Verbum caro factum est alleluia et habitabit in nobis alleluia

Ipse invocavit me*

Beata dei genetrix Maria cujus viscera intacta permanent hodie genuit salvatorem saeculi

Hodie natus est nobis rex r-gum hodie beata virgo Christi -stum protulit

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Benedicta tu in mulieribus et benedictus fructus ventris tui

Beata viscera Mariae virginis quae portaverunt aeterni patris filium et beata ubera quae lactaverunt Christum dominum quia hodie pro salute mundi de virgine nasci dignatus est

Dies sanctificatus illuxit nobis venite gentes et adorate dominum

Quem vidistis pastores dicite annuntiate nobis in terris quis apparuit natum vidimus in choro angelorum salvatorem dominum

Secundum quod dictum est nobis ab angelo de puero isto invenimus infantem pannis involutum et positum in praesepio in medio duum animalium

Gloria patri et filio et spiritui sancto

Virgo hodie fidelis etsi verbum genuit incarnatum virgo mansit et post partum quem laudantes omnes dicimus benedicta tu in mulieribus

Notum fecit dominus*

O regem caeli cui talia famulantur obsequia stabulo ponitur qui continet mundum jacet in praesepio et in nubibus tonat

Christo stella choruscans famula terra et caelo

In principio erat verbum et verbum erat apud deum et deus erat verbum hoc erat in principio apud deum omnia per ipsum facta sunt et sine ipso factum est nihil

Quod factum est in ipso vita erat et vita erat lux hominum

Verbum caro factum est et habitavit in nobis cujus gloriam vidimus quasi unigeniti a patre plenum gratiae et veritatis

In principio erat verbum et verbum erat apud deum et deus erat verbum

Descendit de caelis missus ab arce patris introivit per aurem virginis in regionem nostram indutus stola purpurea et exivit per auream portam lux et decus universae fabricae mundi

Tamquam sponsus dominus procedens de thalamo suo

Gloria patri et filio et spiritui sancto

O beata infantia per quam nostri generis reparata est vita o gratissimi delectabilesque vagitus per quos aeternos ploratus evasimus o felices panni quibus peccatorum sordes extersimus o praesepe splendidum in quo non solum jacuit foenum animalium sed cibus inventus est angelorum

Post partum*

Laudem dicite*

Laetantur*

Quem vidistis pastores dicite annuntiate nobis in terris quis apparuit natum vidimus et choros angelorum collaudantes dominum venite adoremus

Genuit puerpera regem cui nomen aeternum et gaudium matris habens cum virginitatis honore nec primam similem visa est nec habere sequentem alleluia

Angelus ad pastores ait annuntio vobis gaudium magnum quia natus est nobis hodie salvator mundi alleluia

Facta est cum angelo multitudo caelestis exercitus laudantium et dicentium gloria in excelsis deo et in terra pax hominibus bonae voluntatis alleluia

Parvulus filius hodie natus est nobis et vocabitur deus fortis alleluia alleluia

Verbum caro factum est et habitavit in nobis

Et vidimus gloriam ejus quasi unigeniti a patre

A solis ortus*

Benedictus qui venit in nomine domini*

Gloria in excelsis deo et in terra pax hominibus bonae voluntatis alleluia alleluia

Lux orta est super nos quia hodie natus est salvator alleluia

Puer natus est nobis*

Nunc sancte*

Hodie intacta virgo deum nobis genuit teneris indutum membris quem lactare meruit omnes ipsum adoremus qui venit salvare nos

In medio choro*

Gaudeamus omnes fideles salvator noster natus est in mundum hodie processit proles magnifico germine et perseverat pudor virginitatis

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

Verbum caro*

Gloria patri et filio et spiritui sancto

Plenum gratia et veritate

Tamquam sponsus*

Hodie intacta*

Lapides torrentis*

Mortem enim*

Stephanus plenus gratia*

Laudem dicite*

Beatus Stephanus Christi martyr triumphat coronatus in caelis

Beatus Stephanus jugi legis dei meditatione roboratus tamquam lignum fructiferum secus salutarium aquarum plantatum decursus fructum martyrii in tempore suo dedit primus

Constitutus a deo praedicator praeceptorum ejus in timore sancto illi servire studuit officioque fideliter peracto in montem sanctum ejus ascendere dignus fuit

In tribulatione lapidum se prementium positus milia populi se circumdantis non timuit quia susceptorem suum Jesum ut eum salvum faceret exsurgere in caelo vidit

Lumine vultus tui domine insignitus protomartyr Stephanus sacrificium justitiae seipsum tibi sacrificavit ideoque in laetitia cordis in pace obdormiens requiescit

Benedictionis tuae domine munere justificatus et scuto tuae protectionis in passione munitus nominis sui coronam Stephanus a te percipere meruit

O quam admirabile est nomen tuum domine deus noster pro quo beatus Stephanus passus gloria et honore a te est coronatus et super caelos dono tuae magnificentiae exaltatus

Scuto bonae voluntatis tuae

Stephanus autem plenus gratia et fortitudine faciebat prodigia et signa magna in populo

Videbant omnes Stephanum qui erant in concilio et intuebantur vultum ejus tamquam vultum angeli stantis inter illos

Stephanus autem plenus gratia et fortitudine faciebat prodigia et signa magna in populo

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dexteris virtutis dei

Cumque aspiceret beatus Stephanus vidit gloriam dei et ait

Impetum fecerunt unanimes in eum et ejecerunt eum extra civitatem invocantem et dicentem domine accipe spiritum meum

Stephanus dei gratia plenus erat in plebe multa signa faciebat caelos apertos aspiciebat Jesum stantem videbat a dexteris dei et dicebat

In domino deo suo confisus fortis athleta Stephanus lapidum fortiter sustinuit ictus et idcirco ad montem virtutum transmigravit victoriosus

Sine macula beatus Stephanus ingressus est domine in tabernaculum tuum et quia operatus est justitiam requiescit in monte sancto tuo

Domine virtus et laetitia rectorum quoniam tu praevenisti dilectum tibi Stephanum dono gratuitae benedictionis te primum secutus est morte gloriosae passionis unde cum corona martyrii dedisti ei vitam in saeculum saeculi

Tu principatum tenes in choro martyrum similis angelo qui pro te lapidantibus deum deprecatus es beate Stephane intercede pro nobis ad dominum

Positis autem genibus beatus Stephanus orabat dicens domine Jesu Christe accipe spiritum meum et cum hoc dixisset obdormivit in domino

Stephanus servus dei quem lapidabant Judaei vidit caelos apertos vidit et introivit beatus homo cui caeli patebant

Exclamantes autem Judaei voce magna continuerunt aures suas et ejicientes beatum Stephanum extra civitatem lapidabant

Et testes deposuerunt vestimenta sua secus pedes adolescentis qui vocabatur Saulus

Lapidabant Stephanum invocantem et dicentem domine Jesu Christe accipe spiritum meum et ne statuas illis hoc peccatum

Positis autem genibus beatus Stephanus orabat dicens

Impii super justum jacturam fecerunt ut eum morti traderent at ille gaudens suscepit lapides ut meretur accipere coronam gloriae

Continuerunt aures suas et impetum fecerunt unanimiter in eum et ejicientes eum extra civitatem lapidabant

Lapides torrentis illi dulces fuerunt ipsum sequuntur omnes animae justae

Mortem enim quam salvator dignatus est pro omnibus pati hanc ille primus reddidit salvatori

Gloria patri et filio et spiritui sancto

Pretiosus martyr Christi Stephanus levita gloriosus hodierna die migravit ad dominum et exsultans regnat cum Christo in aeternum

Stephanus servus dei quem lapidabant Judaei vidit caelos apertos vidit et introivit beatus homo cui caeli patebunt

Intuens in caelum beatus Stephanus vidit gloriam dei

Hesterna die dominus natus est in terris ut Stephanus nasceretur in caelis ingressus est dominus mundum ut Stephanus ingrederetur in caelum

Stephanus vidit caelos apertos vidit et introivit

Patefactae sunt januae caeli Christi martyri beato Stephano qui in numero sanctorum inventus est primus et ideo triumphat in caelis coronatus

Positis autem genibus clamavit voce magna dicens domine ne statuas illis hoc peccatum

Sanctissimi martyris Stephani sollemnitatem recolentes te Christe deprecamur ut nos semper intercessione illius conservare dignaris

Tibi junctus igitur cum triumpho nitente nobis pius ostendente

Gloria patri et filio et spiritui sancto

Lapidaverunt Stephanum et ipse invocabat dominum dicens ne statuas illis hoc peccatum

Lapides torrentes illi dulces fuerunt ipsum sequuntur omnes animae justae

Adhaesit anima mea post te quia caro mea lapidata est pro te deus meus