Beati mundo corde quoniam ipsi deum videbunt

Beati pauperes spiritu quoniam ipsorum est regnum caelorum beati mites quoniam ipsi possidebunt terram beati qui lugent quoniam ipsi consolabuntur beati qui esuriunt et sitiunt justitiam quoniam ipsi saturabuntur

Beati misericordes quoniam ipsi misericordiam consequentur

Scimus quoniam diligentibus deum omnia cooperantur in bonum his qui secundum propositum vocati sunt sancti

Sapientiam sanctorum narrant populi et laudem eorum pronuntiat omnis ecclesia

Reddet deus mercedem laborum sanctorum suorum et deducet illos in via mirabili

Spiritus et animae justorum hymnum dicite deo nostro alleluia alleluia

Gloria haec est omnibus sanctis ejus

Sancti et justi in domino gaudete

Vos elegit deus in hereditatem sibi

In civitate domini ibi sonant jugiter organa sanctorum ibi cinnamomum et balsamum odor suavissimus carmina eorum ibi angeli et archangeli hymnum deo decantant ante thronum dei alleluia

Scimus*

Sapientiam sanctorum*

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo exsultant sine fine

Gaudete et exsultate omnes sancti quoniam merces vestra copiosa est in caelis

Virgam virtutis tuae emittet dominus in splendoribus sanctorum

Generatio rectorum benedicetur quia exortum est lumen illis

Venientes venient cum exsultatione portantes manipulos suos

Justi confitebuntur nomini tuo habitabunt recti cum vultu tuo

Laudem dicite deo nostro omnes sancti ejus et qui timetis deum pusilli et magni quoniam regnabit dominus deus noster omnipotens gaudeamus et exsultemus et demus gloriam ei

O beatum virum cujus anima paradisum possidet unde exsultant angeli laetantur archangeli chorus sanctorum proclamant turba virginum invitat mane nobiscum in aeternum

Hic est Martinus*

Maximum regem cunctorum adoremus dominum qui beatum Martinum hodie sanctorum conjunxit gloriae confessorum

Martinus adhuc catechumenus hac me veste contexit

Sanctae trinitatis fidem Martinus confessus est ac beatissimam gratiam percepit

Beatus Martinus dixit Juliano Christi enim sum miles pugnare mihi non licet

Ego signo crucis non clipeo protectus aut galea ostium cuneos penetrabo securus

Confido in domino quod filia mea precibus tuis reddita sit sanitati

Tetradius cognita dei virtute ad beatissimam gratiam pervenit

Hic est Martinus electus dei pontifex cui dominus post apostolos tantam gratiam conferre dignatus est ut in virtute trinitatis deificae mereretur fieri trium mortuorum suscitator magnificus

Sanctae trinitatis fidem Martinus confessus est

Domine si adhuc populo tuo sum necessarius non recuso subire propter eos laborem fiat voluntas tua

Domine si adhuc in eodem labore stare me praecipis munia tua devotus implebo

O beatum virum Martinum antistitem qui nec mori timuit nec vivere recusavit

Domine si adhuc populo tuo sum necessarius non recuso laborem fiat voluntas tua

Martinus sacerdos dei cui post apostolos tantam gratiam dominus contulit ut tres mortuos suscitaret et alias virtutes praeclaras ostenderet et inter alios confessores et martyres ut rosa fulget in Gallias

Corpore quidem virgineo blandum habebat eloquium gratus erat in moribus intenta mente caelo suspensus est

Dominus Jesus Christus non se inquit purpuratum nec diademate renitentem se venturum esse praedixit

Dum sacramenta offerret beatus Martinus globus igneus apparuit super caput ejus

O ineffabilem virum per quem nobis tanta miracula coruscat

Sacerdos dei Martine aperti sunt tibi caeli et regnum patris mei

Martinus episcopus migravit a saeculo vivit in Christo gemma sacerdotum

Sacerdos dei Martine pastor egregie ora pro nobis deum

Oculis ac manibus in caelum semper intentus invictum ab oratione spiritum non relaxabat

Dum sacramenta offerret beatus Martinus globus igneus apparuit super caput ejus

Beatus Martinus obitum suum longe ante praescivit dixitque fratribus dissolutionem sui corporis imminere quia indicavit se jam resolvi

Viribus corporis coepit repente destitui convocatisque discipulis in unum dixit

Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces

Scimus quidem desiderare te Christum nostri potius miserere quos deseris

O beatum virum in cujus transitu sanctorum canit numerus angelorum exsultat chorus omniumque caelestium virtutum occurrit psallentium exercitus

Martinus hic pauper et modicus caelum dives ingreditur

Ora pro nobis beate Martine ut digni efficiamur promissione Christi

Dum sacramenta offerret beatus Martinus globus igneus apparuit super caput ejus

Orante sancto Martino*

Ora pro nobis beate Martine ut digni efficiamur promissione Christi

Tu autem confessor Christi beate Martine ora pro nobis

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

Martinus episcopus migravit a saeculo vivit in Christo gemma sacerdotum

O quantus erat luctus omnium quanta praecipue moerentium lamenta monachorum quia et pium est gaudere Martinum et pium est flere Martinum

Beati viri corpus usque ad locum sepulcri hymnis canora caelestibus turba prosequitur

Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces

Domine si adhuc populo tuo sum necessarius non recuso laborem fiat voluntas tua

O virum ineffabilem nec labore victum nec morte vincendum qui nec mori timuit nec vivere recusavit

Oculis ac manibus in caelum semper intentus invictum ab oratione spiritum non relaxabat alleluia alleluia

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

O quantus luctus omnium quanta praecipue lamenta monachorum et virginum chorus quia pium est gaudere Martinum et pium est flere Martinum

Martinus adhuc*

Sanctae trinitatis*

Domine deus noster cujus gratia beatus Martinus tres mortuos resuscitavit concede propitius ut per ejus interventum a morte animae resuscitari mereamur

Martinus trium mortuorum suscitator magnificus vivit in Christo gemma sacerdotum mirifice laureatus

O beatum pontificem qui totis visceribus diligebat Christum regem et non formidabat imperii principatum o Martine dulcedo medicamentum et medice o sanctissima anima quam etsi gladius persecutoris non abstulit tamen palmam martyrii non amisit

Post discessum beatissimi Martini episcopi beatus Briccius cathedram episcopalem suscepit

Trigesimo ordinationis suae anno oritur contra eum lamentabile crimen nam quaedam mulier quae cubiculariis vestimenta abluebat concepit et peperit et omne crimen super episcopum objiciunt

Illo quoque negante jussit afferri sibi infantem cumque oblatus fuisset triginta ab ortu habens dies ait ad eum Briccius adjuro te per deum ut si ego te generavi coram cunctis edicas

Respondens autem infans coram omni populo beato viro dixit non es tu inquit pater meus

Sanctus Briccius satisfaciens populo prunas ardentes ab urbe in birro suo deferens et ante sepulcrum beati Martini coram populo proiciens vestimentum ejus inustum apparuit

Populis autem non credentibus et ab episcopatu eum proicientibus Romam petiit flens et ejulans atque dicens merito haec patior quia peccavi in sanctum dei

Justus germinavit*

Descendit dominus cum sancto Othmaro in foveam et in vinculis non dereliquit illum donec afferet illi sceptrum regni et potentiam adversus eos qui eum deprimebant mendaces ostendit qui maculaverunt illum

Mendaces ostendit dominus qui maculaverunt beatum Othmarum et dedit illi claritatem aeternam alleluia alleluia

Beatus Othmarus abba a tyrannis Warino et Ruthardo in insulam Rheni relegatus in confessione Christi migravit

Sepultus ergo decem annos ibidem requievit incorruptus

Post decem vero annos visum est discipulis ejus ut ad monasterium sancti Galli eum referre deberent

Cumque navi sanctum corpus imposuissent tempestas quae toto saevivit pelago nulli ejus fuit impedimento

Fratribus autem ad refectionem considentibus vasculum saepius exhaustum liquoris detrimenta non sensit

Beati ergo corpus Othmari in ecclesia sancti Galli positum multis inibi miraculis caelitus est clarificatum

In vinculis non dereliquit eum dominus donec afferret illi sceptrum regni et potentiam adversus eos qui eum deprimebant

Virgo gloriosa semper evangelium Christi gerebat in pectore suo et non diebus neque noctibus a colloquiis divinis et oratione cessabat

Caecilia virgo Almachium exsuperabat Tiburtium et Valerianum ad coronas vocabat

Expansis manibus orabat ad dominum ut eam eriperet de inimicis

Cilicio Caecilia membra domabat deum gemitibus exorabat

Specie tua*

Adjuvabit*

O quam pulchra*

Cantantibus organis Caecilia virgo in corde suo soli domino decantabat dicens fiat domine cor meum et corpus meum immaculatum ut non confundar

Biduanis ac triduanis jejuniis orans commendabat domino quod timebat

O beata Caecilia quae duos fratres convertisti Almachium judicem superasti Urbanum episcopum in vultu angelico demonstrasti

Caecilia me misit ad vos ut ostendatis mihi

Virgo gloriosa semper evangelium Christi gerebat in pectore et non diebus neque noctibus vacabat a colloquiis divinis et oratione

Cilicio Caecilia membra domabat deum gemitibus exorabat