Coactus a sancto pontifice mortiferum in faucibus alpium draconem perimere

Cumque dulcem sanae doctrinae saporem praegustasset Afra puellas suas allocuta promptas eas ad viam vitae pedisequas invenit

Afra priscam Rahab Jerichontem secuta veri Jesu legatos ad supplicium a persecutoribus requisitos sub lini fasciculis supernae civitatis futura civis occultavit

Sancto pontifice in divinis laudibus pernoctante lux caelitus emissa et tenebras noctis excussit et cor Afrae splendore fidei illuminavit

Imbuta verae fidei rudimentis Afra quaeque a sancto hospite salutaria percepit matri suae Hilariae fideliter indicavit

Quae beatum virum noctu ad se transmissum gratulabunda suscipiens pedes ejus amplectitur vitaeque prioris miseros errores confitetur

Auditis praesul sanctus turpissimis ab Hilaria daemonum culturis gemens et lacrimas fundens pias cum diacono suo pro tanto errore domino preces effudit

Propulso post longum conflictum prisci erroris persuasore vir domini Narcissus beatas mulieres fide Christi plenius instruxit et salutari lavacro paenitentia et jejuniis praeparari fecit

Familiam totam cognatos affines et amicos

Cum fontem vitae sitientes et fide alacres perspexisset sanctus pontifex domino gratias referens Christi baptismo gaudentes abluit omnes

Vasa prius irae in vasa emundans misericordiae

Mox omnibus in fide Christi confortatis avunculum Afrae Dionysium episcopum eis praefecit et domum Hilariae ecclesiam dedicavit

Ut ubi spurca pridem commercia Christi deinceps frequentarentur mysteria

Martyr sancta dei quae flagrans igne fidei flammas sprevisti tortorum victima Christi qui foedant mores precibus restingue calores

Crescat ut in nobis divini fervor amoris

Gloria patri et filio et spiritui sancto

Gratias tibi domine Jesu referimus immensas quia in beata martyre Afra ubi abundavit iniquitas superabundavit et gratia tua

Veni electa*

Postquam novellam conversa Afra beatus Narcissus Augustae fundavit ecclesiam novam domino lucraturus familiam Hispaniarum urbem adiit Gerundam

Ubi cum Felice diacono suo feliciter martyrium consummavit

Fervente interim immani persecutione saevissima beata Afra comprehenditur et Gaii judicis tribunalibus praesentatur

Gaudens et tripudians coronamque martyrii adipisci desiderans

Multis hinc inde sermonum conflictationibus habitis multis blandiens minis et terroribus incassum consumptis beata martyr interrita permanens omnia pro Christo perpetim tormentorum genera desiderabat

Christum libere confitens Christum ardenter sitiens dissolvi et esse cum Christo cupiens

Gloria patri et filio et spiritui sancto

Invicta Christi testis Afra variis a judice Gaio modis attentata ab agnitae veritatis confessione nulla potuit deterreri ratione

Constans animo persistens et libera tyrannum voce confundens crudeli postremo sententia viva ignibus est sancta martyr addicta

In quamdam itaque Lici fluminis insulam ducta ardentem flammis crepitantibus pyram laeta conspicatur et ut a pristinis per hanc sordibus expurgari mereretur suppliciter salvatoris mundi pietatem precatur

Ignium flammis circumdata dominum hymnizans benedixit et inter gratiarum actiones martyrio candidatum caelo spiritum reddidit

Sancti corporis reliquias beatae ejus puellae a flumine reductas flebiles cum amicis exsequias celebrantes sepelierunt et super eas aediculum vilibus ex lignis construxerunt

Cum ad martyris sepulcrum Christo vota reddentes beatae convenissent mulieres jussu tyranni ad cultum idolorum a tortoribus frustra sunt coactae et fortes in fide mox ignibus suppositis concrematae ad martyrii triumphum et ipsae pariter pervenere

O mirandam et laudandam mutationem dexterae excelsi quam in beatis martyribus quarum venerandam recolimus memoriam domine Jesu Christe misericorditer ostendisti pro qua debitas tibi grates referentes supplicamus ut ipsarum meritis suffragantibus nos de vitiis ad virtutes mutare et in adoptionem filiorum dei digneris transformare

Levita Laurentius*

Confitebor tibi domine rex et collaudabo te quoniam liberasti me a pressura flammae quae circumdedit me et in medio ignis non sum aestuatus

Venite adoremus regem regum qui beatum hodie coronavit Laurentium

Quo progrederis sine filio pater quo sacerdos sancte sine ministro properas

Beatus Laurentius dixit

Noli me derelinquere pater sancte quia thesauros tuos jam expendi quos tradidisti mihi

Quid in me ergo displicuit paternitati tuae

Non ego te desero fili neque derelinquo sed majora tibi debentur pro fide Christi certamina

Beatus Sixtus dixit

Beatus Laurentius dixit domine Jesu Christe deus de deo miserere mei servi tui

Quia accusatus non negavi nomen sanctum tuum interrogatus te Christe confessus sum

Dixit Romanus ad beatum Laurentium video ante te hominem pulcherrimum festina me baptizare

Afferens autem urceum cum aqua misit se ad pedes ejus

Beatus Laurentius dixit mea nox obscurum non habet sed omnia in luce clarescunt

Quia ipse dominus novit quia accusatus non negavi nomen sanctum tuum

Levita Laurentius bonum opus operatus est qui per signum crucis caecos illuminavit et thesauros ecclesiae dedit pauperibus

Dispersit dedit pauperibus justitia ejus manet in saeculum saeculi

Puer meus noli timere quia ego sum tecum dicit dominus dum transieris per ignem flamma non nocebit te et odor ignis non erit in te

Donec ponam inimicos tuos scabellum pedum tuorum

Strinxerunt corporis membra posita in craticula subjicientibus prunas exsultat levita Christi beate Laurenti martyr Christi intercede pro nobis

Carnifices vero urgentes ministrabant carbones subter cratem ferream

Quo progrederis sine filio pater quo sacerdos sancte sine diacono properas tu numquam sine ministro sacrificium offerre consueveras

Quid in me ergo displicuit paternitati tuae numquid degenerem probasti experire certe utrum idoneum ministrum eligeres cui commisisti dominici sanguinis consecrationem

Strinxerunt corporis membra posita super craticula ministrantibus prunas exsultat levita Christi

Carnifices vero urgentes ministrabant carbones subter cratem ferream

Igne me examinasti et non est inventa in me iniquitas

Probasti domine cor meum et visitasti nocte

Interrogatus te domine confessus sum assatus sum gratias ago

Gratias tibi ago domine Jesu Christe quia januas tuas ingredi merui

Beatus Laurentius orabat dicens gratias tibi ago domine quia januas tuas ingredi merui

Cumque vivus assaretur pulcherrimo vultu jucundus

Gratias tibi ago domine quia januas tuas ingredi merui

Beatus martyr in crate irridens poenas dixit

O Hippolyte si credis in dominum Jesum Christum et thesauros tibi ostendo et vitam aeternam promitto

Si dictis facta compensas faciam quam hortaris

Noli me derelinquere pater sancte quia thesauros tuos jam expendi non ego te desero fili neque derelinquo sed majora tibi debentur pro fide Christi certamina

Nos quasi senes levioris pugnae cursum recipimus te quasi juvenem magnum gloriosior de tyranno triumphus exspectat post triduum me sequeris sacerdotem levita

Beatus Laurentius clamavit et dixit deum meum colo et illi soli servio et ideo non timeo tormenta tua

Mea nox obscurum non habet sed omnia in luce clarescunt

Beatus Laurentius dixit ego me obtuli sacrificium deo in odorem suavitatis

Quoniam ad te orabo domine mane exaudies vocem meam

O Hippolyte si credis in dominum Jesum Christum et thesauros tibi ostendo et vitam aeternam promitto

Si dictis facta compensas faciam quae hortaris*

Nisi granum frumenti cadens in terram mortuum fuerit ipsum solum manet

Hic est vir qui non est derelictus a deo in die certaminis sui et ipse conculcavit caput serpentis antiqui modo coronabitur quia fideliter vicit in mandatis domini

Probasti domine cor meum et visitasti nocte

Beatus Laurentius oravit et dixit domine Jesu Christe pastor bone suscipe spiritum meum

Gratias tibi ago domine quia januas tuas ingredi merui

Beatus vir Laurentius qui post aurum non abiit nec speravit in thesauris pecuniae fecit enim mirabilia in vita sua

Qui potuit transgredi et non est transgressus et facere mala et non fecit

In craticula te deum non negavi et ad ignem applicatus te dominum Jesum Christum confessus sum

Probasti domine cor meum et visitasti nocte

Laurentius ingressus est martyr et confessus est nomen domini Jesu Christi

Laurentius bonum opus operatus est qui per signum crucis caecos illuminavit

Adhaesit anima mea post te quia caro mea igne cremata est pro te deus meus

Misit dominus angelum suum et liberavit me de medio ignis et non sum aestuatus

Beatus Laurentius clamavit et dixit deum meum colo et illi soli servio et ideo non timeo tormenta tua

In craticula te deum non negavi et ad ignem applicatus te Christe confessus sum probasti cor meum et visitasti nocte igne me examinasti et non est inventa in me iniquitas

Quo progrederis*

Noli me derelinquere*

Levita Laurentius bonum opus operatus est qui per signum crucis caecos illuminavit

Veni desiderator bone veni desiderant te angeli mei quoniam assatus non negasti me probatus confessus es me

Beatus Laurentius dum in craticula suprapositus ureretur ad impiissimum tyrannum dixit assatus sum jam versa et manduca nam facultates ecclesiae quas requiris in caelestes thesauros manus pauperum deportaverunt

Inclytus martyr Tiburtius cum nudatis plantis super prunas ardentes incederet Fabiano praefecto dixit videtur mihi quod super roseos flores incedam in nomine domini mei Jesu Christi

Jussit Valerianus in conspectu Hippolyti ut omnis familia ejus capite truncaretur et sic eum per cardos et tribulos trahi qui dum traheretur emisit spiritum

Dixit Hippolytus ad Decium non me exspoliasti sed magis vestisti

Praeses dixit ad Hippolytum factus es insipiens ut nuditatem tuam non erubescas

Dixit Caesar ad Hippolytum nunc magus factus es respondens Hippolytus dixit ad Decium non sum ego magus sed servus domini mei Jesu Christi