Laus deo patri parilique proli et tibi sancte studio perhenni spiritus nostro resonet in ore omne per aevum

Benedicat*

Benedicamus patrem et filium cum sancto spiritu

Te deum patrem ingenitum te filium unigenitum te spiritum sanctum paraclitum sanctam et individuam trinitatem toto corde et ore confitemur laudamus atque benedicimus tibi gloria in saecula

Deum verum unum in trinitate et trinitatem in unitate venite adoremus

Adesto deus unus omnipotens pater et filius et spiritus sanctus

Te unum in substantia trinum in personis confitemur

Te semper idem esse vivere et intellegere profitemur

Te invocamus te adoramus te laudamus o beata trinitas

Spes nostra salus nostra honor noster o beata trinitas

Libera nos salva nos justifica nos o beata trinitas

Benedicat nos deus deus noster benedicat nos deus et metuant eum omnes fines terrae

Deus misereatur nostri et benedicat nos deus

Benedictus dominus deus Israel qui facit mirabilia solus et benedictum nomen majestatis ejus in aeternum

Replebitur majestate ejus omnis terra fiat fiat

Quis deus magnus sicut deus noster tu es deus qui facis mirabilia

Notam fecisti in populis virtutem tuam redemisti in bracchio tuo populum tuum

Gloria patri et filio et spiritui sancto

Excelsus super omnes gentes dominus et super caelos gloria ejus

Quis sicut dominus deus noster qui in altis habitat et humilia respicit

Caritas pater est gratia Christus communicatio spiritus sanctus o beata trinitas

Verax est pater veritas filius veritas spiritus sanctus o beata trinitas

Una igitur pater logos paraclitusque substantia est o beata trinitas

Gloria et honor deo in unitate trina patri et filio cum sancto spiritu in sempiterna saecula

Gratias tibi deus gratias tibi vera una trinitas una et trina veritas trina et una unitas

In patre manet aeternitas in filio aequalitas in spiritu sancto aeternitatis aequalitatisque connexio

Non est similis tui in diis domine R. Et non est*

Magnus dominus et magna virtus ejus sapientiae ejus non est numerus

Magnus dominus et laudabilis nimis et magnitudinis ejus non est finis

Gloria patri genitaeque proli et tibi compar utriusque semper spiritus alme deus unus omni tempore saecli

Da gaudiorum praemia da gratiarum munera dissolve litis vincula astringe pacis foedera

Honor virtus et potestas et imperium sit trinitati in unitate unitati in trinitate in perhenni saeculorum tempore

Trinitati laus perhennis unitati sit decus perpetim

Tibi laus tibi gloria tibi gratiarum actio in saecula sempiterna o beata trinitas

Et benedictum nomen gloriae tuae sanctum et laudabile et superexaltatum

Ex quo omnia per quem omnia in quo omnia ipsi gloria in saecula

Benedictus es domine in firmamento caeli*

Deum time et mandata ejus observa hoc est omnis homo

Timentibus deum nihil deest nec his qui eum diligunt in veritate

Benedicamus patrem et filium cum sancto spiritu laudemus et superexaltemus eum in saecula

Benedictus es domine in firmamento caeli et laudabilis et gloriosus

Gloria patri et filio et spiritui sancto

Te deum patrem ingenitum te filium unigenitum te spiritum sanctum paraclitum sanctam et individuam trinitatem toto corde et ore confitemur laudamus atque benedicimus tibi gloria in saecula

Quoniam magnus es tu et faciens mirabilia tu es deus solus

Summae trinitati simplici deo una divinitas aequalis gloria coaeterna majestas patri prolique sanctoque pneumati qui totum subdit suis orbem legibus

Praestet nobis gratiam deitas beata patris ac nati pariterque spiritus almi

Gloria patri et filio et spiritui sancto

O beata et benedicta et gloriosa trinitas pater et filius et spiritus sanctus

Tibi laus tibi gloria tibi gratiarum actio

O beata et benedicta gloriosa trinitas pater filius spiritus sanctus

Miserere miserere miserere nobis

O vera summa sempiterna trinitas pater et filius et spiritus sanctus

Tibi laus tibi gloria tibi gratiarum actio

O vera summa sempiterna trinitas pater filius spiritus sanctus

Miserere miserere miserere nobis

Te jure laudant te adorant te glorificant omnes creaturae tuae o beata trinitas

Tibi laus tibi gloria tibi gratiarum actio

Benedicamus patrem et filium cum sancto spiritu

Laudemus et superexaltemus eum in saecula

Benedicat nos deus deus noster R. Benedicat*

Nisi quis renatus fuerit ex aqua et spiritu non potest introire in regnum dei quia quod natum est de carne caro est et quod natum est de spiritu spiritus est alleluia alleluia

Sanctus sanctus sanctus dominus deus omnipotens qui erat et qui est et qui venturus est

Tibi decus et imperium tibi gloria et potestas tibi laus et jubilatio in sempiterna saecula o beata trinitas deus

Benedictio et claritas et sapientia et gratiarum actio honor virtus et fortitudo deo nostro in saecula saeculorum amen alleluia

Benedicta sit creatrix et gubernatrix omnium sancta et individua trinitas et nunc et semper et per infinita saeculorum saecula

Deum time*

Gloria patri et filio et spiritui sancto

Te gloriosus apostolorum chorus te prophetarum laudabilis numerus te martyrum candidatus laudat exercitus tibi omnes electi voce confitentur unanimi beata trinitas unus deus

Spiritus ubi vult spirat et vocem ejus audis alleluia et nescis unde veniat aut quo vadat alleluia alleluia

Benedictus*

Gaude caelum terra plaude dies adest digna laude plena dies gloria qua Elisabeth antiquum castitatis inimicum elisit victoria pia mater et matrona tuis sacris precibus interventrix et patrona sis pro nobis omnibus

Regi deo jubilantes laudum per insignia exsultemus venerantes Elisabeth sollemnia

Ex ore lactentium laudem deo perficit infantes egentium dum quasi nutrix reficit

A calore caritatis calefacti pauperes juxta prunas nuditatis laetantur immemores

Inquinari manus sorde reputans delicias infirmorum mundo corde tractat immunditias

Ab intus regis filiae omnis decor gloriae nihil foris appetit laudis et honoris

Omnium refugio fortiter adhaeret dum viri solatio vidua careret

Laetare Germania claro felix germine nascentis Elisabeth ex regali semine

De paupertatis palea dum quasi granum germinat Elisabeth insignis haereses ab area fidei disterminat meritis et signis

Aures surdis reserat claudis gressum reparat et caecis incessum

Ista regis filia haec contemptibilia mundi non elegit sed se ipsa fortior seseque sublimior se sibi subegit

Spiritum jejunio carnem sub cilicio jugiter castigans

O mirandam mulieris hujus fortitudinem qua in se vitae veteris sic occidit hominem et potestates aeris vertit in formidinem

Hoc pugnatura stadio mente virum induit femur cingens gladio

Regnum mundi*

Haec nexu conjugii data viro socia suave jugum domini tulit ab infantia

Habens caelo fundamentum aurum super et argentum prudenter aedificat dum pauperes laetificat

Deo decantent omnia qui vitam reddit mortuis Elisabeth suffragiis et fugat daemonia

Justae lux orta gratiae late spargens radium rectis corde studium ingerit laetitiae

Deus palam omnibus revelans justitiam salutarem gentibus per hanc infudit gratiam

Apta tandem viri votis sicut crevit viribus ita piis sic devotis excrevit virtutibus

Aspernata saeculum generosi sanguinis parvipendit titulum apprehendens enim fusum manuum consilio victus quaerit usum

In gazophylacium vidua cum vidua totum mittens pretium

Egens egenis largiens sibi nil retinuit caeleste regnum ambiens hic praesens omne respuit

Fide grandis spe secura manum mittit ad futura

Caeco nato cui nec sedes erant oculorum instrumenta lucis dedit et naturae decus redit per momenta temporum

Novum hoc spectaculum idem isti vetus Christi renovat miraculum

Benedictus sit dominus deus omnis gratiae qui coronavit ad portam paradisi hodie pauperculam sed exortam regum ex progenie

Mulieres opulentae audite et facite secundum hanc ex divite factam voluntariae

Gloria patri et filio et spiritui sancto