Quod habuit haec fecit praevenit unguere corpus meum in sepulturam

Maria plorans ad monumentum foris stabat et flendo se inclinans in monumentum denuo prospiciebat quamvis quidem vacuum viderat tamen iterum videre desiderabat

Non sufficiens sibi semel aspexisse vis amoris multiplicabat in ea intentionem inquisitionis

Dixit Jesus Maria noli me tangere non dum enim ascendi ad patrem meum vade et die fratribus meis ascendo ad patrem meum et patrem vestrum

Venit Maria nuntians discipulis quia vidi dominum meum et haec dixit mihi

Una sabbati Maria Magdalena venit mane cum adhuc tenebrae essent ad monumentum Jesu alleluia

Videns lapidem sublatum a monumento Maria cucurrit et venit ad Simonem Petrum et ad alium discipulum et dixit eis tulerunt dominum a monumento alleluia

Stans autem foris plorans inclinavit se et prospexit in monumentum Maria et vidit duos angelos in albis sedentes alleluia

Dicunt ei illi mulier quid ploras dicit eis quia tulerunt dominum meum et nescio ubi posuerunt eum alleluia

Haec cum dixisset conversa est retrorsum et vidit Jesum stantem et nesciebat quia Jesus est alleluia

Dixit Jesus Maria conversa illa dixit ei rabboni et dixit ei noli me tangere nondum enim ascendi ad patrem meum alleluia alleluia

Congaudendum est matri ecclesiae quae colit festum filiae beatae Mariae in qua peccatores consolantur pro qua angeli in caelis jucundantur dum pastor inveniens perditam de morte perduxit ad vitam ad quam ut et nos perveniamus pro nobis ipsa intercedat quaesumus

Ostendit sanctus Gamaliel per visum Luciano sacerdoti tres calathos aureos rosis refertos et quartum argenteum croco plenum et dixit hi sunt nostri loculi et nostrae reliquiae hic autem sanguineas habens rosas loculus est sancti Stephani qui solus ex nobis martyrio meruit coronari

Regressus Lucianus presbyter a sancto Joanne episcopo jussit ut consurgerent omnes diluculo et foderent in acervo illo ubi putabant esse corpora sanctorum

Ex odoris mira fraglantia sanitas aegrotis emanavit maxima septuaginta namque et tres tunc a variis languoribus curati sunt homines in inventione corporis Stephani dilecti sui martyris deum benedicentes

Martyr sancta*

Gloriosa et beatissima Christi martyr Afra quae per florem paradisi pretiosum praesulem Narcissum divinitus medicata mortiferum idolatriae et priscae turpitudinis morbos evasisti teque ipsam vivum et illibatum domino holocaustum per ignem passionis obtulisti nos quaesumus quamvis sordidos quamvis peccatores tui nunc memoriam venerantes sereno vultu respice et cum beatis martyrii tui consortibus pro nostris reatibus intercede

Vigili corde dominum adorantes venite qui a sordibus purgatam sanctis martyribus beatam sociavit Afram

Cum sub Diocletiano tyranno saeva persecutionis tempestas Christi turbaret ecclesias beatus praesul Narcissus domino favente vindelicam venit Augustam

In qua civitate cum puellis suis veneris sacris dedita tunc turpis sed postmodum sanctissima habitabat Afra

Cujus prostibulum cum Felice diacono suo sanctus praesul ignorans ingressus pacem domui imprecatur benigneque quasi pro turpi amatore suscipitur

Cum psalmis deo et hymnis sancti viri vota persolverent Afra stupens et tremebunda insoliti quid sibi hospites velint est admirata

Audiens vero beatum virum christianorum esse antistitem pedibus ejus prosternitur se turpem se peccatricem talique indignam hospite profitetur

Quam vir sanctus verbis evangelicis consolatur ad paenitentiam et conversionem cohortatur eique si credere et baptizari velit veniam et vitam aeternam pollicetur

Beatus pontifex Narcissus cum beatas feminas gratia divina praeventas capaces verbi persensisset toto nisu fructices errorum exstirpare et veritatis frugem studuit inserere

Domino pro ipsis supplicans et verbum vitae eis annuntians

Sancto praesule precibus obnixius insistente daemon nigerrimus et horrore plenus apparuit ac se injuria suis e sedibus pelli proclamabat

Mundi cordis amatorem nil in tam sordidis habere vasis protestatur

Hostis antiquus caelesti virtute et rationum veritate confutatus victus tandem aufugit et deditas jam Christo feminas ejulans reliquit

Coactus a sancto pontifice mortiferum in faucibus alpium draconem perimere

Sancto pontifice in divinis laudibus pernoctante lux caelitus emissa et tenebras noctis excussit et cor Afrae splendore fidei illuminavit

Cumque dulcem sanae doctrinae saporem praegustasset Afra puellas suas allocuta promptas eas ad viam vitae pedisequas invenit

Afra priscam Rahab Jerichontem secuta veri Jesu legatos ad supplicium a persecutoribus requisitos sub lini fasciculis supernae civitatis futura civis occultavit

Imbuta verae fidei rudimentis Afra quaeque a sancto hospite salutaria percepit matri suae Hilariae fideliter indicavit

Quae beatum virum noctu ad se transmissum gratulabunda suscipiens pedes ejus amplectitur vitaeque prioris miseros errores confitetur

Auditis praesul sanctus turpissimis ab Hilaria daemonum culturis gemens et lacrimas fundens pias cum diacono suo pro tanto errore domino preces effudit

Propulso post longum conflictum prisci erroris persuasore vir domini Narcissus beatas mulieres fide Christi plenius instruxit et salutari lavacro paenitentia et jejuniis praeparari fecit

Familiam totam cognatos affines et amicos

Cum fontem vitae sitientes et fide alacres perspexisset sanctus pontifex domino gratias referens Christi baptismo gaudentes abluit omnes

Vasa prius irae in vasa emundans misericordiae

Mox omnibus in fide Christi confortatis avunculum Afrae Dionysium episcopum eis praefecit et domum Hilariae ecclesiam de…

Gloriose rex Oswalde vota damus tu attende tui sumus recognosce mortem aufer vitam posce ave quondam rex Anglorum nunc cohaeres angelorum placa nobis regem tuum qui te fecit civem suum

Spes quibus est vitae domino jubilare venite reddidit Oswaldo qui regna perennia sancto

Oswaldum puerum longo de sanguine regum Christus adoptavit Northumbria cum generavit

Nobiliter natum nece mox patris exsiliatum Scotia suscepit ibi Christum discere coepit

Jamque puer purus fidei petra firma futurus barbarien sprevit studiisque piis adolevit

Omnibus exutus domini mandata secutus caelica plus quam se dilexit cetera ceu se

Jam tum virtutem quasi rex formatus ad omnem vestiit algentes et nutriit esurientes

In domino fidens mundi ludibria ridens miles ut invictus inimicos repulit ictus

Igitur rex Oswaldus ad gentis suae munimentum et christianae fidei fundamentum Northumbriae gentilibus est editus parentibus

Ut rosa de spinis pulcherrima surgit acutis

Elifrido patre ejus mortuo in Scotiam dulcis transfertur pusio

Ut Christum discat et in ejus amore calescat

Instituitur docibilis adolescens solum deum sapere et pro terrenis caelestia anhelare

Et cito lapsuram mundi reprobare figuram

Interea proelio Eduwinus occubuit Christus Oswaldum paterno regno restituit

Tempora qui mutat sub quo mare terraque nutat

Gloria patri et filio et spiritui sancto

Rex diadematus in cunctis magnificatus fines tutatur cultumque dei meditatur

Cura sibi gentis erat haec sua signa sequentis idola calcandi templum tibi Petre locandi

Ad fundamentum fidei sanae jaciendum doctrina sanum vocat a Scotis Aidanum

Praesule sub tali documento spirituali gens fera mutatur domino nova turba dicatur

Tunc actus socios rex alterat atque sacerdos hic docet hic discit hic disserit excipit ille

Hoc studio functi tam sancto foedere juncti in theatro mundi pia sunt spectacula facti

Cernens demum antiquus hostis tanto conatu se impeti armaturam fraudis induitur harenam intrat parat congredi

Lucra renascentis non passus crescere gentis

Ad expugnandum pium regem et abolendam dei legem excitat quendam ducem Britonum et commovet in proelium

Milibus armatum belli feritate probatum

Rex Oswaldus deo fretus paucos suos fide munit hoste caeso victor redit

Haec deus haec tua sunt et adhuc quaecumque supersunt

Gloriosus es aeterne rex qui sicut tuum quondam Constantinum sic per signum sanctae crucis Oswaldum regem triumphare facis

Qui cruce vicisti victorque deus rediisti

Gloria patri et filio et spiritui sancto

Complantatus aquis florens Oswalde virescis cui rosa martyrium lilia dant lavacrum

Ad tactum crucis in qua rex Oswaldus triumphavit sola fides additur et medela aegris redditur

Aut aqua potatur et caelica vis comitatur

Paschae die rex esurientibus discum argenteum dividit pauperibus reddit Aidanus benedictionem quae permanet in hunc diem

Numquam marcescat manus ista nec inveterescat

Pontificante sancto papa Honorio et adnitente Birino episcopo rex Cynigilfus fidem Christi suscipit Oswaldus eum de lavacro excipit

Christus adoratur rex et sua turba novatur

Athleta dei Oswaldus sanguine suo laureandus ingravescente proelio se suosque committit domino regnum mutat non deponit et in sinu aeterni regis rex et martyr reclinato capite obdormit

Fessus et emeritus felici fine potitus pax ubi vera datur ad caelica regna vocatur

Cum prece rex migrat qua se tellure reclinat larga salus manat et languida corpora sanat

Miles miratur equus ejus dum medicatur postulat affertur paralytica sana refertur

Herbida terra viret britto de pulvere transfert flamma domum lambit sacrum fugit ignis et ambit

Suscipitur clara meritum testante columba pulsa fugit pestis fremit hospes pellitur hostis

Aeger ut accedit mox febris anhela recedit poscit opem moriens Oswaldus adest sibi clemens

Sol oriens nec deficiens de virgine stella luciflua pietate sua te sancte coronat rex celebris nos de tenebris absolve reatus luce cluis lux esto tuis Oswalde rogatus

Te Christe rex caelorum magnificet vox angelorum qui sanctum Oswaldum fide candidatum sanguine suo purpuratum agni comitatui addidisti laureatum per hujus domine tui regis intercessionem nos peccatores in aeternam admitte reconciliationem

Jacobe serve dei qui filius es hebete

Vociferando rei rogitant loca da requie

Quae colis in caelis Christo testante fidelis

Laus immensa dei sunt hujus festa diei in qua grecorum flos scandit ad alta polorum inclytus Aegidius quia dulcia vota per ejus vincula rumpuntur tempestates reprimuntur sedantur morbi totique salus datur orbi

Christum laudemus cuncti Christo jubilemus electis sonum qui dedit Aegidium

Felicissimus dei confessor Aegidius stirpe nobili progenitus per divini operis cultum vere est nobilitatus

Signis variis illustrans Atheniensem paternam cunctis suadens sapientiam

Ambulans sanctus Aegidius prope pelagi litus aspexit nautas periclitantes procellarum motu ac flaminum quorum miserie condolens deprecatus est dominum

Continuo cessante ventorum tibi ne illi autem pervenerunt cum salute

Beatus Aegidius appellatum veniens ab ejusdem civitatis praesulem honorifice susceptus est sed et plebs in ejus laudibus acclamavit praetor signis quae passim gessit

Collaudabunt multi sapientiam ejus et usque in saeculum non delebitur divini