Salvatorem exspectamus dominum Jesum Christum qui reformavit corpus humilitatis nostrae configuratum corpori claritatis suae

Praeoccupemus faciem ejus in confessione et in psalmis jubilemus ei

Audite verbum domini gentes et annuntiate illud in finibus terrae et in insulis quae procul sunt dicite salvator noster adveniet

A solis ortu et occasu ab aquilone et mari

Hora est jam nos de somno surgere et aperti sunt oculi nostri surgere ad Christum quia lux vera est fulgens in caelis

Ex Sion species*

Ecce virgo concipiet et pariet filium dicit dominus et vocabitur nomen ejus admirabilis deus fortis

Tollite portas principes vestras et elevamini portae aeternales et introibit

Obsecro domine mitte quem missurus es vide afflictionem populi tui sicut locutus es veni et libera nos

A solis ortu et occasu ab aquilone et mari

Laetentur caeli et exsultet terra jubilate montes laudem quia dominus noster veniet et pauperum suorum miserebitur

Ecce dominator dominus*

In illa die stillabunt montes dulcedinem et colles fluent lac et mel alleluia

Jucundare filia Sion exsulta satis filia Jerusalem alleluia

Ecce dominus veniet et omnes sancti ejus cum eo et erit in die illa lux magna alleluia

Omnes sitientes venite ad aquas quaerite dominum dum inveniri potest alleluia

Ecce veniet propheta magnus et ipse renovabit Jerusalem alleluia

Vox clamantis in deserto Parate viam domini

Spiritus sanctus in te descendet Maria ne timeas habebis in utero filium dei alleluia

Ne timeas Maria invenisti gratiam apud dominum ecce concipies et paries filium alleluia

Qui venturus est veniet et non tardabit jam non erit timor in finibus nostris

Ex Sion species*

Veni et libera nos deus noster

Veni ad liberandum nos domine deus virtutum

Et ostende faciem tuam et salvi erimus

Timebunt gentes Nomen tuum domine

Tuam domine excita potentiam et veni ad salvandum nos

Ostende nobis domine misericordiam tuam

Et salutare tuum da nobis

Memento nostri domine In beneplacito

In tuo adventu erue nos domine

Super te Jerusalem orietur dominus

Et gloria ejus in te videbitur

Domine deus virtutum*

In illa die*

Ne timeas*

Angelus domini nuntiavit Mariae et concepit de spiritu sancto alleluia

Quaerite dominum dum inveniri potest invocate eum dum prope est alleluia

Antequam convenirent inventa est Maria habens in utero de spiritu sancto alleluia

Jerusalem respice ad orientem et vide alleluia

De Sion exibit lex et verbum domini de Jerusalem alleluia

Veniet fortior me post me cujus non sum dignus solvere corrigiam calciamentorum ejus

Benedicta tu in mulieribus et benedictus fructus ventris tui

Exspectabo dominum salvatorem meum et praestolabor eum dum prope est alleluia

Ecce veniet deus et homo de domo David sedere in throno alleluia

Ex Aegypto vocavi filium meum veniet ut salvet populum suum

Sion noli timere ecce deus tuus veniet alleluia

Leva Jerusalem oculos et vide potentiam regis ecce salvator venit solvere te a vinculo

Rex noster adveniet Christus quem Joannes praedicavit agnum esse venturum

Jerusalem cito veniet salus tua quare moerore consumeris numquid consiliarius non est tibi quia innovabit te dolor salvabo te et liberabo te noli timere

Israel si me audieris non erit in te deus recens neque adorabis deum alienum ego enim dominus

Ecce dominus veniet et omnes sancti ejus cum eo et erit in die illa lux magna et exibunt de Jerusalem sicut aqua munda et regnabit dominus in aeternum super omnes gentes

A solis ortu et occasu ab aquilone et mari

Jerusalem surge et sta in excelso et vide jucunditatem quae veniet tibi a deo tuo

Leva in circuitu oculos tuos et vide et contemplare

Civitas Jerusalem noli flere quoniam doluit dominus super te et auferet a te omnem tribulationem

Ecce dominator dominus cum virtute veniet

Ecce veniet dominus protector noster sanctus Israel coronam regni habens in capite suo

Ecce dominator*

Sicut mater consolatur filios suos ita consolabor vos dicit dominus et de Jerusalem civitate quam elegi veniet vobis auxilium et videbitis et gaudebit cor vestrum

Deus a Libano veniet et sanctus de monte umbroso et condenso

Jerusalem plantabis vineam in montibus tuis et exsultabis quia dies domini veniet surge Sion convertere ad deum tuum gaude et laetare Jacob quia de medio gentium salvator tuus veniet

Deus a Libano*

Egredietur dominus de Samaria ad portam quae respicit ad orientem et veniet in Bethleem ambulans super aquas redemptionis Judae tunc salvus erit omnis homo quia ecce veniet

Deus a Libano veniet et sanctus*

Rex noster adveniet Christus quem Joannes praedicavit agnum esse venturum

Ecce agnus dei ecce qui tollit peccata mundi

Ecce in nubibus caeli dominus veniet cum potestate magna alleluia

Urbs fortitudinis nostrae Sion salvator ponetur in ea murus et antemurale aperite portas quia nobiscum deus alleluia

Ecce apparebit dominus et non mentietur si moram fecerit exspecta eum quia veniet et non tardabit alleluia

Montes et colles cantabunt coram deo laudem et omnia ligna silvarum plaudent manibus quoniam veniet dominus dominator in regnum aeternum alleluia alleluia

Ecce dominus noster cum virtute veniet ut illuminet oculos servorum suorum alleluia

Super solium David et super regnum ejus sedebit in aeternum alleluia

Beata es Maria quae credidisti perficientur in te quae dicta sunt tibi a domino alleluia

De caelo veniet dominator dominus et in manu ejus honor et imperium

Ecce rex venit dominus terrae et ipse auferet jugum captivitatis nostrae

Super te Jerusalem orietur dominus et gloria ejus in te videbitur

Vox clamantis in deserto parate viam domini rectas facite semitas dei nostri

Ecce mitto angelum meum qui praeparabit viam tuam ante faciem tuam

Sion renovaberis et videbis justum tuum qui venturus est in te

Tu es qui venturus es domine quem exspectamus ut salvum facias populum tuum

Qui post me venit ante me factus est cujus non sum dignus calceamenta solvere

Dicite pusillanimes confortamini ecce dominus deus noster veniet

Cantate domino canticum novum laus ejus ab extremis terrae

Erumpant montes jucunditatem et colles justitiam quia lux mundi dominus cum potentia venit

Levabit dominus signum in nationibus et congregabit dispersos Israel

Ante me non est formatus deus et post me non erit quia mihi curvabitur omne genu et confitebitur omnis lingua

O sapientia*

In tua patientia possedisti animam tuam Lucia sponsa Christi odisti quae in mundo sunt et coruscas cum angelis sanguine proprio inimicum subisti

Lucia virgo quid a me petis quod ipsa poteris praestare continuo nam et matri tuae fides tua subveniat et ecce salva est quia jucundum deo in tua virginitate habitaculum praeparasti

Sicut per me civitas Catinensium sublimatur a Christo ita per te civitas Syracusana decorabitur a domino Jesu Christo

Rogavi dominum meum Jesum Christum ut ignis iste non dominetur mihi et impetravi a domino inducias martyrii mei

Pro eo ut me diligerent detrahebant mihi ego autem orabam

Grata facta est a domino in certamine quia apud deum et apud homines glorificata est in conspectu principum loquebatur sapientiam et dominus omnium dilexit eam

Adjuvabit eam deus vultu suo deus in medio ejus non commovebitur

Gloria patri*

Orante sancta Lucia apparuit ei beata Agatha consolabatur ancillam Christi

Lucia virgo quid a me petis quod ipsa poteris praestare continuo matri tuae

Per te Lucia virgo civitas Syracusana decorabitur a domino Jesu Christo

Benedico te pater domini mei Jesu Christi quia per filium tuum ignis extinctus est a latere meo