Vinculis carnis absolutus talentum sibi creditum suo domino duplicatum reportavit

Habuit vir dei capsellam de corio factam diligenter seratam hanc suis ex humeris pendentem jugiter gestare solebat

Hujus ipse clavem sub tali custodia semper retinuit ut nullus ejus discipulorum quamdiu in corpore vixit quid intus servaretur agnosceret

De hac vero vita postquam migravit aperientes capsellam invenerunt in ea cilicium et catenam aeneam sanguine aspersam

Corpus autem inspicientes magistri invenerunt carnem ipsam in locis quattuor profundius catena sulcatam

De vulneribus quoque ipsis cruor decurrens cilicium per loca perfudit

Superposito equis indomitis feretro et frenis de capitibus eorum ablatis recto itinere pervenerunt ad cellam viri dei

Aperiens Joannes sarcophagum amariores cum hac voce lacrimas dedit heu heu pater amate heu doctor egregie cur me de domo patris eductum quasi orphanum dereliquisti

Iste sanctus digne in memoriam vertitur hominum qui ad gaudium transiit angelorum quia in hac peregrinatione solo corpore constitutus cogitatione et aviditate in illa aeterna patria conversatus est

Laetis canamus vocibus tot paradisi floribus quos virginitas lilium rosas fecit martyrium quarum prece da domine ut flore pudicitiae caro nostra refloreat ne in aeternum pereat

Auctori vitae psalmis jubilando venite est quia virginei decus ipse corona tropaei

Rex gloriose martyrum*

Secus decursus fluminum stetit hoc germen virginum quod nullo cedens turbini mansit in lege domini

Flos fulsit ex Britannia Ursula stirpe regia auctrix fructus virginei praedicans praeceptum dei

Signatur super has digne lux vultus tui domine quas tyrannus collegerat ut per tot unam auferat

Auribus percepit deus dum clamat grex virgineus et tam Ursulam servavit quam per hanc illas vocavit

Oleum exstat effusum mirabile nomen tuum hinc tot adolescentulae dilexerunt te domine

Ad nihilum est deductus harum conspectu malignus quae se fecerunt columbas caste ad fenestras suas in foraminibus petrae in caverna maceriae

Laetamini in domino*

Virgo regalis Ursula vultu et animo pulchra tyranno quidam placuit qui late praepotens fuit

Mittens ergo nuptam Christo suo petebat filio

Tyranni donis ac minis pater pulsatus virginis precibus fugit intimis ad turrim fortitudinis

Hinc discrimen ecclesiae hinc lapsum timens filiae

Solatur patrem Ursula dei narrans oracula jussa ne hostem confutet ut spe conjugi mutet

Demandans quasi pro dote hunc ablui baptismate

Gloria patri et filio et spiritui sancto

Spondet pater conjugium commune fit tripudium tyrannus Christo subditur ut virgo jussit agitur

Missis undenis navibus cum tot virginum milibus

Vox turturis ut floruit vinea Christi floruit dum germinant ut palmites per Ursulam tot virgines

Cyprus et nardus cum croco fistula cum cinnamomo mirra simul et aloe decus hujus sunt vineae

Inter haec flos virginalis gloria est specialis unde major quam angelis homini laus est in caelis

En lectulum Salomonis ense munivit sermonis fortissima ex Israel Ursula pulchra ut Rachel

Hic quippe virginum coetus dei est sponsa et lectus in quo recubans quietus nobiles lucratur fetus

Veni ergo turba dei veni de libano veni de vertice coronanda Sanir Hermon et Amana de cubilibus leonum et a montibus pardorum

Decurso jam triennio virgines dignae praemio natale solum deserunt seseque mari conferunt

Ne vere Israelitae quaerentes patriam vitae

Gloria patri et filio et spiritui sancto

Gloria patri et filio et spiritui sancto

Equitatui auctoris in curribus Pharaonis virginum grex similaris post transitum alti maris

Aegyptum spernens cum palmis domino canis in psalmis

Ad portum vehuntur Tilae hinc ad arcem coloniae post haec liquentes trieres Romam adeunt pedestres

Ad sua bella caelibum implorare auxilium

Dum Coloniam obsident has Hunni redire vident irruunt virgines perimunt statim ab urbe fugiunt

Quos ut armati milites caesae terrebant virgines

Iste sunt dei calathus supernis nuptiis aptus ubi cantica dans nova gaudet sponsus super sponsa

Audivi vocem de caelo venientem venite omnes virgines sapientissimae oleum recondite in vasis vestris dum sponsus advenerit

Gloria patri et filio et spiritui sancto

Media nocte clamor factus est ecce sponsus venit

Feliciter virgines vincunt mundum quae post victoriam vinci non norunt

Beatae de proelio redeunt ac hostem victrices moriendo devincunt

Innumerabiles virginum chorus spreta liberorum propagine sponso qui in caelis est perhenni mente actu et habitu applicari maluit

Ecce florentem mundum mentis despectu calcare

Urbs nova Jerusalem turbam tenet hanc socialem sanguineque vivae sua pallia lavit olivae atque stolas vino sic flore micat sacra bino

Ad bona summa vacans miserisque deum prece placans

In choro sanctorum jugiter divinae laudis resonat jubilatio ubi laudatur deus deorum in Sion alleluia

Inter quos undena virginum milia sequentes agnum sine macula laudant illum gaudentes caelesti laude per saecula alleluia

Quae divino nutu a partibus orientis exhibite pro Christi nomine effudere cruorem quia numquam in persecutione potuerunt ab ejus divelli confessione

Benedicamus ergo deum caelorum cum omni creatura qui tam pretiosum locum sanctum decoravit martyrio

Clematius igitur vir clarissimus vota quae debebat a fundamento templum sanctum erexit in quo et virginum venerantur merita et populorum laudantium deum concurrit frequentia alleluia

Adducentur regi*

Jesu corona*

Mirabilis*

Dilectus ecclesiae sponsus candidus et rubicundus electus ex milibus huic conformatam fecundam misit Britannia sponsam ex multis namque milibus electum immolavit exercitum virginitate candidum passione purpureum undena milia virginum quae cum sexu vicerunt mundum ideo quocumque ierit secuntur agnum o Jerusalem filiae cum Maria perpetua virgine pro nobis exorate

Adducentur regi*

Jesu corona*

Mirabilis*

Magnificate dominum omnes filii hominum cujus est fortudinis si vincit pulvis et cinis nam nostrum est si perimus tuum Christe si vincimus vince mala firmans bona ut cum hac virginum turba caelo simul conregnemus quarum palmis congaudemus

In consilio*

Beati estis*

Timete dominum*

Salvator mundi salva nos omnes sancta dei genetrix virgo semper Maria ora pro nobis precibus quoque sanctorum apostolorum martyrum et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur

Regem omnium sanctorum dominum venite adoremus

Novit dominus viam justorum qui in lege ejus meditantur die ac nocte

Mirificavit dominus sanctos suos et exaudivit eos clamantes ad se

Admirabile est nomen tuum domine quia gloria et honore coronasti sanctos tuos et constituisti eos super opera manuum tuarum

Domine qui operati sunt justitiam habitabunt in tabernaculo tuo et requiescent in monte sancto tuo

Haec est generatio quaerentium dominum quaerentium faciem dei Jacob

Laetamini in domino et exsultate justi et gloriamini omnes recti corde

Laetamini in domino et exsultate

Benedicamus patrem*

Felix namque*

Te sanctum*

Inter natos mulierum*

Timete dominum omnes sancti ejus quoniam nihil deest timentibus eum ecce oculi domini super justos et aures ejus in preces eorum

Domine spes sanctorum et turris fortitudinis eorum dedisti hereditatem timentibus nomen tuum et inhabitabunt in tabernaculo tuo in saecula

Beati quos elegisti domine habitabunt in atriis tuis et enim clamabunt et hymnum dicent

Domine deus virtutum beati omnes qui sperant in te non privabis bonis eos qui ambulant in aequitate in saecula saeculorum laudabunt te

Qui diligitis dominum laetamini in domino et confitemini memoriae sanctitatis ejus

Benedicite domino omnes virtutes ejus benedicite ministri ejus qui facitis voluntatem ejus benedicite domino

Justorum animae*

Fuerunt sine*

Isti sunt*

Sint lumbi*

Simile est regnum*

O quam gloriosum est regnum in quo cum Christo gaudent omnes sancti amicti stolis albis sequuntur agnum quocumque ierit

Exsultent justi*

Fulgebunt justi*

Beati estis sancti dei omnes qui meruistis consortes fieri caelestium virtutum et perfrui aeternae claritatis gloria ideoque precamur ut memores nostri intercedere dignemini pro nobis ad dominum deum nostrum

Gaudete et exsultate quoniam nomina vestra scripta sunt in caelis

Beati qui persecutionem patiuntur propter justitiam quoniam ipsorum est regnum caelorum beati pacifici quoniam filii dei vocabuntur