Fiat domine cor meum et corpus meum immaculatum ut non confundar

Cantantibus organis Caecilia virgo in corde suo soli domino decantabat dicens fiat domine cor meum et corpus meum immaculatum ut non confundar

Biduanis ac triduanis jejuniis orans suam domino pudicitiam commendabat dicens

O beata Caecilia quae duos fratres convertisti Almachium judicem superasti Urbanum episcopum in vultu angelico demonstrasti

Beata es virgo et gloriosa et benedictus sermo oris tui

Dilexisti justitiam*

Propter veritatem*

Virgo gloriosa semper evangelium Christi gerebat in pectore et non diebus neque noctibus vacabat a colloquiis divinis et oratione

Cilicio Caecilia membra domabat deum gemitibus exorabat

Credimus Christum filium dei verum deum esse qui te talem elegit famulam

Nos scientes sanctum nomen omnino negare non possumus

Tunc Valerianus perrexit ad antistitem et signo quod acceperat invenit sanctum Urbanum

Caecilia me misit ad vos ut ostendatis mihi sanctum Urbanum quia ad ipsum habeo secreta quae perferam

Triduanas a domino poposci inducias ut domum meam ecclesiam consecrarem

Accinxit*

Specie tua*

Diffusa est*

Cilicio Caecilia membra domabat deum gemitibus exorabat Almachium exsuperabat Tiburtium et Valerianum ad coronas vocabat

Non diebus neque noctibus vacabat a colloquiis divinis et oratione

Caecilia me misit ad vos ut ostendatis mihi sanctum Urbanum quia ad ipsum habeo secreta quae perferam

Tunc Valerianus perrexit ad inventus pauperibus dixit caecilia me misit ad vos

Caeciliam intra cubiculum orantem invenit et juxta eam stantem angelum domini quem videns Valerianus nimio terrore correptus est

Angelus domini descendit de caelo et lumen refulsit in habitaculo

Inventa bona*

Haec est virgo prudens*

Media autem*

Domine Jesu Christe pastor bone seminator casti consilii suscipe seminum fructus quos in Caecilia seminasti Caecilia famula tua quasi apis tibi argumentosa deservit

Nam sponsum quem quasi leonem ferocem accepit ad te quasi agnum mansuetissimum destinavit

Beata Caecilia dixit Tiburtio hodie te fateor meum esse cognatum quia amor dei te fecit esse contemptorem idolorum

Vade cum fratre tuo ad antistitem ut purificeris

Dum aurora finem daret Caecilia dixit eia milites Christi abjicite opera tenebrarum et induimini armis lucis

Caecilia valedicens fratribus et exhortans eos dixit

Cantantibus organis Caecilia domino decantabat dicens fiat cor meum immaculatum ut non confundar

Est secretum Valeriane quod tibi volo dicere angelum dei habeo amatorem qui nimio zelo custodit corpus meum

Valerianus in cubiculo Caeciliam cum angelo orantem invenit

Benedico te*

Caecilia famula*

Dum aurora finem daret Caecilia sancta dixit eia milites Christi abjicite opera tenebrarum et induimini armis lucis

Virgo gloriosa semper evangelium Christi gerebat in pectore suo non diebus neque noctibus a colloquiis divinis et oratione cessabat

Gloriosi gloriosa Clementis sollemnia quam produxit olim mundo dives Christi gratia veneretur sancta sanctae concio ecclesiae

Vernans purpurea*

Vir beatus Clemens sanctus praesul apostolicus cujus festum praevenimus et triumphum colimus praestet nobis prece sua sempiterna gaudia

Exsultanter adoretur regum clementissimus qui Clementem summum papam induxit in requiem

Sanctum post Petrum tertius superfuit Clemens pius ecclesiae Romuleae magistrum sequens opere

Hic a cunctis fidelibus Judaeis et gentilibus amabatur fideliter Christi plebis pius pater

Papa Clemens gloriosus domini gratia fultus non timebat Sisinnium Nervae principis amicum

Beati viri doctrina Theodora erudita vero regi serviebat quem devote diligebat

Incredulus Sisinnius ecclesiam introgressus insidiatur conjugi Christo deo famulanti

Beato papa Clemente preces domino fundente subito caecus et surdus efficitur Sisinnius

Post Petrum beatissimum Christi Jesu discipulum Clemens exstitit tertius Romanus apostolicus

Repletus sacro flamine spiritalique munere

Martyr domini caelica plenus gratia Clemens protegat per saecla canentes talia ac benedicat apostolicus

Regis Nervae non timebat amicum Sisinnium gloriosus papa Clemens fultus dei gratia

Hic a cunctis amabatur Judaeis et gentibus

Per beatum Clementem Christi militem luce perfusa Theodora deo sedulum exhibebat obsequium

Sisinnio quidem ejus viro nimia caede percusso

Vernans purpurea caelitus in toga nos clemens jugiter ut pater adjuva

Martyr martyrii maxima gloria

Gloria patri et filio et spiritui sancto

Adjutor omnis periclitantis Israel qui liberasti morsu leonum Daniel et in fornace protegis tres illos insontes servas in Aegypto justum venumdatum Joseph nunc aggerantem laudum favos catervam pie deus suscipias eamque donis virtutum fecundatam continue possideas Christe precantes quaesumus adjuva

Prostravit se Theodora beato papae Clementi poscens ut suo conjugi auditum daret et visum

Confidens in Jesu Christo Clemens sanctus piissimo prece pia deprecatur ut viro misereatur

Sanus factus Sisinnius statim redditur insanus jubetque sanctum praesulem teneri atque vinciri

Imperatoris praecepto deducitur exsilio cum sanctis confessoribus papa Romanus inclytus

Cum vidissent sancti dei digni jam martyres facti beatissimum Clementem collaudant omnipotentem

Cum orasset sanctus Clemens agnum Christum vidit stantem quem poscat nobis clementem lucis ac fluminis fontem

Videntes autem idolorum cultores omnem fere populum ad deum converti contra Clementem excitaverunt seditionem

Nempe scientes eum inde esse administratorem

Fratribus ab exsulatis Clemens pius didicit quod non aqua foret illis ad potandum habilis

Orans agnum stantem vidit quo fons vivus patuit

Martyr Clemens venerande tibi devotos protege facque tecum gratulari ut postulamus cernui

Impetra gaudia regni salvans ab hoste crudeli

O felix pueri gurgite custos Clemens nos pueros effice magnos

Exaudi proprios altor alumnos

Gloria patri et filio et spiritui sancto

Maxime deus quem laudant angeli venerantur tremunt potestates caeli culpae veniam adnue nobis quia solus potens es parce famulis nosque parvos effice magnos

Intercessor egenorum praepotens ad dominum Clemens martyr profutura quaeque nobis impetra

Duo dicunt ex Clementis populo discipuli oremus nos ut ostendat Christus corpus martyris

Cum ad litus fleret maris multitudo populi ita eos adloquuntur Phoebus et Cornelius

Invenerunt in modum templi marmorei habitaculum a deo paratum

Orans Christum fideliter cernit plebs mirabiliter

O Clemens domini martyr venerabilis olim servator vivi sub pelago pueri fontis et irrigui lymphae reparator ademptae sit nobis placidus te rogitante deus

Naevis nos purgans pius et virtutibus ornans

Clementis Christi gratia invenitur a populis Clementis corpus martyris Romulei antistitis

Discipulis revelatur ne a loco auferatur

Gloria patri et filio et spiritui sancto

Adesto domine famulis clementia qua magnus iugiter existis valde pia quos cernis offensos graviter invita mortales qua cuncti gravamur misera sancteque martyr Clemens incliyte clementer suscipe precata servulorium quae nunc defert tibi libenter concio cernua angelorum gaudia clarissima impetra novissima nobis succurrens in hora ac socians tecum polica in aula egisti qui opera in terra antistitis

Cum rogaret turba plebis sibi corpus martyris ostentari ducens iter per undosa patuit

Indagantes marmoreum quoddam habitaculum invenerunt praeparatum angelicis manibus

Ibi vero generosi corpus situm martyris quiescebat secus illud anchora periculi

Quam beata Christe tua benedicte opera qui et morte sanctos tuos tanta comis gloria

Laus et honor tibi Christe virtus et aeternitas sit cum patre spirituque per immensa saecula

Dedisti domine habitaculum martyri tuo Clementi in mari in modum templi marmorei angelicis manibus praeparatum iter praebens populo terrae ut enarrent mirabilia tua

Clemens clementis de pleno munere Christi tecum nos aliqua donari posce corona

Invenerunt in modum templi marmorei habitaculum praeparatum a deo

Oremus omnes ad dominum Jesum Christum dixit beatus Clemens ut confessoribus suis fontis venam aperiat ut de beneficiis ejus gratulemur

Qui percussit in deserto Sina petram et fluxerunt aquae in abundantiam ipse nobis laticem et fluenta impertiatur

Orante sancto Clemente apparuit ei agnus dei de sub cujus pede fons vivus emanat fluminis impetus laetificat civitatem dei

Cumque orationem complesset et hic inde circumspiceret vidit agnum stantem

Ora pro nobis beate Clemens ut digni efficiamur promissione Christi