Misit deus misericordiam suam et veritatem suam animam meam eripuit de medio catulorum leonum

Angustiae mihi undique et quid eligam ignoro melius est mihi incidere in manus hominum quam derelinquere legem dei mei

Si enim hoc egero mors mihi est si autem non egero non effugiam manus vestras

Laudabilis populus quem dominus exercituum benedixit dicens opus manuum mearum tu es hereditas mea Israel

Beata gens cujus est dominus deus ejus populus electus in hereditatem sibi

Genti peccatrici populo pleno peccato miserere domine deus

Peccavimus cum patribus

Esto placabilis super nequitia populi tui

Redemit dominus populum suum et liberavit eos et venient et exsultabunt in monte Sion et gaudebunt de bonis domini super frumento vino et oleo et ultra non esurient

A fructu frumenti vini et olei sui multiplicati sunt

A facie furoris tui deus conturbata est omnis terra sed tu domine miserere et ne facias consummationem

Converte nos deus salutaris noster et averte iram tuam a nobis

Fluctus tui super me transierunt et ego dixi expulsus sum ab oculis tuis putas videbo templum sanctum tuum

Abyssus vallavit me et pelagus cooperuit caput meum

Indicabo tibi homo quid sit bonum aut quid dominus requirat a te facere judicium et justitiam et sollicitum ambulare cum deo tuo

Spera in domino et fac bonitatem et inhabita terram et pasceris in divitiis ejus

Qui caelorum continues thronos et abyssos intueris domine rex regum montes ponderas terram palmo concludis exaudi nos deus in gemitibus nostris

Non in justificationibus nostris prosternimus preces ante faciem tuam sed in miserationibus tuis multis

Civitatem istam tu circumda domine et angeli tui custodiant muros ejus exaudi domine populum tuum cum misericordia

Avertatur furor tuus domine a populo tuo et a civitate sancta tua

Praecipita domine omnes operarios iniquitatis et divide linguis eorum quoniam vidi iniquitatem et contradictionem adversus sanctam civitatem tuam Jerusalem muro tuo inexpugnabili circumcinge nos domine deus noster

Tu autem in nobis es domine et nomen tuum super nos invocatum est

Vidi dominum sedentem super solium excelsum et plena erat omnis terra majestate ejus et ea quae sub ipso erant replebant templum

Super muros tuos Jerusalem constitui custodes tota die et tota nocte non tacebunt laudare nomen domini

Muro tuo inexpugnabili circumcinge nos domine et armis tuae potentiae protege nos semper deus noster

Qui caelorum contines thronos et abyssos intueris domine rex regum montes ponderas terram palmo concludis exaudi nos domine in gemitibus nostris

Sustinuimus pacem et non venit domine quaesivimus bona et ecce turbatio cognovimus domine peccata nostra non in aeternum irascaris nobis deus Israel

Aspice domine quia facta est desolata civitas plena divitiis sedet in tristitia domina gentium non est qui consoletur eam nisi tu deus noster

Deus caritas est et qui manet in caritate in deo manet et deus in eo alleluia

Homo quidam erat dives et induebatur purpura et bysso et epulabatur cottidie splendide et erat quidam mendicus nomine Lazarus qui jacebat ad januam ejus ulceribus plenus cupiens saturati de micis quae cadebant de mensa divitis et nemo illi dabat sed et canes veniebant et lingebant ulcera ejus alleluia

Factum est*

Quidam homo fecit cenam magnam et vocavit multos et misit servum suum hora cenae dicere invitatis ut venirent quia omnia parata sunt alleluia

Exi cito in plateas et vicos civitatis et pauperes ac debiles caecos et claudos compelle intrare ut impleatur domus mea alleluia

Domine factum est ut imperasti et adhuc locus est

Dico autem vobis quod nemo virorum illorum qui vocati sunt gustabit cenam meam

Quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam alleluia

Quae mulier habens drachmas decem et si perdiderit drachmam unam nonne accendit lucernam et everrit domum et quaerit diligenter donec inveniat

Congratulamini mihi quia inveni ovem meam quae perierat dicit dominus

Dico vobis gaudium est angelis dei super uno peccatore paenitentiam agente

Fratres existimo enim quod non sunt condignae passiones hujus temporis ad futuram gloriam quae revelabitur in nobis alleluia

Estote ergo misericordes sicut et pater vester misericors est alleluia

Nolite judicare ut non judicemini in quo enim judicio judicaveritis judicabimini dicit dominus

Ejice primum hypocrita trabem de oculo tuo et tunc videbis ut educas festucam de oculo fratris tui alleluia

Mensuram bonam et confertam et coagitatam et supereffluentem dabunt in sinum vestrum

Ascendens Jesus in navem et sedens docebat turbas alleluia

Praeceptor per totam noctem laborantes nihil cepimus in verbo autem tuo laxabo rete

Cum audisset Petrus quia dominus est tunica succinxit se et misit se in mare et clamavit voce magna dicens exi a me domine quia homo peccator sum

Dixit autem dominus Simoni noli timere ex hoc enim homines eris capiens

Ambulabat Petrus super undas maris venit ventus validus turbata est aqua prae timore clamans domine jube me venire ad te ait illi Jesus veni modicae fidei quare dubitasti

Amen dico vobis nisi abundaverit justitia vestra plus quam scribarum et pharisaeorum non intrabitis in regnum caelorum alleluia

Audistis quia dictum est antiquis non occides qui autem occiderit reus erit judicio

Si offers munus tuum ante altare et recordatus fueris quia frater tuus habet aliquid adversum te relinque ibi munus tuum ante altare et vade prius reconciliari fratri tuo et tunc veniens offerres munus tuum alleluia

Misereor super turbam quia ecce jam triduo sustinent me nec habent quod manducent et si dimisero eos jejunos deficient in via alleluia

Erant autem qui manducaverant quasi quattuor milia et dimisit eos

Accipiens dominus septem panes gratias agens fregit et dabat discipulis suis ut apponerent et apposuerunt turbae alleluia

Praecepit Jesus turbae discumbere super terram et accipiens septem panes gratias agens fregit et dabat discipulis suis ut apponerent et apposuerunt turbae alleluia

Attendite a falsis prophetis qui veniunt ad vos in vestimentis ovium intrinsecus autem sunt lupi rapaces a fructibus eorum cognoscetis eos alleluia

Non potest arbor bona fructus malos facere neque arbor mala fructus bonos facere

Non omnis qui dicit mihi domine domine intrabit in regnum caelorum sed qui facit voluntatem patris mei qui in caelis est ipse intrabit in regnum caelorum alleluia

Si quis fecerit voluntatem patris mei ipse intrabit in regnum caelorum alleluia

Omnis arbor quae non facit fructum bonum excidetur et in ignem mittetur

Dixit dominus villico quid hoc audio de te redde rationem villicationis tuae alleluia

Dixit autem villicus intra se quid faciam quia dominus meus aufert a me villicationem fodere non valeo mendicare erubesco scio quid faciam ut cum amotus fuero a villicatione recipiant me in domos suas

Quid faciam quia dominus meus aufert a me villicationem fodere non valeo mendicare erubesco scio quid faciam ut cum amotus fuero a villicatione recipiant me in domos suas

Facite vobis amicos de mammona iniquitatis ut cum defeceritis recipiant vos in aeterna tabernacula

Cum appropinquaret dominus Jerusalem videns civitatem flevit super illam et dixit quia si cognovisses et tu quia venient dies in te et circumdabunt te et coangustabunt te undique et ad terram prosternent te eo quod non cognovisti tempus visitationis tuae alleluia

Videns dominus civitatem Jerusalem flevit super illam dicens quia si cognovisses quae ad pacem tibi nunc autem abscondita sunt ab oculis tuis

Duo homines ascenderunt in templum ut orarent unus phariseus et alter publicanus phariseus stans haec aput se orabat gratias tibi ago domine quia non sum sicut ceteri hominum raptores iniusti adulteri velut etiam hic publicanus

Publicanus autem stans percutiebat pectus suum dicens deus propitius esto mihi peccatori

Stans a longe publicanus nolebat oculos ad caelum levare sed percutiebat pectus suum dicens deus propitius esto mihi peccatori

Omnis qui se exaltat humiliabitur et qui se humiliat exaltabitur

Deus propitius esto mihi peccatori

Descendit hic justificatus in domum suam ab illo quia omnis qui se exaltat humiliabitur et qui se humiliat exaltabitur

Dum transiret dominus per medios fines Tyri surdos fecit audire et mutos loqui

Quanto eis praecipiebat tanto magis plus praedicabant et eo amplius admirabantur dicentes bene omnia fecit surdos fecit audire et mutos loqui

Bene omnia fecit surdos fecit audire et mutos loqui

Fratres glorificate et portate deum in corpore vestro alleluia

Homo quidam descendebat ab Jerusalem in Jericho et incidit in latrones qui etiam despoliaverunt eum et plagis impositis abierunt semivivo relicto

Samaritanus quidam iter faciens et videns eum semivivum relictum misericordia motus est et approprians alligavit vulnera ejus infundens oleum et vinum duxit in stabulum et curam ejus egit

Quis tibi videtur proximus fuisse illi qui incidit in latrones et ait ille qui fecit misericordiam in illum vade et tu fac similiter alleluia

Dico autem vobis quod multi reges et prophetae voluerunt videre quae videtis et non viderunt et audire quae auditis et non audierunt

Magister quid faciendo vitam aeternam possidebo at ille Jesus in lege quid scriptum est diliges dominum ex toto corde tuo

Dum intraret Jesus quoddam castellum occurrerunt ei decem viri leprosi qui steterunt a longe et levaverunt vocem dicentes Jesu praeceptor miserere nostri

Nonne decem mundati sunt et novem ubi sunt non est inventus qui rediret et daret gloriam deo nisi hic alienigena vade quia fides tua te salvum fecit vade in pace

Dixit autem dominus ad cultorem vineae ecce anni tres sunt es quo venio quaerens fructum in ficulnea hac et non invenio succide ergo illam ut quid etiam terram occupat

Caro enim concupiscit (...)

Nolite solliciti esse dicentes quid manducabimus aut quid bibemus scit enim pater vester caelestis quid vobis necesse sit alleluia

Considerate lilia agri quomodo crescunt non laborant neque nent dico autem vobis quoniam nec Salomon in omni gloria sua coopertus est sicut unum ex istis

Quaerite primum regnum dei et justitiam ejus et haec omnia adicientur vobis alleluia

Primum quaerite regnum dei et justitiam ejus et haec omnia adicientur vobis dicit dominus

Ibat Jesus in civitatem quae dicitur Naim et ibant discipuli ejus cum eo et turba copiosa cum autem appropinquaret portae civitatis ecce defunctus efferebatur filius unicus matris suae

Accessit Jesus ad loculum et ait adolescenti tibi dico surge et surrexit qui erat mortuus et coepit loqui alleluia

Accepit autem omnes timor et magnificabant deum dicentes quia propheta magnus surrexit in nobis et quia deus visitavit plebem suam

Cum intraret Jesus in domum cujusdam principis pharisaeorum sabbato manducare panem et ecce homo quidam hydropicus erat ante illum ipse vero apprehensum sanavit eum ac dimisit

Cum vocatus fueris ad nuptias recumbe in novissimo loco ut dicat tibi qui te invitavit amice ascende superius et erit tibi gloria coram simul discumbentibus alleluia

Omnis qui se exaltat humiliabitur et qui se humiliat exaltabitur

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videtur de Christo cujus filius est dicunt ei omnes David dicit eis Jesus quomodo David in spiritu vocat eum dominum dicens dixit dominus domino meo sede a dexteris meis

Omnes autem vos fratres estis et patrem nolite vocare vobis super terram unus est enim pater vester qui in caelis est nec vocemini magistri quia magister vester unus est Christus

Dixit dominus paralytico confide fili remittuntur tibi peccata tua