Ibo mihi ad montem myrrhae et ad colles Libani et loquar sponsae meae tota speciosa es proxima mea et macula non est in te veni ad Libanum sponsa veni ad Libanum venies et transibis ad colles Seir et Hermon a cubilibus leonum a montibus leopardorum

Sexaginta sunt reginae et octoginta concubinae et adolescentularum non est numerus una est columba mea perfecta mea una est matris suae electa genetricis suae

Veni dilecte mi egrediamur in agrum commoremur in villis mane surgamus ad vineas videamus si floruit vinea si flores fructus parturiunt si floruerunt mala punica ibi dabo tibi ubera mea

Aperi mihi soror mea amica mea columba mea immaculata mea quia caput meum plenum est rore caeli et cincinni capitis mei guttis noctium

Ista est speciosa inter filias Jerusalem viderunt eam filiae Sion et beatissimam praedicaverunt et reginae faciem ejus laudaverunt

Exsultet omnium turba fidelium pro gloria almi patris Benedicti laetentur praecipue catervae monachorum celebrantes ejus festa in terris de cujus societate sancti congaudent in caelis

Magna semper et praeclara deum decent praeconia cujus igne spernens mundum fulges in turba caelitum o confessor Benedicte vota servorum suscipe

Ut Christo celebri jubilemus laudes venite qui dedit aeternae Benedicto gaudia vitae

Benedictus tam nomine quam gratiarum munere e nursia progenitus claris fulsit parentibus

Hic ergo Romae traditus disciplinis scholaribus nil scire duxit commodum nisi crucis mysterium

Mundum suis cum floribus scienter sprevit nescius Jesuque ferens stigmata speluncae petit abdita

Sanctum Romanus habitum dat illi fert subsidium sed magister invidiae saevit in illum lapide

In specu sub quo latitat dei miles se cruciat sed rex mundi cui militat hunc sacerdotem visitat

Athleta dei gravibus poenis ardens exterius hostis in mente jacula igne restrinixit ignea

Florem mundi periturum despexit tamquam aridum ut floreat in aeternum Benedictus ante deum

Pennas sumens ut columbae recessit gaudens requie

Puer fletum subsecutae consolatus nutriculae vas ubi prece solidat fugit ne laude pereat

Elongatus a nutrice mansit in solitudine

Agnosce dei famule surrexit Christus hac die assunt quas misit epulae cujus amore percipe

Haec dies quam fecit deus in qua jubet exsultemus

Electo grex mortiferum patri ferebat poculum sed vir dei signo vitae vas rupit tamquam lapide

Intenderunt arcum suum ut perderent innoxium

Gloria patri et filio et spiritui sancto

Jam latius innotuit quasi lampas emicuit fit Benedictus celebris frequentatur a populis

Ejus ergo sub tramite multi dum certant vivere locis florent duodenis fulget ipse miraculis

Hic non impar Eliseo ciet ferrum de profundo sensus et corda perspicit praesens absentes arguit

Maurus verbo currens patris Petri fertur vestigiis super liquens elementum mersumque trahit Placidum

Favent cuncta Benedicto vas sponte manat oleo fugit vita spernit terra ejus privatum gratia

O quanta plenus gratia qui respectu rumpit vincula sedens curvat imperia Benedictus per saecula

Servus dei Benedictus stetit misertus illius qui clamitabat o meum o redde redde filium

Orans jacentem suscitat reddit patri qui clamitat

Benedictus quam devotas deo solvebat gratias ire videns ut columbam caelo sororis animam

Uterque duxit gaudia soror caelo hic in cella

Gloria patri et filio et spiritui sancto

O Israelita verus cor in deum dilatatus qui infra se angustatam vidit omnem creaturam

Caelo quoque ferri sanctam Germani cernens animam

Alme pater qui praescius tui sacrati transitus hunc praenotasti fratribus tuere nostros exitus

Per te ducem clarissimum ut transeamus ad deum

Gloria patri et filio et spiritui sancto

Benedictum propheticis condecoremus canticis qui tam fulsit prophetia quam et doctrinae gratia

Grandi pater fiducia morte stetit pretiosa qui elevatis manibus caelos scandit in precibus

Feci Christe quod jussisti te secutus spe praemii

Fratribus illuxit Benedictum quae via duxit usque polum surgens et multa lampade fulgens

Virque super candens micuit quae sit via pandens

Ecce jam cari noscite quam claro scandit tramite Benedictus ad sidera qui hic reliquit omnia

Accepit ergo centuplum et vitam in perpetuum

Gloria Christe tuo tibi personet in Benedicto quem faciens tecum sanctis regnantibus aequum jam quibus aequasti gaudentibus associasti

Nos ejus norma rege serva terge reforma

Gloria patri et filio et spiritui sancto

Armis praecinctus verae fidei Benedictus idola dum stravit sedem tibi Christe paravit

Huic jubilate quo pater iste par fit Eliae par quoque Moysi dum lapis illi flumina fundit corvus obaudit

Quemquam non laesit post te dominator adhaesit utque David doluit hostis ut occubuit

Laus puerilis hunc benedicit qui puerorum per Benedictum corpora vitae trinus et unus trina reformat

Tympana laeta chori mens consona concinet ori ac dominum laudet quo servus in aethere gaudet

Benedictus es domine qui Benedicti animae dum caeli confers gaudia glorificas terris membra dum et specu quo latuit per te virtus emicuit

Praeclarum late tibi vir sine fine beate nomen non fictae fidei manet o Benedicte

Membra specu claudis quo factus es hostia laudis carnem districte dum frenas o Benedicte

Instar tu Christi patiens ad cuncta fuisti pacis et indictae cultor pius o Benedicte

Hic probris actus tumidisque peripsema factus jam noys invictae palmam geris o Benedicte

O caelestis norma vitae doctor et dux Benedicte cujus cum Christo spiritus exsultat in caelestibus gregem pastor alme serva sancta prece corrobora via caelos clarescente fac te duce penetrare

O laudanda sancti Benedicti merita gloriosa qui dum pro Christo patriam mundique sprevit pompam adeptus omnium contubernium beatorum et particeps factus praemiorum aeternorum

Inter choros confessorum splendidum possidet locum ubi ipsum fontem omnium intuetur bonorum

Gloria patri et filio et spiritui sancto

Sancte Benedicte Christi confessor audi rogantes servulos et impetratam caelitus tu defer indulgentiam

Aperi os tuum in oratione et per delictis nostris deprecare

Sancte Benedicte intercede pro nobis

Ut digni efficiamur promissione Christi

Gloria patri et filio et spiritui sancto

Sicut malum inter ligna silvarum sic dilectus meus inter filias sub umbra illius quem desiderabam sedi et fructus ejus dulcis gutturi meo introduxit me rex in cellam vinariam ordinavit in me caritatem fulcite me floribus stipate me malis quia amore langueo leva ejus sub capite meo et dextera illius amplexabitur me

Alma redemptoris mater quae pervia caeli porta manens et stella maris succurre cadenti surgere qui curat populo tu quae genuisti natura mirante tuum sanctum genitorem virgo prius ac posterius Gabrielis ab ore sumens illud ave peccatorum miserere

Ave regina caelorum ave domina angelorum salve radix sancta ex qua mundo lux est orta gaude gloriosa super omnes speciosa vale valde decora et pro nobis semper Christum exora

Nigra sum sed formosa filiae Jerusalem sicut tabernacula cedar sicut pellis Salomonis nolite me considerare quod fusca sim quia decoloravit me sol

Laudemus cordibus ut (...)