Sic fulgebat in aspectu exsulta decentius paupertatem in affectu colebat attentius alleluia

Recordare mater et patrona ut loquaris pro filius bonaque praesentatis hodie praesentiae filii Mariae

Eloquium tuum dulce commendet nos gratiae filii

Famulis se famulam fecit haec beata coquinae squaloribus gaudens deturbata et cor gerens indefessum debiles debilior portat ad secessum

Sic sedula paupercula lavit istos illis stravit

Aman in patibulo cum Esther appendit holofernis dexteram in caput extendit et suum a periculo populum defendit

Manum mittens ad fortia sic vincit innocentia

O lampas ecclesiae rivos fundens olei medicina gratiae nutrimentum fidei tutelam praestans pavidis calorem minus fervidis languidis medelam

Tu dei saturitas oliva fructifera cujus lucet puritas et resplendent opera

Gloria patri et filio et spiritui sancto

Dominus Elisabeth induit decore cujus nunc parata est sedes in honore

Deo cum laetitia serviens puella sub magistri manibus sustinet flagella

Haec ad deum sitiens et currens in siti carnis desideriis didicit reniti

Domo rebus dum ablatis mendicat hospitium in camino paupertatis benedicit dominum

In tantis virtutibus famulae fidelis laudet omnis spiritus dominum de caelis

Cornu salutis hodie in turribus ecclesiae dominus erexit quo de manu Philistaei castra protexit fidei ac in viam gratiae pacis et justitiae plurimos direxit

O beata sponsa Christi Elisabeth quae meruisti apud regem angelorum suscitatrix mortuorum fieri quam plurium felix tui depressio superbis fit repressio et robur humilium tu pro nobis mater pia roga regem omnium ut post hoc exsilium nobis det vera gaudia

Exsultet vox ecclesiae nam caput superbiae Elisabeth contrivit quae non exaudivit vocem exactoris cujus intercessio nos ab hoc exsilio revertentes societ angelorum choris

Novum sidus emicuit error vetus conticuit novo splendore rutilat plebs novas laudes jubilat

Quasi stella matutina quam illuxit lux divina in conventum cum contentum Elisabeth suffragiis lucet luminarium

Florem mundus protulit cujus odor contulit spem salutis constitutis in valle miseriae | Fructus hujus flosculi clarus ut carbunculi cor accendit dum perpendit gustum paenitantiae | Fragrat mundus ex odore et ardescit in amore corde toto voce voto surgit in praeconia | Claudis gressus reparatur caecis visus restauratur quies fessis pax oppressis ejus per suffragia | Magnus et mirabilis deus et laudabilis novum fecit dum refecit mundum tot auxiliis | Inter haec famula Elisabeth per saecula regnans orat dum explorat gustum in deliciis Christi et ecclesiae ergo patientiae se immersit dum abstersit fletus et tristitiae | Hujus Christe precibus placare …

Ave virgo speciosa clarior sideribus cujus vultum ac decorem concupivit dominus funde preces creatori pro tuis supplicibus

Surge virgo et nostras sponso preces aperi tua vox est dulcis in aure domini quae pausas sub umbra dilecti ab aestu mundi transfer nos ad amoena paradisi

Pulchrae Sion filia pro mortali tunica agni tecta vellare et corona gloriae

Gloria patri et filio et spiritui sancto sicut erat in principio

Ave gemma claritatis ad instar carbunculi ave rosa paradisi more fragrans balsami Catharina virgo felix gloriosa meritis assistentes tuis festis caeli junge gaudiis

Adoretur virginum rex in saeculorum saecula qui virgini Catharinae contulit caelestia

Virgo sancta Catharina Graeciae gemma urbe Alexandrina costi regis erat filia

Cum esset adhuc in annis virgo puerilibus caris orbata parentibus mundi renuntiavit opibus

Virgo regalis fidei merito specialis ut jubar in tenebris mundo Catharina refulsit

Haec dominum caeli contemplans mente fideli respuit errorem mundi labentis amorem

Membra redemptoris fidei Maxentius hostis undique caedebat gladius per cuncta furebat

Virgo sed aeterni diffundens semina verbi divini fructus uberes collegit acervos

In Alexandrina civitate Maxentio residente feralia per vicinas provincias misit edicta Christianos diis suis immolare aut poenalibus cruciatibus interire

Cogitavit impie locutus nequitiam iniquitatem in excelso locutus est

Sancta virgo Catharina Costi regis filia | summo patre deo digna mundi sprevit gaudia

Tam divinis quam humanis erudita studiis

Cogit Caesar Christi servos libare demonibus sed tyranni virgo jussa voce damnat libera

Cedit hostis innocentes perimens atrociter

Virgo prudens et electa dei sapientia oratorum argumenta vicit adversantia

Ab angelo confortata plena dei gratia

Gloria patri et filio et spiritui sancto

Caesaris intrepide studiis praeclara sophiae arguit errorem malesanum virgo furorem

Non cedens monitis mactatur verbere mitis carcere damnatur nec virgo sic superatur

Caesar ut invictam penitus vidit Catharinam ut leo crudelis jubet hanc discerpere poenis

Machina poenalis nutu dispacta tonantis martyre nil lesa dedit orco milia cesa

Martyr ut oravit gladium subit aethera scandit sponsus honorque datur cum Christo deliciatur

Virginis ex oleo quod manat corpore sacro certa medela datur morbi genus omne fugatur

Nobilis et pulchra virgo Catharina puella flagrat amore dei spernit vaga gaudia mundi

Cui rex carne pater fuerat reginaque mater

Sponsa Christi gloriosa gaudens inter verbera nulla movent hanc promissa nec terrent supplicia

Caritate vulnerata tendit ad caelestia

Christus sanctam tenebroso reclusam ergastulo miro satis atque blando confortans adloquio

Salve virgo benedicta quam Christi praesentia

O mater nostra ter sancta quaterque beata cum prece devota famulantum suscipe vota

Jam Christo juncta sponsoque tuo sociata

Gloria patri et filio et spiritui sancto

Morbida membra levans ope superna sanguine salvifico noxia quaeque fugando | Virgo terrifica exuberans tyranni tormenta | Summis praeconiis haec contio tibi astar devota | Sacra Catharina fave precibus nostris accipe vota | Civibus Uranicis quo per te clara conformemur in aula et cum electis immortale bravium consequamur

Prudens virgo lampadae aptata intravit cum sponso ad nuptias Catharina

Angelus interea descendens virgo beata ne timeas inquit non te pia gratia linquit

Confortans teneram Michael splendore puellam

Virgineo flore tu martyriique decore funeta coronaris uno reliquoque bearis sponsum sponsa deum mereatur lucta tropeum

Dum pro tortura refovet te caelica cura

Corpus virgineum Christi venerabile templum monte Sina angelico conditur obsequio

Purus in aetherea cum sanctis spiritus aula

O Christi pietas o virtus atque potestas virginis ex membris sacri fluit unda liquoris unde fides aegris infundit dona salutis

Virginis ob meritum manet hoc memorabile signum

Gloria patri et filio et spiritui sancto

Aeternae virgo memoriae quam sibi despondit rex gloriae | Virginis proles eximiae sponsusque virginis ecclesiae | Tu gaudes hodie de dono gratiae | Et cantas propriae carmen laetitiae | Te laudantes de caelo respice | Atque nostra suscipe vota

Aeterno regi caelo terraque potenti servans morte fidem virgo corregnat eidem

Atria Jerusalem penetrans et luminis arcem haec jubilat sponso servit cui caelicus ordo

Ad laudes vigiles fontemque deum sitientes Christum suscepit cui virgo fidelis adhaesit

Ignibus exstinctis canit hymnum vox puerilis sic nece consumpta sponsi Catharina sub umbra

Ordo puellarum quam felix candidularum cum quibus haec virgo cantat nova cantica Christo

Prudens et vigilans virgo qualis es cum sponso illo qui te elegit de mundo quam pulchra quam mirabilis quanta luce spectabilis inter Sion juvenculas et Jerusalem filias thalamo gaudes regio conjuncta dei filio

Vox de caelis intonuit veni dilecta mea veni intra thalamum tui sponsi quod postulas impetrasti pro quibus oras salus erit

Ultimo dum genus organi auri ut intonuit virginali praecessorum stragem animalium festinat ad templum sicine nefandum allocuta tyrannum

Deum qui te genuit dereliquisti et oblitus es creatoris tui

Voce cordis et oris in laude summi redemptoris consurgat omnis fidelis cujus mediante gratia martyr et virgo Catharina facto clamore hora matutina exivit obviam Christo sponso qui sedet super cherubim cuncta videns in absconso ferens sertum rosae et lilii cum triumpho martyrii evasit minas tortorum o beata virgo ora jugiter pro reatibus supplicum tuorum

Deus omnium exauditor est ipse misit angelum suum et tulit me de ovibus patris me et unxit me unctione misericordiae suae

Dominus qui eripuit me de ore leonis et de manu bestiae liberavit me

Dominus qui eripuit me de ore leonis et de manu bestiae liberavit me ipse me eripiet de manibus inimicorum meorum

Misit deus misericordiam suam et veritatem suam animam meam eripuit de medio catulorum leonum

Ego te tuli de domo patris tui dicit dominus et posui te pascere gregem populi mei et fui tecum in omnibus ubicumque ambulasti firmans regnum tuum in aeternum

Fecique tibi nomen grande juxta nomen magnorum qui sunt in terra

Montes Gelboe nec ros nec pluvia veniant super vos ubi ceciderunt fortes Israel

Omnes montes in circuitu ejus visitet dominus a Gelboe transeat

Exaudisti domine orationem servi tui ut aedificarem templum nomini tuo benedic et sanctifica domum istam in sempiternum deus Israel

Domine qui custodis pactum et misericordiam cum servis tuis qui ambulant coram te in toto corde suo

Domine si conversus fuerit populus tuus oraverit ad sanctuarium tuum tu exaudies in caelo domine et libera eos de manibus inimicorum meorum

Si peccaverit in te populus tuus et conversus egerit paenitentiam veniensque oraverit in loco isto

Audi domine hymnum et orationem quam servus tuus orat coram te hodie ut sint oculi tui aperti et aures tuae intentae super domum istam die ac nocte

Respice domine de sanctuario tuo et de excelso caelorum habitaculo

Peccavi super numerum harenae maris et multiplicata sunt peccata mea et non sum dignus videre altitudinem caeli prae multitudine iniquitatis meae quoniam irritavi iram tuam et malum coram te feci

Quoniam iniquitatem meam ego agnosco et delictum meum coram me est semper tibi soli peccavi

Recordare domine testamenti tui et dic angelo percutienti cesset jam manus tua ut non desoletur terra et ne perdas omnem animam vivam

Quiescat domine ira tua a populo tuo et a civitate sancta tua

Factum est dum tolleret dominus Eliam per turbinem in caelum elisaeus clamabat dicens pater mi pater mi currus Israel et auriga ejus

Oro domine ut fiat spiritus tuus duplex in me at ille inquit si videris quando tollar a te erit quod petisti

Praeparate corda vestra domino et servite illi soli et liberabit vos de manibus inimicorum vestrorum