Patefactae sunt januae caeli Christi martyri beato Stephano qui in numero sanctorum inventus est primus et ideo triumphat in caelis coronatus

Mortem enim quam salvator dignatus est pro omnibus pati hanc ille primus reddidit salvatori

Lapidabant Stephanum et ipse invocabat dominum dicens ne statuas illis hoc peccatum

Lapides torrentis illi dulces fuerunt ipsum sequuntur omnes animae justae

Adhaesit anima mea post te quia caro mea lapidata est pro te deus meus

Patefactae sunt januae caeli Christi martyri Stephano alleluia

Ecce video caelos apertos et Jesum stantem a dextris dei

Lapides torrentis illi dulces fuerunt ipsum sequuntur omnes animae justae

Vidit beatus Stephanus caelos apertos vidit et introivit

Gloria*

Sancte dei pretiose*

Justus protomartyr Stephanus germina pacis et vitae dona hereditabit sicut lilium et folia rosarum et flores gratiae cum lucis lampadae perpetuae fulgebit feliciter ditatus munere justitiae merito florebit in aeternum

Beatus Stephanus levita magnificus sicut ante alios dominicae pietatis et passionis enituit imitator sic domine apud te pro nobis sit perpetuus intercessor

Ave senior Stephane ave martyr paradoxe qui inter agmina plebis judaicae firmus in Christi fide velut lampas ardentissima apparuisti domine nunc sidus inter sidera caelestis aulae succurre huic familiae gratissima tua intercessione

Tecum principium*

Impetum fecerunt*

Stephanus dei gratia*

Justus protomartyr*

Stephanus martyr et levita qui ante apostolos regna caelestia possidere meruit et ad patris dexteram filium videre

Diligebat autem eum Jesus quoniam specialis praerogativa castitatis ampliori dilectione fecerat dignum quia virgo electus a domino virgo in aevum permansit

Adoremus regem apostolorum qui privilegio amoris Joannem dilexit apostolum

Joannes apostolus et evangelista virgo est electus a domino atque inter ceteros magis dilectus

Supra pectus domini Jesu recumbens evangelii fluenta de ipso sacro dominici pectoris fonte potavit

Quasi unus de paradisi fluminibus evangelista Joannes verbi dei gratiam in toto terrarum orbe diffudit

In ferventis olei dolium missus Joannes apostolus divina se protegente gratia illaesus exivit

Propter insuperabilem evangelizandi constantiam exsilio relegatus divinae visionis et allocutionis meruit crebra consolatione relevari

Occurrit beato Joanni ab exsilio revertenti omnis populus virorum ac mulierum clamantium et dicentium benedictus qui venit in nomine domini

Valde honorandus est beatus Joannes qui supra pectus domini in cena recubuit cui Christus in cruce matrem virginem virgini commendavit

Mulier ecce filius tuus ad discipulum autem ecce mater tua

Felix inquam virgineum Joannis exstat meritum alta secreta penetrans nobisque visa nuntians dilecti nempe meriti Joannes sacer exstitit potatus serenissimi sacrato fonte pectoris eia nunc clarissimo sacerdotes et consono sacerdoti dignissimo date voces in jubilo

Hic est discipulus qui testimonium perhibet de his et scripsit haec et scimus quia verum est testimonium ejus

Fluenta evangelii de ipso sacro dominici pectoris fonte potavit

Hic est beatissimus evangelista et apostulus Joannes qui privilegio amoris praecipui ceteris altius a domino meruit honorari

Hic est discipulus ille quem diligebat Jesus qui et recubuit in cena supra pectus ejus

Qui vicerit faciam illum columnam in templo meo dicit dominus et scribam super eum nomen meum et nomen civitatis novae Jerusalem

Vincenti dabo edere de ligno vitae quod est in paradiso dei mei

Apparuit caro suo Joanni dominus Jesus Christus cum discipulis suis et ait illi veni dilecte meus ad me quia tempus est ut epuleris in convivio meo cum fratribus tuis alleluia

Expandens manus suas ad deum dixit gratias tibi ago quia veniens invitasti me sciens quod ex toto corde meo desiderabam te

Domine suscipe me ut cum fratribus meis sim cum quibus veniens invitasti me aperi mihi janua vitae et perduc me ad convivium epularum tuarum tu es enim Christus filius dei vivi qui praecepto patris mundum salvasti tibi gratias referimus per infinita saeculorum saecula

Iste est Joannes qui supra pectus domini in cena recubuit quem diligebat Jesus

Valde honorandus est beatus Joannes qui supra pectus domini in cena recubuit

Iste est Joannes cui Christus in cruce matrem virginem virgini commendavit

In illum diem suscipiam te servum meum et ponam te sicut signaculum in conspectu meo quoniam ego elegi te dicit dominus

Esto fidelis usque ad mortem et dabo tibi coronam vitae

Sic eum volo manere donec veniam quid ad te tu me sequere

Hunc ergo cum vidisset Petrus dixit ad Jesum domine hic autem quid

Iste est Joannes qui supra pectus domini in cena recubuit beatus apostolus cui revelata sunt secreta caelestia

Valde honorandus est beatus Joannes qui supra pectus domini in cena recubuit

Apparuit caro suo Joanni dominus cum discipulis suis et dixit ei veni dilecte mi ad me quia tempus est ut epuleris in convivio meo cum fratribus tuis

Cumque complesset apostolus cursum vitae praesentis in senectute bona apparuit ei salvator mundi et dixit ad eum

Gloria patri et filio et spiritui sancto

Adeptus est sedem apostolici culminis qui retia carnalia contempserat genitoris

Cibavit illum dominus pane vitae et intellectus et aqua sapientiae salutaris potabit illum et exaltavit eum apud proximos suos

In medio ecclesiae aperuit os ejus et implevit eum dominus spiritu sapientiae et intellectus

Jucunditatem et exsultationem thesaurizavit super erum et nomine aeterno hereditabit illum dominus deus noster

In medio ecclesiae aperuit*

Ecce puer meus electus quem elegi dicit dominus electus meus complacuit sibi in illo anima mea

Ponam super eum spiritum meum judicium gentibus nuntiabit

Diligebat autem eum Jesus quoniam specialis praerogativa castitatis ampliori dilectione fecerat dignum quia virgo electus ab ipso virgo in aevum permansit

In cruce denique moriturus huic matrem virginem virgini commendavit

In medio ecclesiae aperuit os ejus ei implevit eum dominus spiritu sapientiae et intellectus

Misit dominus manum suam et tetigit os ejus

Jucunditatem et exsultationem thesaurizavit super eum

Hic est discipulus meus sic eum volo manere donec veniam

Hic est discipulus ille qui testimonium perhibuit scimus quia verum est testimonium ejus

Ecce puer meus electus quem elegi posui super eum spiritum meum

Sunt de hic stantibus qui non gustabunt mortem donec videant filium hominis venientem in regno suo

Sic eum volo manere donec veniam tu me sequere

Virgo est electus a domino atque inter ceteros magis dilectus qui supra pectus ejus recumbens evangelii fluenta de ipso sacro dominici pectoris fonte potavit et verbi dei gratiam in toto terrarum orbe diffudit

Spiritus sancti gratia debriatus ceteris altius divinitatis patefecit arcana

Justus Joannes et dilectus germen honoris palmam pudoris semper tenebit sicut lilium candore dealbatum et flore virginitatis et legis evangelicae qua fulsit plenissime qui virgo est electus a domino et virgo digniter permansit in aeternum ante dominum

Iste est Joannes qui supra pectus domini in cena recubuit beatus apostolus cui revelata sunt secreta caelestia

Tecum principium*

Iste est Joannes*

Joannes hic theologus quem debriavit spiritus aquila volans caelitus palam fecit mortalibus Christus mariae filius quod sit verbum dei deus

Gloria sit altissimo genitori ingenito ingenitique genito et flamine paraclito

Justus Joannes*

Iste est discipulus qui dignus fuit esse inter secreta dei ipse solus meruit divina inspiratione dicere in principio erat verbum et verbum erat apud deum et deus erat verbum hoc erat in principio apud deum

In medio ecclesiae aperuit os ejus et implevit eum dominus spiritu sapientiae et intellectus stolaque gloriae induit eum alleluia alleluia alleluia

Ambulabunt mecum in albis quoniam digni sunt et non delebo nomina eorum de libro vitae

Mirabilem deum in sanctis suis venite adoremus collaudantes

Novit dominus vias innocentium qui non steterunt in vias peccatorum

Rex terrae infremuit adversus Christum quia rex in Sion constitutus super innocentium milia regnat

Deus judex justus judica nos secundum innocentiam nostram

Ex ore infantium deus et lactantium laude perfecta destruis inimicum

Judicabit dominus pupillo et humili et pluet super peccatores laqueos ignis

Quis ascendet aut quis stabit in monte sancto dei innocentes manibus et mundi corde

Ex ore infantium deus et lactantium*

Sub altare dei audivi voces occisorum dicentium quare non defendis sanguinem nostrum et acceperunt divinum responsum adhuc sustinete modicum tempus donec impleatur numerus fratrum vestrorum

Vidi sub altare dei animas interfectorum propter verbum dei et propter testimonium quod habebant et clara voce dicebant

Ambulabunt mecum in albis quoniam digni sunt et non delebo nomina eorum de libro vitae

Hi sunt qui cum mulieribus non sunt coinquinati virgines enim sunt

Cantabant sancti canticum novum ante sedem dei et agni et resonabat terra in voces illorum

Sub throno dei omnes sancti clamant vindica sanguinem nostrum deus noster

Effuderunt sanguinem sanctorum velut aquam in circuitu Jerusalem et non erat qui sepeliret

Vindica domine sanguinem sanctorum tuorum qui effusus est

Innocentes adhaeserunt mihi quorum pedes avulsi sunt a laqueo peccati

Inter innocentes lavabo manus meas ut audiam domine vocem laudis tuae

Sinite parvulos venire ad me talium est enim regnum caelorum

Mendaces et vani dum Christum pretium nostrum cogitaverunt repellere irruerunt in innocentes