Astantibus quinque milibus hominum qui et eadem hora crediderunt in dominum

Impius judex in felle permanens amaritudinis et angustiatus tantae in Christum conversione multitudinis nesciens quid ageret ultra capitali sanctos dei athletas finivit sententia

Aestimans exitus illorum afflictionem qui transierunt ad pacis visionem

Fortissime Christi miles Januari qui post triumphatos hostes jam cum sociis tuis laurea donatus es immarcescibili nobis adhuc in acie titubante stantibus piam porrige manum e caelestibus

Ut precibus tuis quandoque adepti victoriam perpetem tecum possideamus gloriam

Gloria patri et filio et spiritui sancto

Sanctus Januarius Beneventanus episcopus a Timotheo judice percussus ad palmam martyrii cum sociis pervenit

Cum opinionem sancti viri Timotheus insanus audisset jussit eum exhiberi et fornacem igne succendi ut eum intromitteret si Christum non negaret

Cum judex audisset gesta beatorum martyrum Sossii et Proculi Euticetis et Acutii jussit eos sub arta constringi custodia quousque decerneret qua poena eos perderet

Cognoscentes duo ex clero sancti viri Festus diaconus et Desiderius lector teneri eum in vinculis venerunt flentes invisere eum et statim a judice detenti ad palmam martyrii cum ipso pervenerunt

Erat autem divina gratia largiente sanctus Januarius et corpore pulcher et mente

Cum beati martyres pervenissent ad locum ubi decollandi erant sanctus Januarius cum ceteris flectens genua orabat dicens domine Jesu Christe suscipe spiritum nostrum in pace

Post mortem vero martyrum plebs unaquaeque unde venerat in locum decollationis suum patronum quaerebant et inventis corporibus nocte silenter rapientes cum honore decenti sepelierunt

Sancti Meginrati*

Deus tuorum*

Magnificis celebrandus laudibus beati Meginrati dies adest natalitius in quo per martyrii palmam aeternae gloriae consecutus est coronam cujus meritis et intercessione nostris pie Christe peccatis propitiare

Christo regi regum jubilemus qui beatum Meginratum hodie sanctis conjunxit martyribus

Temporibus gloriosissimi principis Caroli beatus Meginratus ad salutem plurimorum ortus est ex natione Suevorum

Hujus parentes moribus magis quam divitiis praeclari tali divinitus meruerunt prole ditari

Transacto infantiae termino traditur Augiensis cenobii fratribus litterarum disciplinis imbuendus

Igitur divina praeventus gratia quandoque propinanda sitibundis scripturarum inaebriatus est fluentis

Iste quidem digne dono ditatus est sapientiae qui a primae aetatis flore ab omni se abstinuit errore

Divina dignus benedictione diaconatus promotus est ordine in quo quia bene ministravit sacerdotii gradum acquisivit

Sancti Meginrati patroni nostri recolentes transitum qui eum gloriae sociavit martyrum dignis laudibus veneremur dominum

Qui nos quoque continuis tanti martyris fovet patrociniis

Gloria patri et filio et spiritui sancto

Vir dei Meginratus cottidie in divino proficiens timore orante monasterii patre regularis suscepit normam vitae

Sciens Christi jugum suave et onus ejus esse leve

Suscepto sacrae religionis proposito vir domini toto nisu pietatis actibus insudavit atque jejuniis et vigiliis vivam se deo hostiam mactavit

Saepe revolvens artam et angustam esse viam quae ducit ad vitam

Beatus Meginratus morum sanctitate probatus ad quandam cellam juxta lacum Thuricinum sitam dirigitur atque ibi multis profuturus scholari studio praeficitur

Ut talentum sibi creditum domino reportaret duplicatum

Cum jam vir venerandus dignos doctrinae suae dedisset fructus ipse vero liberius desiderans servire solitariam coepit vitam sitire

Quadam die vicinam sibi eremum introvit comitesque ad piscandum occupans solus locorum qualitates exploravit

Vir deo dignus de eremo regressus ad quandam matronam pietati deditam venit cui etiam voti sui secretum revelavit

Devota Christo femina divinitus mox inspirata ad implendum tam boni operis propositum praesentis ei vitae promisit subsidium

O felicem et praedicandam mulierem quae in terris Christi pavit pauperem nunc cum eo in caelis divinis assidet conviviis

Sanctus dehinc Meginratus suum domino desiderium commendaturus orationibus et continuis se coepit affligere jejuniis

Electus Christi servus divina tandem inspiratione confortatus relicta cui praefuit cella propter lucidam caelestis regni patriam tenebrosam ingreditur silvam

Crucem suam tollens et dominum Jesum Christum sequens

Dum quodam tempore oraret intente tanta circa illum daemonum multitudo diffunditur ut ei etiam lux diei penitus obscura redderetur

Spem tamen in deo tenens non timuit hostes ita se circumdantes

Inclyto Christi bellatore inter minas et terrores orationi insistente ecce angelus domini cum magna ad eum claritate venit et tetras daemonum phalanges potenter effugavit

Immisit dominus in circuitu timentis se eumque eripuit

Praecelse Christi martyr Meginrate magnus meritorum praeconiis venerande te suppliciter quaesumus ut continuis nos domino commendes precibus

Ut veniam tribuat pacem conferat omnesque nostros actus dirigat

Gloria dignus es et honore sacer Christi martyr Meginrate cui concessum est in tentatione angelica perfrui consolatione

Iste sanctus digna est memoria venerandus qui adhuc mortali constitutus in corpore pro meritorum magnitudine caelicolarum est usus societate

Quia erat innocens manibus et mundo corde

Exactis in divini servitii studiis viginti sex annis beatus Meginratus jam corona martyrii dignus a latronibus inquiritur occidendus

Gaudium quod nec oculus vidit nec auris audivit percepturus

Cumque beati viri cellae crudeles appropinquarent carnifices miro modo pulli quos idem sanctus nutrierat subito quasi vulpe persequente diffugerant atque vicinam insolito clamore silvam replebant

Divino sicut credimus nutu futurum scelus execrantes

Sancte Meginrate nostrum decus o speciale magnus in hac vita quondam fulgens eremita nunc civis caeli populo succurre fideli

Pondera cunctorum precibus relevando malorum

Egregius Christi miles suos sentiens adesse peremptores orationi attentius incubuit suumque domino agonem commendavit

Tandem caritatis amator egressus inimicos benigne salutavit cibo eos potuque refecit et quod ad se occidendum venerint praedixit

Unus itaque ex latronibus maceratum beati viri corpus pollutis constringens manibus socio minaciter jubet ut sanctum fuste percuteret

Hujus ergo sceleris participe diu eum circa latus et suras feriente alter iratus fustem arripuit eumque capiti ejus vehementer illisit

Hoc modo Christi servus plagatus ad terram corruit semivivus in quem illi continuo irruebant ejusque guttur quousque spiritum exhalaret suffocabant

Cum beati martyris anima de corporis egrederetur angustia ad declaranda sanctitatis ejus merita tantae suavitatis odore tota repleta est cella ac si illic omnia fragrarent omnia pigmentorum genera alleluia alleluia

Beatissimi viri percussores unam ad caput ejus candelam ponentes cum altera lumen allaturi cucurrerunt sed repedantes eam quam posuerant caelitus accensam invenerunt alleluia alleluia alleluia

Pater amabilis et venerabilis atque invicte una cum sanctis Mauro et Placido tuis planctis o Benedicte simulque cum virgine Christi Scholastica imbuta vere lege monastica subveni nobis te deprecantibus ut sociemur beatis summis semper regnantibus

Marce decus Germaniae Augiensium gloria evangalista inclyte Svevorum victoria te laudantes assidue transfer ad caeli gaudia alleluia alleluia alleluia

Ave gemma Augiensium salus navigantium viduarum pupillorum ultimum refugium nos astantes duc ad regna supernorum civium Alleluia alleluia alleluia

Martyris pretiosi et evangeliste gloriosi sanctissimi Marci sollemnem diem laude dignissima et summa devotione celebremus alleluia

Ut ejus patrocinia sentiamus in caelis cujus merita veneramus in terris

Beati martyris Marci evangelistae veneranda nobis adest festivitas alleluia in qua triumphans agonis sui cursum viriliter consummavit alleluia et victoriae coronam accipere meruit de manu domini alleluia

Alleluia Venite adoremus regem regum dominum in beati Marci sollemnitate laetantes alleluia

Beatus Marcus Petri apostoli in baptismo filius missus superno munere Christum dominum evangelizavit populo alleluia

Venit vir dei Marcus Alexandriam ibi verbi semina seminavit et virtutibus coruscans multum domino populum acquisivit alleluia

Anianus quidam sutor post futurus episcopus suscepit eum in domum suam alleluia

Vir dei exspuens in terram fecit lutum et unxit vulnus viri et sanavit eum alleluia

Viso miraculo idem Aniano homo cum omni domo sua credens baptizatus est alleluia

Quaerentes viri civitatis interficere eum ponebant ei plures insidias alleluia

Martyris pretiosi*

Sanctus Marcus electus a deo apostolus et evangelista praefiguratus leo in quattuor animalibus excellenter evangelium scripsit alleluia

Repletus gratia spiritus sancti ministravit nobis documenta salutis

Beatus Marcus Petri apostoli in baptismo filius missus superno munere Christum dominum evangelizavit populis alleluia

Accepta potestate a claviero caeli ligandi atque solvendi

Athleta dei Marcus per totam Aegyptum est ingressus in ejus ingressu dominus simulacra dissipavit universa alleluia

Libyam atque Pentapolim vir dei sanctissimus domino acquisivit

Sanctus Marcus praenoscens malitia illorum reversus est Pentapolim alleluia

Biennio commoratus ibidem episcopos ceterosque gradus per regiones illas ordinavit alleluia

Confortatis fratribus in fide Christi vir sanctissimus iterum venit Alexandria alleluia

Sancti tui domine sicut palma florebunt alleluia alleluia

Vox laetitiae in tabernaculo justorum alleluia alleluia alleluia

Alleluia ego sum vitis vera alleluia vos palmites mei alleluia alleluia

Tantas per illum dominus dignabatur exercere virtutes ut omnium corda converteret ad dominum et baptizarentur in nomine domini alleluia

Instabat cultor dei divino operiret dominum incrementum dedit

Post haec a deo missus venit Alexandriam illius terrae et idolatriae caput ubi divinis armis munitus praedicaturus intravit alleluia alleluia

Anianus sutor post futurus episcopus suscepit eum in domum suam

Beatus Christi martyr deoque dilectus divina gratia se praeveniente doctrinis et signis Christum revelans populis martyrii palmam gaudens acquisivit alleluia

Parata via domini in audientium cordibus et talento sibi tradito jam centuplicato in universo mundo

Dixerunt viri iniqui trahamus bubalum ad loca buculi traxerunt sanctum per scopulos et quemque aspera et carnes ejus defluxerunt in terram alleluia alleluia

Athleta dei toto corpore dissipatus sanctam animam deo reddidit

Dilecte Marce*

Succederunt ignem viri iniqui sanctum corpus comburere desiderantes quasi lumen a deo per illum accensum extinguere possent alleluia

Perversa eorum opera contra eum excogitata a deo sunt impedita

Jubente deo tanta tempestas exorta est ut aedificia subverterentur et multi morte punirentur alleluia