Amavit eum dominus et ornavit eum alleluia alleluia

Justus autem in perpetuo vivet alleluia alleluia

Beatus vir qui inventus est sine macula alleluia et operatus est justitiam alleluia

Iste sanctus pro lege dei sui morti se tradidit non dubitavit mori alleluia alleluia

Iste cognovit justitiam alleluia et vidit mirabilia magna et exoravit altissimum et inventus est in numero sanctorum alleluia alleluia alleluia

Lux perpetua lucebit sanctis tuis domine alleluia et aeternitas temporum alleluia alleluia alleluia

Gaudia de geminis Wiboradae nata coronis lilia tincta rosis quibus alba rubent pretiosis laudibus instantes cuncti veneremur ovantes martyr virgo preces pro nobis funde tenaces alleluia alleluia alleluia

Exsultantes sponso caelesti Wiboradae jubilemus alleluia

Beata virgo Wiborada perspicaci mentis acie legi intendens dominicae bonorum operum fructus suo dedit in tempore alleluia

Deo dilecta virgo Wiborada parentum nobili stirpe praeclara per sanctae conversationis studium clarior est effecta alleluia

A primaeva aetate ornans se omni morum gravitate

Haec in annis puellaribus aetatem transcendens moribus spe futurae beatudinis cohibuit se a vanescentis mundi gaudiis alleluia

Et quae fidei videt oculus bona praetulit fugacibus

Frequens igitur in orationibus et diversis se mortificans cruciatibus mirificis casta virgo in dies augebatur virtutibus alleluia

Corpus macerans parsimonia et deo serviens in castimonia

Quaedam prenobilis matrona cultricis Christi sanctitate cognita quendam de suis quem daemonica rabies invaserat ut ejus precibus curaretur ad illam transmiserat alleluia

Et virgo mox prece exclusis daemonibus et stuporem et gaudium injecit astantibus

Cui placet aequitas et justitia castae virginis delectatus pudicitiam aedem sibi in ea sacraverat quam ipse frequentare desiderat alleluia

Qui Sarae famulam in ipsius olim injuriam quique presbyteros concitavit infamare Susannam ipse per falsidicam mulierem aggressus Wiboradam nisus est eam obvolvere macula mendacis infamiae alleluia

Sed cum probata virginis innocentia inficiatrix plectitur amentia

Tandem fortis crucifera post diversos sudores Marthae quietem sitiens Mariae a Salemone praesule inclusa in beati cella Galli compos desiderii consedit juxta pedes domini alleluia

Corporis et cordis auribus perceptura verbum illius

Illic in remotis animi obtutibus solius dei inhaerens visibus quam multa futura angelicis edocetur affatibus alleluia

Nam et Ungaros vastaturos Alamanniam suique martyri diem et horam

Sed cum jam virginis suae laboribus finem sanciret imponere dominus passa ab Ungris perennibus stabilita est in gaudiis alleluia

Quae nec oculus vidit nec auris audivit nec in cor hominis ascendunt

In cunctis tuis operibus te domine merito benedicimus qui beatae Wiboradae virginale lilium hodie rosis per ejus tinxeras martyrium alleluia

Ejus vero corpus dum octava die daretur sepulturae nulla cicatrix patuit vulnerum quae ei intulit rabies lictorum alleluia

Sed futurae gloriae resplenduit honore quam roseo perfuderat cruore

Virgo igitur Rachilda cum quodam tempore gravissima laboraret aegritudine ut martyris imploravit auxilium ilico per ejus convaluit meritum alleluia

Et quae imminente in febrium desperabatur per triduum

Martyris Wiboradae precibus hujus loci domine esto tutor assiduus tuere patrem regulae regulares excole et vulgus cum primatibus cunctis erue reatibus alleluia

Et tibi placabilibus nos instruens moribus

Splendida nos testis sociari da prece festis hac quae passa die comes intras facta Mariae alleluia

Pax ubi summa datur periit et mors noxque fugatur

Beata Wiborada nauci faciens mundi gaudia et cupiens offerri deo viva hostia crucis ejus praeculis fit bajula alleluia

Quae ut remota saeculo liberius serviret domino beati Magni ecclesiae contigua includitur aedicula alleluia

Hac indepta mansiuncula per jugem parsimoniam vitam in ea duxit angelicam alleluia

Ibi mundo mortua et soli deo vivida ad ultimum occiditur ab ungris perennibus post victura in gaudiis alleluia

Quam sortem habere cum caelicolis frequentibus signorum ejus declaratur miraculis alleluia

O beata Wiborada quae cum palma victoriae caelos intraveras hodie nos hujus lacrimosae vallis adhuc incolas per aevum tueri non desinas alleluia

Gloria justorum medicinaque Christe reorum jugis qui festi Wiboradam sorte beasti nos quoque da vitam post hanc captare beatam alleluia

Hoc signum crucis*

Helena desiderio plena orabat cum lacrimis dicens tu domine ostende lignum in quo salus nostra fuit suspensa alleluia

Surrexit dominus vere*

Hoc signum crucis erit in caelo cum dominus ad judicandum venerit tunc manifesta erunt abscondita cordis nostri alleluia alleluia

Cum sederit filius hominis in sede majestatis suae et coeperit judicare saeculum per ignem

Agnus dei Christus*

Surrexit pastor bonus*

Dulce lignum dulces clavos dulce pondus sustinuit quae digna fuit portare pretium hujus saeculi

Hoc signum crucis erit in caelo cum dominus ad judicandum venerit

Ecce vicit leo*

Dignus es domine accipere*

Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustines

O crux admirabilis evacuatio vulneris et restitutio sanitatis

Crux benedicta nitet dominus qua carne pependit atque cruore suo vulnera nostra lavit alleluia alleluia

O crux gloriosa o crux adoranda quia in te triumphavit rex angelorum

O crux benedicta quae sola fuisti digna portare regem caelorum et hominum

Mihi autem absit gloriari nisi in cruce domini nostri Jesu Christi

O crux gloriosa o crux adoranda o lignum pretiosum et admirabile signum per quod et diabolus est victus et mundus Christi sanguine redemptus alleluia

Mihi autem absit gloriari nisi in cruce domini nostri Jesu Christi

Helena Constantini mater Jerusalem petiit alleluia

Helena sancta dixit ad Judam comple desiderium meum et vive super terram ut ostendas mihi qui dicitur calvariae locus ubi absconditum est pretiosum lignum dominicum alleluia

Mors et vita apposita sunt tibi si non ostendas mihi crucem Christi

Cumque ascendisset Judas de lacu perrexit ad locum ubi jacebat sancta crux alleluia

Orabat Judas deus deus meus ostende mihi lignum sanctae crucis alleluia

Cum orasset Judas commotus est locus ille in quo sancta crux jacebat alleluia

Tunc praecepit eos omnes igne cremari at illi timentes tradiderunt Judam alleluia

O crux benedicta*

Lignum vitae in cruce tua domine manifestatum est mors enim per ipsam damnata est et mundus totus per ipsam illuminatus est omnipotens domine gloria tibi alleluia

Ecce crucem domini fugite partes adversae vicit leo de tribu Juda radix David in aeternum

Per signum crucis de inimicis nostris libera nos deus noster

Dulce lignum dulces clavos dulce pondus sustinuit quae digna fuit portare pretium hujus saeculi

O magnum pietatis opus mors mortua tunc est quando in ligno mortua vita fuit

Salva nos Christe salvator per virtutem crucis qui salvasti Petrum in mari miserere nobis

O crux benedicta quia in te pependit salvator mundi et in te triumphavit rex angelorum alleluia

O crux gloriosa o crux adoranda o lignum pretiosum et admirabile signum per quod et diabolus est victus et mundus Christi sanguine redemptus

Nos autem gloriari oportet nisi in cruce domini nostri Jesu Christi

O crux benedicta quae sola fuisti digna portare regem caelorum et dominum alleluia

Tuam crucem adoramus domine tuam gloriosam recolimus passionem miserere nobis qui passus est pro nobis

Adoramus te Christe et benedicimus tibi quia per crucem tuam redemisti mundum

Salvator mundi salva nos qui per crucem et sanguinem redemisti nos auxiliare nobis te deprecamur deus noster

Crux benedicta nitet dominus qua carne pependit atque cruore suo vulnera nostra lavit

Super omnia ligna cedrorum crux sola excelsior in qua vita mundi pependit in qua Christus triumphavit et mors mortem superavit alleluia