Beatus Aegidius natione Graecus nobilis erat progenie sed nobilior sanctitate

Traditus igitur liberalibus studiis memoriter coepit viam indagare veritatis

Quadam die pergens ad ecclesiam cuidam aegroto tradidit tunicam suam

Beatus Aegidius per divinam potentiam sanavit miserum quendam qui a serpente percussus mortiferum in se habuit virus

Misericordia motus super illum sanavit eum ac dimisit

Sanctus vir Aegidius magnam fiduciam habens in domino liberavit quemdam pauperem arreptum a daemonio

Daemon clamans et multum discerpens discessit ab eo

Sanctus vir Aegidius inter alia terrae pellens sterilitatem infirmo cuidam totius corporis reddidit sanitatem

Recolens illud quod dicitur quis infirmatur et ego non infirmor

Gloria patri et filio et spiritui sancto

Secuta est ergo pietas pietatem quia dum aeger ille indutus est tunica totius corporis meruit recipere sanitatem

Sanctus vir Aegidius navim ingressus applicuit ad Marsiliam et inde ad Arelatem ibi Caesarium quaerens Caesarium sitiens Caesarium adivit episcopum

Sicut socrum Petri febricitantem sanavit dominus sic ibi cujusdam viduae filiam a febre liberavit Aegidius

Veredemium ergo corpore non mente relinquens desertum petivit ubi herbis et aqua contentus solus soli domino servivit

Qui per corvum pascebat Eliam ipse Aegidium reficiebat per cervam

O quam praeclara duo mundi convenere luminaria Aegidius et Veredemius signa insimul operantes multifaria

Et seminaverunt agros et plantaverunt vineas

Sanctissime Christi confessor Aegidi ora pro nobis in conspectu domini ut et de praeteritis malis veniam et de futuris semper mereamur habere custodiam

Qui arborem virtutum ascendenti cum Zachaeo pro supplicibus tuis dignanter supplica deo

Gloria patri et filio et spiritui sancto

Beatus Aegidius adjunctus est cuidam Veredemio sanctus sancto ut sanctitas alterius cognosceretur ad altera

Vir non modicae in Christo fidei ostia Romae sibi tradita commisit Tiberique ad monasterium patris quasi Petri per mare ferebantur vestigis

Serve dei vivi miserorum pastor Aegidi nunc pius exaudi quod nos canimus tibi laudi

Jam dominum laudet qui se pie vivere gaudet ut pater hic vixit qui mundo se crucifixit

Dives enim pauper fuerat moriens cottidie in domino vivebat

Vox clamantis erat sibi dum deserta petebat ingrediendo vias eremi velut alter Elias

Associatus ei qui fons pius est requiei

Moribus uniti vos verae ungite viti ut pater hic suevit qui mundi gaudia sprevit fructiferae vitis odor ut per saecula sitis

Pacis tranquillae sitientes gaudia mille

Gloria patri et filio et spiritui sancto

Rex Francorum Carolus quoddam perpetravit facinus quod nulli dicere ausus est sancti Aegidii commendavit precibus

Beato Aegidio pro Carolo rege inter missam supplicante domino peccatum regis et venia peccati per cartulam delata est ab angelo

Adjunctum erat in fine cartulae quod sancti Aegidii meritis quilibet peccator absolvatur a crimine si ulterius non vult admittere

Sanctus vir Aegidius ad Carolum jens daemoniacum sanavit a Carolo rediens cujusdam principis filiam a morte resuscitavit

Sit rex invictus deus Israel benedictus gentem Gallorum quia fecit habere patronum Aegidium captos qui liberat erigit aegros

O virum per omnia laudabilem et cunctis se invocantibus exorabilem qui ex antiquo hoste deo gratum de se referens victoriam hodiernam die perpetuam transivit ad gloriam

Ante thronum regis sanctorum juncte choreis associando tibi super his nos confer Aegidi simus ut haeredes ubi viti palmes inhaeres

Sancta Maria virgo intercede pro toto mundo quia genuisti regem orbis

Omnium rerum creator miserere populo tuo per intercessionem genetricis tuae quia eam creasti ad vitam non ad mortem

Descendi in*

Anima mea*

Tota pulchra es*

O quam mirandus*

O sancta mundi*

Ave Maria*

Adest namque nativitas sacratissimae virginis quae ex regali progenie genita genuit Christum regem dominum ipsa intercedat pro peccatis nostris

Ave Maria gratia plena dominus tecum

Ave maris stella*

Ecce tu*

Sicut lilium*

Favus distillans labia tua sponsa et odor vestimentorum tuorum sicut odor thuris

Hodie nata est beata virgo Maria ex progenie David per quam salus mundi credentibus apparuit cujus vita gloriosa lucem dedit saeculo

Beatissimae virginis Mariae nativitatem devotissime celebremus

Beatissimae virginis Mariae nativitatem devotissime celebremus ut ipsa pro nobis intercedat ad dominum Jesum Christum

Hodie nata est virgo Maria ex progenie David

Gloriosae virginis Mariae ortum dignissimum recolentes cujus dominus humilitatem respiciens angelo nuntiante concepit redemptorem mundi

Beatissimae virginis Mariae nativitatem devotissime celebremus

Emissiones tuae paradisus malorum punicorum cum pomorum fructibus

Fons hortorum puteus aquarum viventium quae fluunt impetu de Libano

Veniat dilectus meus in hortum suum ut comedat fructum pomorum suorum

Diem festum praecelsae genetricis dei virginis Mariae sollemniter celebremus quo inchoata est ejus felix nativitas

Nativitem hodiernam perpetuae virginis sollemniter celebremus

Corde et animo Christo canamus gloriam in hac sacra sollemnitate praecelsae genetricis dei virginis Mariae ut ipsa intercedat pro nobis ad dominum

Cum jucunditate nativitatem sanctae Mariae sollemniter celebremus

Regali ex progenie Maria virgo exorta refulget cujus precibus nos adjuvari mente et spiritu devotissime poscimus

Corde et animo Christo canamus gloriam in hac sacra sollemnitate praecelsae genetricis dei

Veni in hortum meum soror mea sponsa messui myrrham meam cum aromatibus meis

Comedi favum cum melle meo bibi vinum meum cum lacte meo

Talis est dilectus meus et ipse est amicus meus filiae Jerusalem

Nativitas tua dei genetrix virgo gaudium annuntiabit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

Ave Maria gratia plena dominus tecum

Nativitas gloriosae virginis Mariae ex semine Abrahae orta de tribu Juda ex clara de stirpe David cujus vita inclyta cunctas illustrat ecclesias

Gloriosae virginis Mariae ortum dignissimum recolentes

Felix namque es sacra virgo Maria et omni laude dignissima quia ex te ortus est sol justitiae Christus deus noster

Ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuum nomen

Stella maris mundi tenebras exorta fugavit astrorum rutilans cunctorum lumine summo

Ut fidei portum sequeretur naufragus orbis

Stirps Jesse virgam produxit virgaque florem et super hunc florem requiescit spiritus almus

Virga dei genetrix virgo est flos filius ejus

Gloria patri et filio et spiritui sancto

Regia progenies regem paritura creantem prodiit in lucem lumen paritura polorum

Ut lumen tenebrae verum pernosceret error

Aeterni regis mater et virgo futura filia processit casta castissima matre

Sola potens primae damnum reparare parentis

Solem justitiae regem paritura supremum stella Maria maris hodie processit ad ortum

Cernere divinum lumen gaudete fideles

Gloria patri et filio et spiritui sancto

O quam mirandus tam sacrae virginis ortus o virgo felix omni dignissima laude o nova progenies o semina sola Maria

Ipsa creatoris plasmatio mater et ipsa

Gloria patri et filio et spiritui sancto

Porta serata viro domino sed pervia soli progrediens hodie porta caeli reseravit

Porta dei genetrix haec est et virgo Maria

Ad nutum domini nostri ditantis honorem sicut spina rosam genuit Judaea Mariam

Ut vitium virtus operiret gratia culpa

Unica materies humanae virgo salutis venit in exilium mortalis conditionis

Exsul ut ad patriam redeat generatio prima

Gloria patri et filio et spiritui sancto

Nativitas gloriosae virginis Mariae ex semine Abrahae orta de tribu Juda clara ex stirpe David

Nativitas est hodie sanctae Mariae virginis cujus vita inclyta cunctas illustrat ecclesias

Regali ex progenie Maria exorta refulget cujus precibus nos adjuvari mente et spiritu devotissime poscimus