Tantus ergo metus et terror omnes invasit et relicto corpore in fugam dispergerentur

Gaude Suevia tantis honoribus praedita habes inclytum martyrem apud te locatum quem tenes clementissimum in caelo patronum alleluia

Egregius dei martyr magnus coram domino gloria et honore fulget coronatus in conspectu divinae majestatis

O Marce martyr fulgide dei potens apostole nos svevienses incolas pio favore protegas alleluia

Perpetui regis athleta qui ejus amore tuum sanguinem fudisti et modo coronatus es in regno caelesti

Vemens vir sanctus Alexandriam invenit ecclesiam in honore dei aedificatam alleluia

Ecclesiastici ordinis ministros episcopos ceterosque gradus ordinavit ibidem alleluia

Ministri videntes gesta viri dei apprehendentes eum miserunt in carcerem alleluia

Ligatus antro carceris consolatus est visitationem domini salvatoris atque ejus verbis dulcibus est confortatus alleluia

Pax tibi noster evangelista dixit Jesus beato Marco in carcere posito alleluia

Mittentes funem in collo traxerunt sanctum ad martyrium ille gaudens fuso sanguine pro Christi nomine ad gaudium transiit angelorum alleluia

Beatus Marcus*

Dilecte Marce*

Quaerentes viri civitatis iterficere eum ponebant ei plures insidias alleluia

Pax tibi noster evangelista*

Apostole et evangelista martyrque dei Marce cujus sollemnia colimus pro nostris erratibus intercede propitius alleluia alleluia alleluia

Marce decus Germaniae*

Ave gemma*

Laudate nomen domini cuncti fideles qui ex hoc mundo transiturus ad patrem nobis sui pretiosi corporis et sanguinis suave memoriale reliquit

Confitemini domino quoniam bonus qui timentibus se liberatis de aegyptiaca servitute dat escam omnis saporis suavitatem habentem

Super flumina dulcedinis hujus suavissimi sacramenti in hac terra aliena caelestem Jerusalem speculantes hymnum cantemus domino de canticis Sion

Confitebor tibi domine in toto corde meo qui exsistens panis vitae multiplicas in anima te digne sumentis virtutem

O salvatoris magna clementia nec minus mira ejus potentia de panis et vini mera essentia carnis suae fit ver substantia

Talis edulii degustata suavitas probat ergo nos ejus quanta sit benignitas

Gaude felix mater ecclesia novae laudis agens sollemnia tota mentis plaude laetitia redemptoris laudans magnalia inter quae cuncta plus considera mira quae fecit in caena opera

Adsunt dominicae mensae deliciae plaudunt ecclesiae cantu laetitiae

Fructum salutiferum gustandum dedit dominus mortis suae tempore

A fructu frumenti et vini multiplicati fideles in pace Christi requiescunt

Communione calicis quo deus ipse sumitur non vitulorum sanguine congregavit nos dominus

Memor sit dominus sacrificii nostri et holocaustum nostrum pingue fiat

Paratur nobis mensa domini adversus omnes qui tribulant nos

In voce exsultationis resonant epulantes in mensa domini

Minores et

Mundos vocans ad suas epulas hora caene detestans crapulas suam Jesus dat carnem ferculum cruorem poculum

Digna sane et munda vita requiritur ubi esca tam sancta mandi praecipit

Data mundo pro pro mundi gloria mira sunt Christi beneficia morbos mortem et vitia fugat sumpta eucharistia

Vitam justis confert edulium malis mortem confert et judicium

Verbum vitae immensa loquitur a se ipso panis conficitur confectus sic Jesus sumitur salus hinc nascitur

Post in mortem a fratre traditus surgens vivit illaesus penitus

Paupertatis incedens semita cuncta mundi detestans crimina dignus est frui Christi hostia inter poli locandus agmina

Nocte agnus legalis manditur umbra culpae Christi luce pellitur

Introibo ad altare dei sumam Christum qui renovat juventutem meam

Cibavit nos dominus ex adipe frumenti et de petra melle saturavit nos

Ex altari tuo domine Christum sumimus in quem cor et caro nostra exsultavit

Tollite hostias et introite in atria domini adorantes ipsum in templo sancto ejus

Miserator et misericors dominus replet in bonis desiderium tuum

Educas panem de terra et vinum laetificat cor hominis

Omnia a te exspectant domine R. Ut des illis escam in tempore

Panis descendens caelitus mentis supplet inopiam vitamque reddens penitus dat gratiarum copia

Signo crucis de panis materia virtuteque verbi fit eucharistia

Granum florens in fertili agro ventris virginei sacro satum spiramine poenae tritum gravamine pro amoris signaculo fit panis in caenaculo

Flos et pulcher puris aspectibus panis sanus mundis affectibus

Felix caro de cujus epulo tanta salus redundat saeculo sanguinem propinans populo vitali poculo

Ex ubertate gratiae tales dantur deliciae

Ascendentem Christum de hac miseria prosequamur per sancta desideria vadit orare pro nobis in patria manens pascit nos eucharistia

Per quem tale nobis datum est promissum vado semper mansurus vobiscum

Lauda Jerusalem cum canticis salvatorem qui pacem ponit fines tuos et adipe frumenti saciat nos

Educas panem de terra R. Et vinum laetificet*

Memor fuit testamenti dominus rex gloriae se dat escam sacramenti dignus ut aporiae mors purgetur et necetur vita zyma scoriae

Et nunc rerum facie gerimus per Jesum ipsum mentis acie vitae scimus esum

Vere Joseph tunica mire polymita passione punica nobis redimita hac vestimur unica nunc et poli vita

Summe pater gloriae corpus tui nati vestis est munditiae qua sumus renati

Vive panis qui divisus tamen non divideris qui cum sancto spiritu et patre unum crederis in te uni per te muni quos uno pane reficis

Quod in nobis habitas verbum caro factum ex Maria nasceris quae viri nescit tactum

O spem miram quam dat Jesus suis largus famulis olim caesus nunc illaesus cum ministris angelis vivus manet quamvis esus hic in tabernaculis

Invitati festinemus ad tanti regis praesentiam et pro datis nobis gratis sibi reddamus gloriam

Vere digna hostia deus corpus et anima natura duplex substantia trina persona unica

Quando sumunt dominus hic unus ibi mille quantum turba plurimum tantum sumit ille

Hostiarum cumulus multarum dum sacratur non sub formis pluribus Christus multiplicatur

Effectu sumunt vario impius et justus in primo mors in alio est vitalis gustus

Masticatur dominus nec dilaniatur semper manet solidus cum species frangatur

Memoriam fecit mirabilium suorum miserator dominus

Escam dedit timentibus se

Benedictus salvator hominum ipsis salutare dans epulum corpus suum ministrat ferculum

Hic a sacerdotibus dum missa celebratur in eorum manibus transubstantiatur

Panis novus et caelitus missus in fine saeculi aeterni filius est cibus suavitatis

Hoc sacramentum dominus instituit in caena cui sedit cominus turba duodena

Sub legis dei regula mens justa sit et sedula saginata dulcedine Christi carne et sanguine

Sacerdos in aeternum Christus dominus secundum ordinem Melchisedech panem et vinum obtulit

Miserator dominus escam dedit timentibus se in memoriam suorum mirabilium

Calicem salutaris accipiam et sacrificabo hostiam laudis

Qui ponit ponit fines ecclesiae frumenti adipe satiat nos dominus

Homo quidam fecit caenam magnam et misit servum suum hora caenae dicere invitatis ut venirent quia parata sunt omnia

Venite comedite panem meum et bibite vinum quod miscui vobis

Magnificent animae fideles Christum dominum qui justis famelicis sacrum dat convivium dimittens inanes divites gerentes hinc fastidium

Corpus Christi venerabile venite adoremus

Angelorum esca nutrivisti populum tuum et panem de caelo praestitisti illis alleluia

Pinguis est panis Christi et praebebit delicias regibus alleluia

Angelorum esca*

Tollite*

Vere digna*

Iste panis*

Novus Abel Christus hostiam pro nobis offerens deo patri novum dedicavit in suo sanguine testamentum

Sacerdos in aeternum*

Qui habet aures*

Laudet devote dominum praesens chorus qui in suae passionis perennem memoriam seipsum praebet in cibum populo appropinquanti sibi

Miserator*

Pinguis est*

Aedificavit Noe altare domino offerens super illud holocausta odoratusque dominus odorem suavitatis benedixit ei

Homo quidam fecit*