Parentes ejus collaterales Clodovei regis Franciae habebant in palatio primatum militiae

Christi confessor Leonardus nobilis in mundo claris patrum natalibus sed longe nobilior in Christo beatus enituit moribus

Dilectus deo et hominibus cujus memoria in benedictione est aeterna

Expetiit et inpetravit Leonardus a rege ut omnes in vinculis positi quos ipse visitaret solverentur a carcere

Sicut a terreno rege temporaliter sic a caelesti optinuit gratiam semper

Relinquens igitur quod promittebat rex pontificale fastigium tamquam fidelis agricola seminando verbum dei devenit aurelianum

Armis fidei accinctus et verbum dei fideliter omnibus praedicare paratus

Gloria patri et filio et spiritui sancto

Leonardus auditor Remigii remensis archipontificis exstitit per quem rex Clodoveus fidem Christi suscepit

Qui puerum Leonardum suscepit de sacro fonte pro carissimo nobilium parentum amore

Postquam evasit incrementa puerilia super in regis ardebat desiderio terreni se subtrahens palatio

Divina misericordia precibus Leonardi parturienti reginae subvenit et edita quam in utero habebat prole ab omni languore libera mater exstitit

Statim ut sanctus egressus est a cubiculo egressus est quoque infans parturientis ex utero

Crescebat vehementer fama ejus bonitatis et multi aegrotantes confluebant ad eum gratia recuperande sanitatis

Quibus doctor salutis salutem reddebat et eis tam carnalem quam spiritualem escam tribuebat

Leonarde homo dei deprecor de ut nos quam discedens in palatio meo mecum maneas quo usque infulam pontificalem sicut dignus es a me suscipias

Dixit ei arcessito rex Franciae vir dei mecum quaeso mane

Gloria patri et filio et spiritui sancto

Expetiit et inpetravit Leonardus a rege ut omnes a vinculis positi vos ipse visitaret solverentur carcere

Sciebat enim et faciebat illud evangelicum in carcere eram et venistis ad me et quod viri ex minimis meis fecistis mihi fecistis

Erat Leonardus clericus humilis atque mansuetus et crescebat per tctoram Galliam fama bonitatis ejus

Magnificavit dominus in universo mundo nomen Leonardi et omnis quicumque invocaverit nomen ejus fideliter merebitur a vinculis et a peccatis absolvi

Erat Leonardus*

Justus ut palma*

Ejus meritis te Christe deprecamur ut a carcere mortis eripi mereamur

Orante beato viro puteus siccus recepit a quam in deficientem quae incolis potum praestat usque in diem praesentem

Jussit sanctus scrobem siccam fieri quam mox replevit aqua virtus altissimi

Postquam sanctus cursum consumavit Leonardus anima ejus recepta est in caelum ab angelis corpus traditum terrae a fidelium turbis

Signa per eum multa et magna patratur et postulata fideliter obtinentur

Gloria patri et filio et spiritui sancto

Dissolvens nexus Leonardus carne solutus materiam carnis dat terrae cetera caelis

Omnis terra pie Christo domino jubilate aspectu cujus fruitur felix Leonardus

Jejunans vigilans orans vir pectorae constans corpus spiritui sub debat utrumque tonanti

In servo dominus in militae sit benedictus rex cujus regnum miles tenet omne per aevum

Dulcisonis hymnis collaudet spiritus omnis regem qui sanctum sibi mirificat Leonardum

Est benedicendus deus Israel est benedictus qui signis decorat Leonardum laude perennat ejus nos meritis tu qui peccatare mittis respice sol oriens exalto dirige clemens

Exaltans humiles implens deus esurientes extulit hunc modicum caelo magnum Leonardum implevitque bonis spernentem terrena summis ejus nos precibus salvet per saecula Christus

O beate Leonarde vir misericordiae o signi potens confessor o lator laetitiae prece solve nos educens de lacu miseriae et de luto faecis tractos duc ad regnum gloriae

O Leonarde pastor bone clarum sidus rutilans sacrae fidei colone labis chaos mutilans evangeliique sator mortis purgans lolium

Infirmorum spoliator viam lucis resonans captivorum liberator fidem Christi praedicans mundum vincis triumphator hosti rapis spolium

Sancte Leonarde pro nobis dominum de precare ut post praesentia mercamur gaudia finis nescia beate Leonarde pro salute nostra dominum jugiter de precare

Tua voce fortis leo mortuos vivificas praedicando multos deo perditos reaedificas persequenti poenitentis abscondis vestigia

Pigmentalis ad medelam nardus salutifera odor suavis ad tutelam contra cuncta pestifera removendo corruptelam sacra per prodigia

Te rogamus pater pie Leonardi fletibus praesens sis extrema die Satanae de retibus nos absolvas et a Styge tua cum potentia

Vitiorum de sentina et de mortis carcere nos eruas a ruina reis velis parcere aures precibus inclina tua pro clementia

Praesta pater atque nate dei sapientia confer spiritus beate nexus et essentia trinitas in unitate ens regens viventia amen