Framea*

Lustra sex*

Vexilla*

Vide domine et considera quoniam tribulor velociter exaudi me

Vexilla regis*

Eripe me*

Iudas mercator pessimus osculando trdidit domino ille ut agnus innocens non negat Iude osculum qui denariorum numero Christum Iudeis tradidit

Melius illi fuerat si natus non fuisset homo ille

Cottidie apud vos eram in templo docens et non me tenuistis et ecce flagellatum ducitis ad crucifigendum

Vexilla*

Factus Jesus in agonia prolixus orabat et factus est sudor ejus sicut guttae sanguinis decurrentis in terram

Et factum est postquam in captivitatem ductus est Israhel et Iherusalem destructa est sedit Iheremias flens et planxit lamentacionem hanc in Iherusalem et dixit

Aleph Quomodo sedet sola civitas plena populo facta est quasi vidua domina gencium princeps provinciarum facta est sub tributo

Beth Plorans ploravit in nocte et lacrime eius in maxillis eius non est qui consoletur eam ex omnibus caris eius omnes amici eius spreverunt eam et facti sunt ei inimici

Gymel Migravit Iuda propter afflictionem et multitudinem servitutis habitavit inter gentes nec invenit requiem omnes persecutores eius apprehenderunt eam inter angustias

Jerusalem Jerusalem convertere ad dominum deum tuum

Verumtamen non sicut ego volo sed sicut tu vis pater

Beth Vie Syon eo quod non sint qui veniant ad sollempnitatem omnes porte eius destructe sacerdotes eius gementes virgines eius squalide et ipsa oppressa amaritudine

Deleth Facti sunt hostes eius in capite inimici eius locupletati sunt quia dominus locutus est super eam propter multitudinem iniquitatum eius parvuli eius ducti sunt in captivitatem a facie tribulantis

Gymel Et egressus est a filia Syon omnis decor eius facti sunt principes eius velut arietes non invenientes pascua et abierunt absque fortitudine ante faciem subsequentis

Zay Et recordata est Iherusalem omnium dierum affilccionis sue et prevaricationis omnium desiderabilium suorum que habuerat a diebus antiquis cum caderet populus eius in manu hostili et non esset auxiliator viderunt eam hostes et desiderunt sabbata eius

Jerusalem Jerusalem

Vigilate et orate ut non intretis in temptacionem

Num Vigilavit iugum iniquitatum mearum in manu eius convolute sunt et inposite collo meo infirmata est virtus mea dedit me dominus in manu de qua non potero surgere

Lamech Abstulit omnes magnificos meos dominus de medio mei vocavit adversum me tempus ut conteret electos meos torcular calcavit dominus virgini filie Iuda

Ayn Idcirco ego plorans et oculus meus deducens aquam quia longe factus est a me cosolator convertens animam meam facti sunt fili mei perditi quoniam invaluit inimicus

Hee Expandit Syon manus suas non est qui consoletur eam mandavit dominus adversus Iacob in circuitu hostis eius

Sadech Iustus est dominus quia os eius ad iracundiam provocavit audite obsecro universi populi et videte dolorem meum

Jerusalem Jerusalem

Liberavit dominus pauperem a potente et inopem cui non erat adjutor

Melius illi erat si natus non fuisset homo ille

Dixi iniquis nolite loqui adversus deum iniquitatem

O Iuda qui dereliquisti consilium pacis et cum Iudeis consiliatus es triginta argenteis vendidisti sanguinem iustum et pacis osculum ferebas quam in pectore non habebas

Dominus tamquam ovis ad victimam ductus est et non aperuit os suum