Unguentum quod sibi Maria turpiter exhibuerat hoc jam deo laudabiliter offerrebat oculis terrena concupierat sed hos jam per paenitentiam conterens flebat

Capillos ad compositionem vultus exhibuerat sed jam capillis lacrimas tergebat ore superba dixerat sed pedes domini osculans hoc in redemptoris sui vestigia figebat

Fundans Sion in sapphiris rex Christe altissime ac propugnans jaspidibus te ex fide scientibus memor Raab et Babylonis cum Maria Magdalena confer nobis quae et illis pietatis magnalia ut ex corde paenitentes nos alienigenas his quandoque collaetari miserator perficias

Quod ergo in se habuit oblectamenta tot de se invenit holocausta convertit ad numerum virtutum numerum criminum ut totum serviret deo in paenitentia quicquid ex se deum contempserat in culpa

Conversus Jesus ad Mariam dixit mulier dimittuntur tibi peccata fides tua te salvam fecit

Cui plus dimittitur plus diligit vade in pace

Cum venisset Maria ubi erat Jesus videns eum cadit ad pedes ejus

Sicut peccatorum veniam sic fratri suo obtinuit vitam

Maria plorans ad monumentum foris stabat et flendo se inclinans in monumentum denuo prospiciebat quamvis quidem vacuum viderat tamen iterum videre desiderabat

Non sufficiens sibi semel aspexisse vis amoris multiplicabat in ea intentionem inquisitionis

Gloria patri et filio et spiritui sancto

Plus ergo poenitens mulier pascebat intus quam phariseus dominum pasceret foris quia ab estu carnalium quasi hinnulus redemptor noster ad illius mentem fugerat quam post vitiorum ignem penitentiae unda temperabat

Maria ergo accepit libram unguenti nardi pistici pretiosi et unxit pedes domini Jesu et extersit capillis pedes domini ejus et domus impleta est ex odore unguenti

Cum esset Bethaniae Jesus venit Maria habens alabastrum unguenti nardi spicati pretiosi et fracto alabastro effudit super caput ejus

Accepit Maria libram unguenti nardi pistici pretiosi et unxit pedes Jesu et capillis capitis sui extersit

Stans retro secus pedes Jesu lavit lacrimis suis et exosculabatur eos

Fregit Maria super caput Jesu alabastrum ungenti nardi spicati pretiosi indignati sunt autem discipuli ejus dicentes ut quid perditio haec facta est

Potuit hoc vendi multo et dari pauperibus

Vidit Maria duos angelos in albis sedentes unum ad caput et unum ad pedes ubi positum fuerat corpus Jesu dicunt ei illi mulier quid ploras

Dicit eis quia tulerunt dominum meum et nescio ubi posuerunt eum

Caelestis medicus aegram quam sanaverat per pietatis suae sententiam confirmat fides tua inquiens te salvam fecit vade in pace

Fides etenim salvam eam fecit quae hoc quod postulabat posse se ab eo percipere non dubitabat

Gloria patri et filio et spiritui sancto

Septem ergo Maria daemonia habuit quae universis vitiis plena fuit sed ecce quia turpitudinis suae maculas aspexit lavanda ad fontem misericordiae cucurrit convivantesque non erubuit

Quia semetipsam graviter intus erubescebat nihil quod foris verecundaretur esse credebat

Maria Magdalena quae fuerat in civitate peccatrix amando veritatem lavit lacrimis maculas criminis et vox veritatis impletur qua dicitur dimissa sunt ei peccata multa quoniam dilexit multum

Quae enim prius frigida peccando remanserat post modum amando fortiter ardebat

Cujus ergo vel saxeum pectus ille hujus peccatricis animae ad exemplum paenitendi non emolliant consideravit namque quorum fecit et noluit moderari quid faceret | super convivantes ingressa est non jussa venit inter epulas lacrimas obtulit

Nam quia semetipsam graviter erubescebat intus nihil esse credidit quod verecundaretur foras

Hanc vero quam Lucas peccatricem mulierem Joannes Mariam nominat illam esse Mariam credimus de qua Marcus septem daemonia ejecta fuisse testatur septem enim daemonia habuit quae universis viciis plena fuit sed ecce quia turpitudinis suae maculas aspexit lavanda ad fontem misercordiae cucurrit

Videns haec phariseus dicebat intra se hic si esset propheta sciret utique quae et qualis est mulier quae tangit eum quia peccatrix est

Umbrosum tunc revera locum verus cervorum hinnulus e sibi et pascua quaesivit in meridie quando super caelestis ille transmigrationis Idithun in corde Mariae paenitentis quod ab aestu carnalium desideriorum ex toto caelitus temperatum invenit delectabatur tam desiderabiliter requiescere

Ad ipsius quippe mentem exsultim confugerat quam post vitiorum ignem paenitentiae temperies refrigerabat

Adest testis divinae misericordiae beatissime Mariae Magdalenae de qua phariseus dum pietatis fontem vellet obstruere dicebat hic si esset propheta sciret utique que et qualis est mulier quae tangit eum quia peccatrix est ipsa intercedat pro peccatis nostris

Maria lavit lacrimis maculas cordis et corporis et redemptoris sua vestigia tetigit quae sua prava itinera dereliquit

Summe propitiator Christe Jesu et susceptor peccatorum qui Mariam Magdalenam commiserans liberasti a rabie septenaria spirituum malignorum tu in digito dei et ejiciens ex nobis vitiorum omnium daemonia consigna corda nostra propitius septiformi tui spiritus sanctimonia

Conferens nobis miserator per Mariae intercessionem veram de peccatis nostris paenitentiam et remissionem

Gloria patri et filio et spiritui sancto sicut erat in principio et nunc et semper

Una sabbati Maria Magdalena venit mane dum adhuc tenebrae essent ad monumentum Jesu alleluia

Videns lapidem sublatum a monumento Maria cucurrit et venit ad Simonem Petrum et ad alium discipulum et dicit ei tulerunt dominum de monumento alleluia

Stans autem foris plorans inclinavit se et prospexit in monumentum Maria et vidit duos angelos in albis sedentes alleluia

Dicunt ei illi mulier quid ploras dicit eis quia tulerunt dominum meum et nescio ubi posuerunt eum alleluia

Haec cum vidisset conversa est retrorsum et vidit Jesum stantem et nesciebat quia Jesus est alleluia

Dixit Jesus Maria conversa illa dixit ei rabboni noli me tangere nondum enim ascendi ad patrem meum alleluia alleluia

Ingressus Jesus domum Simonis pharisaei cum aegrotis medicus discubuit et ecce Maria mulier aegrota in domum ad medicum salutis desiderio facta impudens audacter irrupit

Quae dum lacrimosa ad eum medullitus ingemuerat a peste mox curatur qua misera languerat septem quippe nequitiis verbo medicus effugatis ignivit cor ejus incendio ardentissimae caritatis

Incendit plene Maria peccati rubigine quae arsit tam incomparabiliter per inextinguibilem sanctissimae dilectionis ignem

Intravit Jesus in quoddam castellum et ecce Martha soror Mariae gaudens eum excepit in domum

Intendens porro Maria unum quod est necessarium sororemque linquens solam circa frequens ministerium secus pedes domini sedebat et verbum illius semper audiebat

Exquirebat Maria quem non invenerat flebat inquirendo et amoris sui igne succensa ejus quem ablatum credidit ardebat desiderio unde contigit ut eum sola tunc videret quem remansit ut quaereret

Gloriosa splendet orbi beati fides Jacobi pro qua caesus ab Herode regnum scandit ad caeleste

Congaudendum est claritati tuae Christi confessor inclyte cui cum fratre clarissimo Joanne dum desideras conregnare pretiosum ejus calicem delegisti bibere o beate Jacobe tuae consortes gloriae fac nos sancta intercessione

Immenso salvatoris amore fervebat Jacobus cum Joanne dum petit dextra levaque ille regnanti assidere

Unde etsi error jure corripitur confundi tamen amor non meretur

Insignis athleta dei Jacobus salutare Christi poculum quod par amor sitiebat fratrum dum bibere meruit primus ad desideratam regni sedem conscendit torque et purpura decoratus

Nos prece ducat eo quo gaudens ipse tropaeo

Gloria patri et filio et spiritui sancto

Auctori celebres pangat pia contio laudes alternique chori Jacobi famulentur honori

Hujus in ecclesia micat ut sol plenaque luna vita fides meritum virtus doctrina tropaeum

Ad Christi vocem cum navi retia patrem et mundo si quid possederat omne reliquit

Cum facies Christe tua splenduit adfuit iste astitit et cellae qua reddita vita puellae

Nam signis et virtutibus hostem subplantat Jacobus dum pro te fuso sanguine tecum regnat Jesu Christe nos ipsius per merita tua fac dignos gratia

O beate dei athleta Jacobe o praeclarum decus apostolice turme quam prima suavissima factus hostia Christi ad regnum prothomartyr inclyte pervenisti tu pro nobis quae sumus sacris pervenias precibus majestatem dei decoratus

Veneremur Christum regem quo Jacobus jam perennem promeruit regni sedem

Fulget sole splendidius inter primates Jacobus qui in carne reverendam Christi viderunt gloriam

Tres prae cunctis sunt electi quorum felices oculi

Gloria patri et filio et spiritui sancto

Sacra voce tonans Jacobus signisque coruscans filius est tonitrus digne cum fratre vocatus

Quam pulchra es dilecta mea et quam decora carissima mea in deliciis statura tua assimilata es palmae et ubera tua botris et odores tui sicut malorum granatorum guttur tuum sicut vinum optimum alleluia alleluia alleluia

Dilectus meus descendit in hortum suum ut pascatur et lilia colligat ego dilecto meo et dilectus mihi qui moratur inter ubera mea alleluia

Gaude dei genetrix virgo immaculata gaude quae gaudium ab angelo suscepisti gaude quae genuisti aeterni luminis claritatem gaude mater gaude sancta dei genetrix virgo tu sola mater innupta te laudat omnis factura genetricem lucis sis pro nobis quaeseumus perpetua interventrix

O flos florum o domicilium virtutum o electissima mulierum beata virgo Maria cujus solius commercium fragilitas generis humani invenit aditum recuperandi admitte preces nostras intra sacrarium exauditionis et reporta nobis gratiam reconciliationis sit per te excusabile quod per te ingerimus accipe quod offerimus impetra quod rogamus quia nec potentiore meritis ad placandam iram judicis invenimus quam te quae meruisti mater existere ejusdem redemptoris et judicis

Adest testis divinae misericordiae beata Maria quae lavans lacrimis maculas criminis susceptoris sui tetigit vestigia ac prava sua derelinquens itinera huic post haec assidebat verbumque illius audiebat viventi adherebat mortuum quaerebat viventem reperit quem mortuum quaesivit

Tantumque apud deum locum gratiae invenit ut hunc ipsis quoque apostolis verax ejus apostola resurrexisse nuntiaret

Venerantes sacram beatae genetricis dei Mariae nativitatem aeternum adoremus dominum

Solve jubente deo terrarum Petre catenas qui facis ut patuant caelestia regna beatis

Quodcumque ligaveris*

Qui regni claves et curam tradit ovili qui caeli terraeque Petro commisit habenas ut reserat clausis et solvat vincla ligatis

Quodcumque ligaveris*

Ponens Petrus genua sua orabat et conversus ad corpus dixit Tabita surge at illa aperuit oculos et viso Petro resedit dansque illi manum erexit eam et sanctis ac viduis assignavit vivam

Adhuc loquente Petro cecidit spiritus sanctus super omnes qui audiebant verbum et erant loquentes linguis et magnificantes deum tunc Petrus jussit eos baptizari in nomine domini*

Cornelius centurio vir religiosus ac timens deum vidit manifeste angelum dei dicentem sibi Corneli mitte et accersi Simonem qui cognominatur Petrus hic dicet tibi quid te oporteat facere

Aperiens Petrus os suum dixit in veritate comperi quia non est personarum acceptor deus sed in omni gente qui timet deum et operatur justitiam acceptus est illi

Suavissime universorum domine misericordiarum pater mitissime qui omnia sub peccato concludis ut omnium miserator miserearis miseri tuorum in omnibus miseraminum nos memores te pietatis nimiae te fontem rogamus supplices ut apud te potenti beatae Mariae Magdalenae suffulti precamine ejus te solum exemplo mereamur diligere multum ut et remittas nobis quod heu in multis tibi soli peccavimus multum

Simon Bar Jona*

Claves Petre poli dominus credit tibi soli ergo recordatus quia lapsus es et reparatus lapsos intrare sine nos dum flemus amare

Labimur o quotiens sed releva toties

Gloria patri et filio et spiritui sancto

Jam bone*

Angelus domini astitit et lumen refulsit in habitaculo carceris percussoque latere Petri excitavit eum dicens surge velociter et ceciderunt catenae de manibus ejus

Gratias tibi domine Jesu referimus immensas quia in beata martyre Afra ubi abundavit iniquitas superabundavit et gratia tua

Martyr sancta dei quae flagrans igne fidei flammas sprevisti tortorum victima Christi qui foedant mores precibus restingue calores

Crescat ut in nobis divini fervor amoris

Gloria patri et filio et spiritui sancto

Jesu Christe auctor*

Specie tua*

Gloriosa et beatissima Christi martyr Afra quae per florem paradisi pretiosi praesulem Narcissum divinitus medicata mortiferum idolatriae et priscae turpitudinis morbos evasisti teque ipsam vivum et illibatum domino holocaustum per ignem passionis obtulisti nos quaesumus quamvis sordidos quamvis peccatores tui nunc memoriam celebrantes sereno vultu respice et cum beatis martyrii tui consortibus pro nostris reatibus intercede

Vigili corde dominum adorantes venite qui a sordibus purgatam sanctis martyribus beatam sociavit Afram

Martyr dei*

Cum sub Diocletiano tyranno saeva persecutionis tempestas Christi turbaret ecclesias beatus praesul Narcissus domino favente vindelicam venit Augustam