Quibus juravi in ira mea*

Venite exsultemus domino jubilemus deo salutari nostro praeoccupemus faciem ejus in confessione et in psalmis jubilemus ei | Quoniam deus magnus dominus et rex magnus super omnes deos quoniam non repellit dominus plebem suam quia in manu ejus sunt omnes fines terrae et altitudines montium ipse conspicit | Quoniam ipsius est mare et ipse fecit illud et aridam fundaverunt manus ejus venite adoremus et procidamus ante deum ploremus coram domino qui fecit nos quia ipse est dominus deus noster nos autem populus ejus et oves pascuae ejus | Hodie si vocem ejus audieritis nolite obdurare corda vestra sicut in exacerbatione …

Venite exsultemus domino jubilemus deo salutari nostro praeoccupemus faciem ejus in confessione et in psalmis jubilemus ei | Quoniam deus magnus dominus et rex magnus super omnes deos quoniam non repellit dominus plebem suam quia in manu ejus sunt omnes fines terrae et altitudines montium ipse conspicit | Quoniam ipsius est mare et ipse fecit illud et aridam fundaverunt manus ejus venite adoremus et procidamus ante deum ploremus coram domino qui fecit nos quia ipse est dominus deus noster nos autem populus ejus et oves pascuae ejus | Hodie si vocem ejus audieritis nolite obdurare corda vestra sicut in exacerbatione …

Placebo domino in regione vivorum

Heu me quia incolatus meus prolongatus est

Dominus custodit te ab omni malo custodiat animam tuam dominus

Si iniquitates observaveris domine domine quis sustinebit

Opera manuum tuarum domine ne despicias

Requiem aeternam dona eis*

Omne quod dat mihi pater ad me veniet et eum qui venit ad me non ejiciam foras

Absolve domine animas eorum ab omni vinculo delictorum ut in resurrectionis gloria inter sanctos tuos resuscitati respirent

Dirige domine deus meus in conspectu tuo viam meam

Convertere domine et eripe animam meam quoniam non est in morte qui memor sit tui

Nequando rapiat ut leo animam meam dum non est qui redimat neque qui salvum faciat

Dirige domine*

Credo quod redemptor meus vivit et in novissimo die de terra surrecturus sum et in carne mea videbo deum salvatorem meum

Quem visurus sum ego ipse et non alius et oculi mei conspecturi

Qui Lazarum resuscitasti de monumento foetidum tu eis domine dona requiem in loco indulgentiae

Requiem aeternam dona eis domine et lux perpetua luceat eis

Domine quando veneris judicare terram ubi me abscondam a vultu irae tuae quia peccavi nimis in vita mea

Commissa mea domine pavesco et ante te erubesco dum veneris judicare noli me condemnare

In loco pascuae ibi me collocavit

Delicta juventutis meae et ignorantias meas ne memineris domine

Credo videre bona domini in terra viventium

A porta inferi*

Heu mihi domine quia peccavi nimis in vita mea quid faciam miser ubi fugiam nisi ad te deus meus miserere mei dum veneris in novissimo die

Anima mea turbata est valde sed tu domine succurre ei

Ne recorderis peccata mea domine dum veneris judicare saeculum per ignem

Dirige domine deus meus in conspectu tuo viam meam

Domine secundum actum meum noli me judicare nihil dignum in conspectu tuo egi ideo deprecor majestatem tuam ut tu deus deleas iniquitatem meam

Tibi soli peccavi et malum coram te feci

Complaceat tibi domine ut eripias me ad adjuvandum me respice

Sana domine animam meam quia peccavi tibi

Sitivit anima mea ad deum vivum quando veniam et apparebo ante faciem domini

Requiem*

Peccantem me cottidie et non me paenitentem timor mortis conturbat me quia in inferno nulla est redemptio miserere mei deus et salva me

Deus in nomine tuo salvum me fac et in virtute tua libera me

Libera me domine de viis inferni qui portas aereas confregisti et visitasti infernum et dedisti eis lumen ut viderent te qui erant in poenis tenebrarum

Clamantes et dicentes advenisti redemptor noster

Requiem aeternam dona eis domine et lux perpetua luceat eis

Qui Lazarum resuscitasti de monumento foetidum tu eis domine dona requiem

Exsultabunt omnia ossa humiliata

Exaudi domine orationem meam ad te omnis caro veniet

Me suscepit dextera tua domine

Eruisti domine animam meam ne periret

Omnis spiritus laudet dominum

Audivi vocem de caelo dicentem

Ego sum resurrectio et vita qui credit in me etiam si mortuus fuerit vivet et omnis qui credit in me non morietur in aeternum

Putasne mortuus homo rursum vivat cunctis diebus quibus nunc milito expecto donec veniat in mutatio mea

Ecce in pulvere sedeo et in pulvere dormio et si mane me quaesieris non subsistam

Manus tuae domine fecerunt me et plasmaverunt me totum ego autem homo natus de muliere brevi vivens tempore peccavi iniquitatem feci in conspectu tuo

Dum veneris judicare noli me condemnare ne gaudeat inimicus meus super me

Commissa mea pavesco et ante te domine valde erubesco dum veneris judicare noli me condemnare

Delictum meum cognitum tibi feci et injustitias meas non abscondi

Absolve domine animas eorum ab omni vinculo delictorum non eas tormentum mortis attingat non reorum cathena constringat sed miseratio tua in pacis eas ac lucis regione constituat

Si quae illis sint domine digne cruciatibus culpae tu eas gratias lenitatis indulge

Redemptor meus vivit et in novissimo resurgam et renovabuntur denuo ossa mea et in carne mea videbo dominum meum

Lauda anima mea dominum laudabo dominum in vita mea psallam deo meo quam diu ero

Domine qui plasmasti me miserere mei et quicquid in hoc saeculo proprio reatu deliqui totum ineffabili pietate et benignitate tua dele et absterge ne peccati recipiam vicem sed indulgentiae tuae piam sentiam bonitatem

Domine quicquid vitiorum fallente diabolo contraxi tu pius et misericors ablue indulgendo

Rogamus te domine deus noster ut suscipias animas nostrorum defunctorum pro quibus sanguinem tuum fudisti recordare quia pulvis sumus et homo sicut foenum et flos agri

Misericors et miserator et juste domine

Quomodo confitebor tibi domine deus meus quando veneris in judicio tuo quia cor meum mundum non custodivi animam meam in carne positam pollui templum corporis mei de opere iniquitatis coinquinavi precor te domine antequam discutias me miserere mei

Tibi soli peccavi domine

Licet peccavi tamen te creatorem meum non negavi ideoque

Memento quaeso domine quod sicut lutum feceris me et in pulverem reduces me nonne sicut lac mulsisti me et sicut caseum me coagulasti pelle et carne vestisti me ossibus et nervis compegisti me

Vitam et misericordiam tribuisti mihi et visitatio tua custodivit spiritum meum

Deus aeterne in cujus humana conditio potestate constitit animas omnium fidelium defunctorum quaesumus ab omnibus absolve peccatis ut paenitentiae fructum quem voluntas eorum optavit praeventi mortalitate non perdant

Qui in cruce positus latronem sero paenitentem suscepisti eorum precamur pie peccata dilue

Ne tradas domine bestiis animas confitentium tibi et animas pauperum tuorum ne obliviscaris in finem

Memorare quae sit nostra substantia domine et quia non vane constituisti omnes filios hominum

Libera me domine de morte aeterna in die illa tremenda quando caeli movendi sunt et terra dum veneris judicare saeculum per ignem

Tremefactus*

-- tu mea spes sanctorum et requies sanctae suscipe me

-- mors quam corpori debemus de morte animae suscita nos deus

Securis ad radicem arboris posita dedit ictum arbor icta corruit fructus ejus computruit praemio carebit homo si deviaverit a domino

Heu heu mihi misero ubi ubi in die illa ero quo vultu quibus oculis apparebo ibi pietas non erit in judice justus judex aequa lance sua recompensabit unicuique deus deus miserere angustiae mihi sunt undique sed tu succurre parce ignosce deus deus miserere

Quid acturi erunt pravi quando tremebunt angeli videntes formam dei ut fuit in cruce pro salute mundi tunc infernus apparebit et damnatos absorbebit fulgur ignis atque vermes trucidabunt peccatores

Suscipe domine animam defuncti hujus non pro suis reatibus deputetur Gehennae ignibus mitte domine angelum tuum et suscipe in tuis sedibus ne absorbeat illam tartarus

Virgo dei genetrix stella maris maria preces emitte atque fidelibus veniam deprecare

Omnes sancti orate pro illis ut adjuncti dexteris nihil habeant commune cum sinistris

Lacrimosa dies illa qua resurget de favilla judicandus homo reus

Horrendum est incidere in manus dei viventis nam manifeste veniet deus noster et non silebit ignis in conspectu ejus ardebit et in circuitu ejus tempestas valida quae prorsus examinat quos ignis exurat

Plangent se super se omnes tribus terrae in novissimo die tunc animae peccatorum in poenis constitute gementes dicunt inter se quid profuit nobis saeculi vanitas quid divitiarum nugacitas en Acherontis terrae premunt nos unde Phlegetontis ignitae Cocyti luctuosae involvunt nos poenae Stygi heu miserabiles inmerguntur de quo surgere nulla jam spes esse potest

Ardentes animae flent sine fine flent sine fine ambulant per tenebras dicuntque singule vae vae vae quantae sunt tenebrae

Dulcem vocem audient justi quibus dicetur venite benedicti patris mei percipite regnum quod vobis paratum est

Beati mortui qui in domino moriuntur in his mors secunda potestatem non habebit sed erunt sicut angeli cum sint resurrectionis filii

Gaudent omnes sancti in die judicii cum dominus venerit in majestate sua et patris et angelorum sicut enim pastor segregat hoedos ab ovibus sic dominus separat malos a bonis et ibunt hi in supplicium aeternum justi autem in vitam aeternam

Deus vitam viventium spes morientium salusque omnium in te sperantium miserere omnium ex hac luce migrantium

Ad vocem tubae clangentis resurgent mortui de monumentis occurrunt tunc sponso et sponse omnes electi quos benigne renigne remuneratis collocat ad dexteram suam dicens eis venite benedicti patris mei percipite regnum vobis semper paratum

Aurum et argentum non liberabit nos ab igne terribili vestes et deliciae in condemnationem erunt non liberabit frater proprium fratrem nec pater filium suum sed quisque stabit in ordine suo tam in vita quam in incendiis

O pie judex tu judicium tuum ante tanto praenuntiasti tu paratos omnes invenire desiderati sed quia caro sumus vadens et non rediens spiritus inducias tuas quas ante oculos cordis semper habere debuimus heu frequenter obliviscimur gratia autem tua commoniti aliquando ingemiscimus teque clementem invenire desideramus

Melius est nomen bonum quam unguenta pretiosa et dies mortis die nativitatis melius est ire ad domum luctus quam ad domum convivii in illa enim commemorabitur finis universorum et vivens homo cogitabit quid futurum sit

Audite nunc potentes respondere divites quid vobis confert si totum mundum lucremini post mortem vero flammis inaextinguibilibus damnemini non inde vos eruet luxuria nec liberabit potentia nec educet satellitum frequentia nudi illic et famelici stabitis inopes et miseri heu heu heu cur non ante oculos reducitis diem longam diem magnam diem acerbam diem denique calamitatis et miseriae plenam

Pensa mortalis quia nil sunt gaudia carius quae quisquis sequitur ad tenebras rapitur

O quam dira conditio quae ex Adae vitio nos perdendo traxit primordia

Pretiosa mors sanctorum in conspectu domini quam felices quibus dicetur in die judicii venite benedicti patris summi filii ecce vobis trado regnum quod dare disposui pro me quidem respuistis blandimenta saeculi possidere quod terreni non videbunt oculi

Adorate omnes gentes filium dei venientem grandis pavor in mundo erit quando Christus iratus venerit tunc ardebunt montes excelsi et tremebunt omnes sancti caeli plicabunt stellae cadent flebunt justi et injusti peccatores erunt multi peccatores et superbi pleni erunt dolore inferni

Subvenite sancti dei occurrite angeli domini suscipientes animam ejus offerrentes eam in conspectu altissimi

Suscipiat te Christus qui vocavit te et in sinu Abrahae angeli deducant te