Audi filia et vide*

Gaude caelum terra plaude dies adest digna laude plena dies gloria qua Elisabeth antiquum castitatis inimicum elisit victoria mater et matrona tuis sacris precibus interventrix et patrona sis pro nobis omnibus

Vergentis ad vesperam mundi vitam prosperam Elizabeth despiciens nec retro respiciens ad ea se extendit quae jam apprehendit

Quasi stella matutina quam illustrat lux divina inconventu cum contentu Elizabeth caelestium gaudet luminarium

Regi deo jubilantes laudum per insignia exsultemus venerantes Elisabeth sollemnia

Ex ore infantium laudem deo perficit infantes egentium dum quasi nutrix reficit

A calore caritatis calefacti pauperes juxta prunas nuditatis laetantur immemores

Inquinari manus sorde reputans delicias infirmorum mundo corde tractat immunditias

Diffusa est gratia*

De paupertatis palea dum quasi granum germinat Elisabeth insignis haereses ab area fidei disterminat meritis et signis

Aures surdis reserat caecis visum reparat et claudis incessum

Ista regis filia haec contemptibilia mundi non elegit sed seipsa fortior seseque sublimior se sibi subegit

Spiritum jejunio carnem sub cilicio jugiter castigans

O mirandam mulieris hujus fortitudinem qua in se vitae veteris sic occidit hominem et potestates aeris vertit in formidinem

Hoc pugnatura stadio mente virum induit femur cingit gladio

Gloria patri et filio et spiritui sancto

Ab intus regis filiae omnis decor gloriae nihil foris appetit laudis vel honoris

Omnium refugio fortiter adhaeret dum viri solatio vidua careret

Habens caelo fundamentum aurum super et argentum prudenter aedificat dum pauperes laetificat

Specie tua*

Aspernata saeculum generosi sanguinis parvipendit titulum apprehendens enim fusum manuum consilio victus quaerit usum

In gazophylacium vidua cum vidua totum mittens pretium

Egens egenis largiens sibi nil retinuit caeleste regnum ambiens hic praesens omne respuit

Fide grandis spe secura manum mittit ad futura

Caeco nato cui nec sedes erant oculorum instrumenta lucis dedit et naturae decus per momenta temporum

Novum hoc spectaculum idem isti vetus Christi renovet miraculum

Gloria patri et filio et spiritui sancto

Deo decantent omnia qui vitam reddit mortuis Elisabeth suffragiis et fugat daemonia

Justae lux orta gratiae late spargens radium rectis corde studium ingerit laetitiae

Deus palam omnibus revelans justitiam salutarem gentibus per hanc infundebat

Adjuvabit eam*

Famulis se famulam fecit haec beata coquinae gaudens deturpata et cor gerens indefessum debiles debilior portat ad secessum

Sic sedulae paupercula lavit istos illis stravit

Aman in patibulo cum Esther appendit holofernis dexteram in caput extendit et suum periculo populum defendit

Manum mittens ad fortia sic vicit innocentia

O lampas ecclesiae rivos fundens olei medicina gratiae nutrimentum fidei tutelam presta pavidis calorem minus fervidis languidis medelam

Tu dei saturitas oliva fructifera cujus lucet puritas et resplendent opera

Gloria patri et filio et spiritui sancto

Dominus Elisabeth induit decore cujus nunc parata est sedes in honore

Deo cum laetitia serviens puella sub magistri manibus sustinet flagella

Haec ad deum sitiens currens in siti carnis desideriis didicit reniti

Domo rebus dum ablatis mendicat hospitium in camino paupertatis benedixit dominum

In tantis virtutibus famulae fidelis laudet omnis spiritus dominum de caelis

Audi filia et vide*

Cornu salutis hodie in turribus ecclesiae dominus erexit cum de manu Philistaei castra protexit fidei ac in viam gratiae pacis et justitiae plurimos direxit

Audi filia et vide*

Exsultet vox ecclesiae nam caput superbiae Elisabeth contrivit quae non exaudivit vocem exactoris cujus intercessio cujus intercessio nos ab hoc exsilio revertentes societ angelorum choris

Hymnum deo vox jucunda decantet ecclesiae nam congaudet laetabunda Sion mater filiae ascendenti de profunda convalle miseriae

Quam regali stirpe natam in annis infantiae vir accepit desponsatam indolis eximiae semper tamen inspiratam voto continentiae

Fide prole sacramento ratum haec conjugium vero docet argumento quod patrum caelestium vitae sanctae sacramento attingit consortium

Lege carnis sic ligata non exstinxit spiritum sed implevit fide rata nec reliquit irritum quod adeo mens patrata gerebat propositum

Haec insignis haec beata pauperum nutricia fastu mundi non elata nec parentum gloria in se carne trucidata crucifixit vitia

Aquam eam dum rogavit hostis innocentiae potum lacte perforavit clavo poenitentiae et sic sese liberavit virtus patientiae

Tandem viro destituta munda mundum exuit Christo mentem jam induta saccum carni consuit et in tempus hoc statuta sic lampas emicuit

Veras censu paupertatis redimens divitias de thesauro pietatis fudit auri copias et multorum egestatis supplevit inopias

Fecit opus fuso tibi quaerens alimoniam et vilescens ipsa sibi sprevit ignominiam sciens soli Christe tibi recte dari gloriam

Gloria sit Jesu bone tibi nunc et jugiter qui certantes in agone adjuras fideliter et mercedem das coronae vincenti viriliter

Novum sidus emicuit error vetus conticuit novo splendore rutilat plebs novas laudes resonat

In cujus nunc praeconia linguam solvat ecclesia novae praeconis gloriam promat sperando veniam

Dies sollemnis agitur dies salutis colitur in qua quae promittitur ac attestante redditur

Ergo dei famula Elisabeth per saecula Christo conregnans veniam nobis poscas et gratiam

Deo patri sit gloria ejusque soli filio cum spiritu paraclito per infinita saecula amen

Gaude felix Ungaria gaude de Christi munere hymnis novis jam varias laudes non cesses promere

Elisabeth sanctissima de te nascendo prodiit rite detestans infima regnum caeleste petiit

Terreni regis filia caelesti regi placuit electum super milia quaerens invenit tenuit

Vitae sequens consilia salutis quaerit medicum terreni regis filia regnum meretur caelitum

Conjuncta caeli civibus potatur vitae flumine divinis vacans laudibus lumen videt in lumine

Sit laus patri cum filio sancto simul paraclito qui nos purgatos vitio sanctis conformet merito

Audi virgo glorifica post filium spes unica mundi clemens et imperialis nostra dele maculosa acceptans nostra cantica impetra pulchra caelica

Cordis ac vocis jubilo pangamus laudes domino cujus matris conceptio mundum perfudit gaudio

Suscipe devote praeconia Christe catervae

O sancta mundi domina regina*

Sponsa Christi fulgida regina caeli inclyta virgoque prudentissima mater domini intacta

Floresce dulcis filia in matris alvo concepta de qua flos campi speciosus nasci voluit dominus

Tu virga stirpe regia David sacrata exorta quae regem sine macula regum lactasti domina

Tu porta semper serata prophetae ore praedicta quae nulli numquam pervia mortali esses Maria

Princeps solus transivit per te qui cuncta creavit qui verbum dei dicitur et toto corde colitur

Haec nobis tua conceptio virtutem donet in mundo ut grates tuo filio dicamus cum tripudio

Laus trinitati inclyta sit semper at victoria in unitate solida per saeculorum saecula amen

Elegit eam deus*

Ave decus virgineum ave jubar aethereum nobis praesens sollemnitas data sit perpes jucunditas tua namque conceptio summis est gratulatio alleluia

Eia pervigiles domino jubilate fideles conceptumque piae sollemnizate Mariae

Fit porta*

Gaude fidelis contio adest ejus conceptio quae delet Evae maculam vitae redonet infulam

Cui Eva oboedivit haec serpentis caput trivit jugum spernens nuptiarum deo vovit caelibatum

A prophetis praecinitur et figuris ostenditur quod mulier procederet quae deum virgo pareret

Diffusa est gratia*

Fulget dies hodierna digna laude sempiterna qua concepta est Maria per quam patet vitae via

Germine regali nec non et pontificali

Abrahae stirpe generosa virgo prodit gloriosa quae nullius per exemplum se sacravit deo templum

Haec admiranda cunctis haec est imitanda

Virga Jesse de radice genus duxit inclytum oraculis prophetarum quod fuerat proditum inde virgam egressuram prolem Christum parituram

Voce propheticae signatur origo Mariae

Namque rubus incombustus Moysen qui terruit haec est virgo quae pudore salvo deum genuit

Virga Aaron fructifera Mariae typum gesserat quae nobis fructum attulit famem qui nostram depulit

Isaias ille divus secretorum dei rivus virgae movens mentionem pandit hanc conceptionem

Specie tua*

Sicut rosa inter spinas illis addit speciem sic venustat suam virgo Maria progeniem germinavit enim florem qui vitalem dat odorem

Cujus cunctorum laus promitur ore piorum

Prophetalis nubem levem vox dixit ascendere salvatorem Aegyptique tenebras invisere ut in mortis caligine sedentem lustret lumine