Unus quod se discipulus non potest sequi pedibus alter quod in doloribus remanet ac languoribus

O quantum doctor gentium a se tristatur socium dilectum sibi Trophimum prae ceteris carissimum per vim divelli febrium

Paulus enim cum fletibus commendat hunc hominibus qui sunt Mileti omnibus in Christum jam credentibus

Gloria patri et filio et spiritui sancto

Ex cujus purissimi sacro fonte fidei processerunt fluvii qui rigarunt maximas regiones Gallicas

A quo ergo verba vitae Galliarum populi perceperunt hunc prae cunctis semper scimus deprecantur subditi quo pro illis interpellet majestatem domini

Divinae manifestus gratiae favor Arelarensi adesse dinoscitur ecclesiae cui talem contigit habere praesulem per quem intra Gallias apostolice privilegia dignitatis prima promeruit

Parvo peracto tempore magister absens corpore pro maximo solamine salutat hunc ex nomine

Ne qua forte maestitia se Trophimus afficiat per apicum notitiam suam intimat gratiam

Trophimus ut convaluit magistro sicut decuit quo rumor illum prodiit illuc se praesens obtulit

Tellure pontoque discurrit Romae docentem invenit

Perfectum Christo famulum Petrus et Paulus Trophimum perficiunt in cathedra pontificali gratia quem dirigavit ad Gallias et nationes Barbaras quo fidem Christi praedicet ecclesiasque fabricet

Primo quidem Arelato praedicavit populum hinc ad plures suos gentes dirigit discipulos

Gloria patri et filio et spiritui sancto

Evangelici semina germinis Trophimi studio beati agente praesulis habunde eum caperet Arelas replevere Gallias et urbes contigulas

Omnibus etenim notum est quod prima inter Gallias Trophimum Arelas a Petro apostolo accipere apostolicae ordine dignitatis sublimatum primum et summum promeruit sacerdotem

Bonum fidei et religionis religionis post Arelatem referram copia santionis apostolice Trophimus documenta institutionis regionibus paulatum in fudit Gallicanis

Jure igitur ea urbs semper sancte deitatis apicem obtinuit quo nostre primicias religionis in Jesu Christi famislo prima promeruit Trophimo

Apostolica sibi vice credita per Galliarum sigulas constructis ecclesiis urbes sacerdotes ac ministros domini apostolis Jesu Christi constituit Triphimus

Apostolorum principis perfectum ex discipulis directum ab apostolis accepto jure praesulis apostolum in Galliis nunc Trophimum assiduis veneremur obsequiis ut ejus nos suffragiis ab omnibus contagiis Christus mundos cum angelis aeternis jungat gaudiis

Cum Jesu Christi famulus verissimus apostoliis Galliarum Trophimus evangelicis novale gentilium sulcaret ligonibus circumquaque regionibus plures reges surrexit in omnibus ejus quoque nos suffulti intercessionibus in aeternum sanctis jungi increamur omnibus

Pastor caesus in gregis medio pacem emit cruoris praecio olaetus dolor in tristi gaudio grex respirat pastore mortuo plangens plaudit mater in filio quia vivit victor sub gladio

Felix locus felix ecclesia in qua Thomae viget memoria felix terra quae dedit praesulem felix illa quae fovit exsulum felix pater sucurre miseris ut felices jungamur superis

Assunt Thomae martyris sollemnia virgo mater jubilet ecclesia

Summo sacerdotio Thomas sublimatus est in virum alium subito mutatus

Monachus sub clerico clam ciliciatus carnis carne fortior conatus

Cultor agri domini tribulos eveliit et vulpes a vineis arcet et expellit

Studens livor Thomae supplicio Thomae genus damnat exsilio tota simul exit cognatio

Ordo sexus aetas conditio nullo gaudet hic privilegio

Thomas manum mittit ad fortia spernit damna spernit opprobria nulla Thomam frangit injuria

Clamat cunctis Thomae constantia omne solum est forti patria

Lapis iste sex annis tunditur sic politur sic quadrus redditur minus cedens quo magis caeditur

Aurum fornax probat nec uritur domus firma ventis non quatitur

Gloria patri et filio et spiritui sancto

Nec in agnos sustinet lupos deservire nec in hortum olerum transire vineam

Exsulat vir optimus sacer et insignis ne cedat ecclesiae dignitas indignis

Exsulantis praedia praeda sunt malignis sed in igne positum non exurit ignis

Post sex annos redit vir stabilis dare terrae testae vas fragilis Christo vasis thesaurum fictilis

Ne sit lupis praeda grex humilis se pro grege dat pastor nobilis

Jacet granum oppressum palea justus caesus parvorum framea caelum domo commutans lutea

Cadit custos vitis in vinea dux in castris cultor in area

Ex summa rerum laetitia summus fit planctus in ecclesia de tanti patroni absentia sed cum redeunt miracula redit populo laetitia

Concurrit turba languidorum et consequitur gratiam beneficiorum

Gloria patri et filio et spiritui sancto

Satanae satellites irrumpentes templum inauditum perpetrant sceleris exemplum

Strictis Thomas ensibus obviam procedit non minis non gladiis sed nec morti cedit

Hosti pandit ostium hostia futurus et pro domo domini stat in hostes murus

Mundi florem a mundo conteri Rachel plorans jam cessa conqueri Thomas caesus dum datur funeri novus Abel succedit veteri

Vox cruoris vox sparsi cerebri caelum replet clamore celebri

Christe Jesu per Thomae vulnera quae nos ligant relaxa scelera ne captivos ferant ad infera hostis mundus vel carnis opera

Per te Thoma post laevae munera amplexetur nos dei dextera

Ferro pressos Thomas exonerat vincla solvit et seras reserat sanat aegros obsessos liberat

Placat bella tyrannis imperat sedat fluctus et flammas temperat

Thomae cedunt et parent omnia pestes daemonia ignis aer tellus et maria

Thomas mundum replevit gloria Thomae mundus praestat obsequilia

Gloria patri et filio et spiritui sancto

Novis fulget Thomas miraculis membris donat castratos masculis ornat visu privatos oculis

Mundat leprae conspersos maculis solvit mortis ligatos vinculis

Gloria patri et filio et spiritui sancto

Jesu bone per Thomae merita nostra nobis dimitte debita domum portam sepulcrum visita et a trina nos morte suscita

Actu mente vel usu perdita pietate restaura solita

Gloria patri et filio et spiritui sancto

Granum cadit copiam germinat frumenti alabastrum frangitur fragrat vis unguenti

Totus orbis martyris certat in amorem cujus signa singulos agunt in stuporem

Aqua Thomae quinquies varians colorem in lac semel transiit quaret in cruore

Ad Thomae memoriam quater lux descendit et in sancti gloriam cereos ascendit

Tu per Thomae sanguinem quem pro te impendit fac nos Christe scandere quo Thomas ascendit

Opem nobis o Thoma porrige rege stantes jacentes erige mores actus et vitam corrige et in viam nos pacis dirige

Salve Thoma virga justitiae mundi jubar robur ecclesiae plebis amor cleri deliciae salve gregis tutor egregie salva me gaudentes gloriae

Patrem nati perimunt in sinu materno rubet matris facies sanguine paterno

Fusum spargunt cerebrum gladiis funestis et invicta perstitit victima caelestis

Insignis praeconiis almae tuae nobilitati consonant voces collaudantes verbo supplici prosequamur ave inclyte martyr angelorum consors apostolorum socius prophetarum concivis et martyrum coheres sancte Sebastiane cum sociis intercede pro nostra omniumque salute

Adoremus regem magnum dominum qui in sanctis suis semper est mirabilis

Sebastianus Mediolanensium partium civis quem perfuderat gratia ab omnibus amabatur

Sebastianus vir christianissimus quem occultabat militaris habitus et chlamydis suae obumbrabat aspectus

Erat enim in sermone verax in judicio justus

Laetamini*

Sebastianus vir christianissimus quem occultabat militaris habitus et chlamydis suae obumbrabat aspectus

Erat enim in sermone verax in judicio justus

Sebastianus dei cultor studiose curabat sub absconso chlamydis sanctorum animas confortabat spem promittens et gloriam consequi sempiternam

Multas denique martyrum mentes a timore passionis eripuit

Erat enim in sermone verax in judicio justus in consilio providus in bonitate conspicuus in universa morum honestate praeclarus

In commisso quoque fidelis in interventu strenuus

Christo cottidie sedulum exhibebat officium erat enim verus dei cultor

Ad hoc tantum sub chlamyde Christi militem tegebat absconditum ut deo redderet animas quas diabolus conabatur auferre

Clarissimis cottidie marcelliano et Marco suadebat saeculi blandimenta respuere et momentanea tormentorum genera non timere

Ut vidit Sebastianus athletas dei immenso certaminis pondere fatigari dixit o fortissimi milites Christi nolite per misera blandimenta coronas deponere sempiternas

Dicant nunc per vos Christi miilitum fortitudo fide pocius armari quam ferro

Christo cottidie sedulum exhibebat officium et christianorum animas quas in tormentis videbat deficere confortabat

Ad hoc tantum sub chlamyde terreni imperii dominus regebat absconditum

Si ego verus Christi servus sum et si vera sunt omnia quae ex ore meo haec mulier audivit et credidit aperiat os ejus qui aperuit os Zachariae prophetae domini

Jubeat dominus meus Jesus Christus ut reddantur ei officia labiorum suorum

Ut vidit beatus Sebastianus athleta dei immenso certaminis pondere fatigari dixit o fortissimi milites Christi nolite per misera blandimenta coronam deponere sempiternam

Sebastianus dixit Marcelliano et Marco non vos seducant blandimenta mulierum

Nolite timere non separabuntur a vobis sed vadunt in caelo parare vobis lucidas mansiones

Elegit dominus virum de plebe et claritatem visionis aeternae dedit illi celebremus sollemnitatem Sebastiani martyris gaudium sit in caelo et in terra pax in hominibus bonae voluntatis

Beatus es et bene tibi erit egregie dei martyr Sebastiane

Zoe uxor Nicostrati dixit beato Sebastiano beatus es tu et benedictus sermo oris tui per Jesum Christum dominum nostrum

Benedicti qui in omnibus quae locutus es credunt

Beatus es et bene tibi erit egregie martyr Sebastiane quia cum sanctis gaudebis et cum angelis exsultabis in aeternum