Concupivit*

Domine Jesu Christe seminator casti consilii suscipe seminum fructus quos in Caecilia seminasti

Beata Caecilia dixit ad Tiburtium hodie te fateor esse meum cognatum quia amor dei te fecit esse contemptorem idolorum

Fiat domine cor meum et corpus meum immaculatum ut non confundar

Credimus Christum filium dei verum deum esse qui sibi talem elegit famulam

Nos scientes sanctum nomen omnino negare non possumus

Tunc Valerianus perrexit ad antistitem et signo quod acceperat invenit sanctum Urbanum

Cilicio Caecilia membra domabat deum gemitibus exorabat Almachium exsuperabat Tiburtium et Valerianum ad coronas vocabat

Non diebus neque noctibus vacabat a colloquiis divinis et oratione

Caeciliam intra cubiculum orantem invenit et juxta eam stantem angelum domini quem videns Valerianus nimio terrore correptus est

Angelus domini descendit de caelo et lumen refulsit in habitaculo

Domine Jesu Christe pastor bone seminator casti consilii suscipe seminum fructus quos in Caecilia seminasti Caecilia famula tua quasi ovis tibi argumentosa deservit

Nam sponsum quem quasi leonem ferocem suscepit ad te quasi agnum mansuetissimum destinavit

Specie tua*

Caecilia me misit ad vos ut ostendatis mihi sanctum Urbanum quia ad ipsum habeo secreta quae perferam alleluia

Veni electa mea*

Beata Caecilia dixit Tiburtio hodie te fateor meum esse cognatum quia amor dei te fecit esse contemptorem idolorum

Suscipe domine seminum fructus quos in Caecilia seminasti

Caecilia me misit ad vos ut ostendatis mihi sanctum Urbanum quia ad ipsum habeo secreta quae perferam

Tunc Valerianus perrexit ad antistitem et signo quod acceperat invenit sanctum Urbanum

Dum aurora finem daret Caecilia dixit eia milites Christi abjicite opera tenebrarum et induimini arma lucis

Caecilia valedicens fratribus et exhortans ait

Cantantibus organis Caecilia domino decantabat dicens fiat cor meum immaculatum ut non confundar

Est secretum Valeriane quod tibi volo dicere angelum dei habeo amatorem qui nimio zelo custodit corpus meum

Valerianus in cubiculo Caeciliam cum angelo orantem invenit

Benedico te pater domini mei Jesu Christi quia per filium tuum ignis extinctus est a latere meo

Caecilia famula tua domine quasi ovis tibi argumentosa deservit

Dum aurora finem daret beata Caecilia dixit eia milites Christi abicite opera tenebrarum et induimini arma lucis alleluia

Triduanas a domino poposci inducias ut domum meam ecclesiam consecrarem

O beata Caecilia quae duos fratres convertisti et Almachium judicem superasti Urbanum episcopum in vultu angelico demonstrasti

Orante sancto*

Oremus omnes ad dominum Jesum Christum ut confessoribus suis fontis venas aperiat

Oremus omnes ad dominum Jesum Christum ut ostendat nobis martyris sui corpus

Ora pro nobis beate Clemens ut digni efficiamur promissione Christi

Tu autem martyr Christi beate Clemens ora pro nobis

Orante sancto Clemente apparuit ei agnus dei de sub cujus pede fons vivus emanat fluminis impetus laetificat civitatem dei

Vidi supra montem agnum stantem de sub cujus pede fons vivus emanat

Dedisti domine habitaculum martyri tuo Clementi in mari in modum templi marmorei angelicis manibus praeparatum iter praebens populo terrae ut enarrent mirabilia tua

Hoc domine ad laudem et gloriam nominis tui fieri voluisti

Phoebus et Cornelius discipuli beati Clementis dixerunt ad populum oremus omnes ad dominum ut ostendat nobis martyris sui corpus

Invenerunt in modum templi marmorei habitaculum a deo paratum

Orante sancto Clemente apparuit ei agnus dei

Vidi supra montem agnum stantem de sub cujus pede fons vivus emanat

De sub cujus pede fons vivus emanat fluminis impetus laetificat civitatem dei

Non meis meritis ad vos me misit dominus sed vestrae coronae participem me fieri

Omnes gentes per gyrum crediderunt Christo domino

Dedisti domine habitaculum martyri tuo Clementi in mari in modum templi marmorei angelicis manibus praeparatum iter praebens populo terrae ut enarrent mirabilia tua

Invenerunt in modum templi marmorei habitaculum a deo paratum

Dum iter per mare fecisset populus voce magna clamavit domine Jesu Christe salva illum et Clemens cum lacrimis dicebat accipe pater spiritum meum

Dum deambularet*

Ambulans Jesus juxta mare Galilaeae vidit Petrum et Andream fratrem ejus et ait illis venite post me faciam vos fieri piscatores hominum at illi relictis retibus et navi secuti sunt eum

Adoremus victoriosissimum regem Christum qui victorem per crucis tropaeum coronavit beatum Andream apostolum

Vidit dominus Petrum et Andream et vocavit eos

Venite post me dicit dominus faciam vos fieri piscatores hominum

Relictis retibus secuti sunt dominum redemptorem

Unus ex duobus qui secuti sunt dominum erat Andreas frater Simonis Petri alleluia

Christus me misit ad istam provinciam ubi non parvam populum acquisivi

Ego si patibulum crucis expavescerem crucis gloriam non praedicarem

Dum deambularet dominus juxta mare secus littus Galilaeae vidit Petrum et Andream retia mittentes in mare vocavit eos dicens venite post me faciam vos piscatores hominum

Erant enim piscatores et ait illis

Venite post me*

Dum deambularet dominus supra mare Galileae vidit duos fratres Petrum et Andream et vocavit eos

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largientem

Ad unius jussionis vocem Petrus et Andreas relictis retibus secuti sunt redemptorem

Homo dei ducebatur ut crucifigerent eum populus autem clamabat voce magna dicens innocens hujus sanguis sine causa damnatur

Cumque carnifices ducerent eum ut crucifigeretur factus est concursus populorum clamantium et dicentium

Venite post me faciam vos piscatores hominum at illi relictis retibus et navi secuti sunt dominum

Dum deambularet*

Salve crux quae in corpore Christi dedicata es et ex membris ejus tamquam margaritis ornata

Recipe me ab hominibus et redde me magistro meo ut per te me recipiat qui per te redemit me alleluia

Beatus Andreas orabat dicens domine rex aeternae gloriae suscipe me pendentem in patibulo

Andreas Christi famulus dignus deo apostolus germanus Petri et in passione socius

Dignum sibi dominus computavit martyrem quem vocavit apostolum dum esset in mari alleluia

Dilexit Andream dominus in odorem suavitatis alleluia

Doctor bonus et amicus dei Andreas ducitur ad crucem aspiciens a longe vidit crucem salve crux suscipe discipulum ejus qui pependit in te magister meus Christus

Cum vero pervenisset ad locum ubi crux parata erat videns eam a longe exclamavit voce magna dicens

Cum vidisset beatus Andreas crucem exclamavit et dixit salve crux quamdiu fatigaris exspectans me sicut exspectasti dominum et magistrum meum

Exspecta me sancta crux humilem propter dominum

Salve crux quae in corpore Christi dedicata es et ex membris ejus tamquam margaritis ornata es suscipe discipulum ejus qui pependit in te

O bona crux quamdiu desiderata et jam concupiscenti animae praeparata

O bona crux quae decorem et pulchritudinem de membris domini suscepisti accipe me ab hominibus et redde me magistro meo ut per te me recipiat qui per te me redemit

Salve crux quae in corpore Christi dedicata es et ex membris ejus tamquam margaritis ornata

Videns Andreas crucem cum gaudio dicebat quia amator tuus semper fui et desideravi amplecti te o bona crux

Oravit sanctus Andreas dum respiceret caelos voce magna clamavit et dixit tu es deus meus quem vidi ne me patiaris ab impio judice deponi quia virtutem sanctae crucis agnovi

Tu es magister meus Christe quem dilexi quem cognovi quem confessus sum tantummodo in hac voce exaudi me

Expandi manus meas tota die in cruce ad populum non credentem sed contradicentem mihi qui ambulat vias non bonas sed post peccata sua

Et non audivit populus meus vocem meam et Israel non intendit mihi

Vir iste in populo suo mitissimus apparuit sanctitate autem et gratia plenus iste est qui assidue orat pro populo et pro civitate ista

Pro eo ut me diligerent detrahebant mihi ego autem orabam

Dilexit Andream dominus in odorem suavitatis dum penderet in cruce dignum sibi computavit martyrem quem vocavit apostolum dum esset in mari et ideo amicus dei appellatus est

Elegit eum dominus et excelsum fecit eum

Salve crux pretiosa suscipe discipulum ejus qui pependit in te magister meus Christus

Biduo vivens pendebat in cruce pro Christi nomine beatus Andreas et docebat populum

Non me permittas domine famulum tuum a te separari tempus est ut commendes terrae corpus meum

Qui persequebatur justum demersisti eum domine in infernum et in ligno crucis dux justi fuisti

Maximilla Christo amabilis tulit corpus apostoli optimo loco cum aromatibus sepelivit

Concede nobis hominem justum redde nobis hominem sanctum ne interficias hominem deo carum justum mansuetum et pium

Vidit dominus*

Venite post*

Mox ut vocem domini praedicantis audivit beatus Andreas relictis retibus quorum usu actuque vivebat aeternae vitae secutus est praemia largientem