Haec admiranda cunctis haec est imitanda

Prophetalis nubem levem vox dixit ascendere salvatorem Aegyptique tenebras invisere ut in mortis caligine sedentes lustret lumine

Diffugiunt tenebrae pandunt secreta latebrae

Gloria patri et filio et spiritui sancto

Abrahae fit promissio quod illius successio velut harena cresceret stellisque aequalis fieret

Hoc promissum est impletum per Mariae castae fetum quae gignendo granum sevit de quo seges tanta crevit

Ista vitis est Maria Judaeae progeniae ad conceptum nutu dei quae processit hodie

Specie tua et pulchritudine tua

Ave sponsa Sunamitis secundum cor summi regis ave virgo mater spiritu sancto teste tu olim Mariam sordibus Aegyptiis milies exosam tu Theophilum desperatum apostatam reconciliasti filio tuo in gratiam

O sancta o celsa o benedicta mitiga et nobis iram filii tui judicis

Patriarcharum semine prophetarum origine regum atque pontificum genus vernat magnificum unde virgo concipitur Christique mater eligitur

Nobilis et clara stirps est domino quoque cara

Gloriosa dicta constant de te mundi domina namque natum praeloquuntur veridica carmina tuum te adversus morem generare genitorem

Pro meritis claris per saecula cuncta bearis

Gloria patri et filio et spiritui sancto

Virga Aaron fructifera Mariae typum gesserat quae nobis fructum attulit famem qui nostram depulit

Isaias ille divus secretorum dei rivus virgae movens mentionem pandit hanc conceptionem

Vinea quondam sterilis deo cultore fertilis vitem fecundam protulit fundentem cunctis pocula

Adjuvabit eam deus vultu suo

Stirps Jesse virgam produxit virgaque florem et super hunc florem requiescit spiritus almus

Virgo dei genetrix virgo est flos filius ejus

Gloria patri et filio et spiritui sancto

Spes desperatis fons magnificae pietatis virgineo flore pollens cum matris honore flos inter spinas notras sustolle ruinas

Ave Maria gratia plena dominus tecum

Felix namque es sacra virgo Maria et omni laude dignissima quia ex te ortus est sol justitiae Christus deus noster

Ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuam conceptionem

Conceptus hodiernus Mariae semper virginis naevum tergit nexum solvit vetustae originis maestis reddit laetitiam dat criminosis veniam

Gloriosa semper virgo Maria dulcissima precibus te venerantum annue piissima interventrix ne labamur a te semper protegamur

Maria plena gratia stirpe concepta regia assistentes tuae laudi miserando nos exaudi

O quam larga te perfudit virgo benedictio qua deletur quam induxit Evae maledictio intende nostris laudibus beata in mulieribus

Dignare me laudare te virgo et puerpera te poscentem ab aerumnis leva super aethera potes enim ut domina caeli pandere limina

Post partum virgo inviolata permansisti

Benedicta es Maria laus nostra spes et domina te collaudat colit tremit trina mundi machina in tua conceptione congaudentes confove profutura largiendo nocitura dimove alleluia

Gaudendum nobis est quod Christus mediator dei et hominum de sanctissima virgine virginum natus nostri naturam in suae divinitatis sublimaverat personam ipsum prae omnibus amemus laudemus glorificemus hoc saepe subnectentes Maria Maria totius sanctitatis principalis gemma nos tibi humiliter servientes ab hostis anti qui mille millenis fraudibus defende

Ave maris stella*

O virgo virginum summum trinitatis sacrarium angelorum speculum scala sanctorum omnium tutum peccatorum refugium cerne o pia nostrum periculum ac nobis placatum tuum jam pium redde filium

Laudemus Christum dominum qui martyrem clarissimum sanctorum junxit cetibus cujus salvemur precibus

Te pretiosum martyrem funestum mundi principem fuso vincentem sanguine festo laudamus carmine

Te civem noscit angelus orat Patroclum populus fave votis ecclesiae tibi psallentis in time

Patrocle martyr inclite preces tuorum suscipe eosque semper protege ab hostis atri turbine

Ad paradisi patriam fer supplicum familiam tuis intentos laudibus Christi praesenta vultibus

Gloria et honore coronasti eum domine

Qui potens es ubique magna fecisti nobis non solum tuae medicamina passionis sed et marytrum suffragia mundo conferens sicque multipulici ope salvandis confulens te deposcimus in festo Patrocli annuo ut semper nos ejus munias patrocinio

Regem martyrum adoret contio nostra cum quo beati Patrocli regnat anima

Ingenuis Patroclus ortus parentibus generositatem suam factis adornavit decentibus

Eo tempore Aurelianus Romae tenebat imperium immanissima exercens odia in nomen fidelium

In tanto turbine Patroclus manens interritus fidei invigilavit percepte divinitus

Gloria et honore coronasti eum domine

Virtutibus et signis in Gallia Patroclus elucens in medio perversorum degebat innocens

Frater fuit draconum et socius strutionum

Pace fruens sanctae ecclesiae vir dei precibus instabat assiduae et bono semper proficiebat opere

In lege domini fuit voluntas ejus die ac nocte

Orta in servos dei se vitia tyrannorum capitur Patroclus adducitur in urbem trecenorum frustra jussus negare Christum qui rex est angelorum

Non est sapientia non est prudentia non est consilium contra dominum

Gloria patri et filio et spiritui sancto

Sanctus vir cum diu constanter restitisset caesari strictus vinculis traditus est eligio carnifici

Positus in custodia usque in diem tertium consolabatur seipsum continuae orans dominum

Eductus de carcere athleta dei fortissimus asperrima judici responsa dabat intrepidus

Posuisti domine super caput ejus

Electus dei Patroclus dixit ad caesarem video te super omnes egenum et pauperem quocirca si sapis thesaurum quaere perennem

Melius est modicum justo super divitias peccatorum multas

Vir dei mansuetissimus ex praecepto judicis ductus est ad sequanam jussus capitalem subire sententiam

Sicut agnus coram tondente se obmutescit sic non aperuit os suum

Cum ventum esset ad aquam ducentibus Patroclum visus contrabuit et famulo Christi fluvius calcabilem se praebuit

Confiteantur domino misericordiae ejus et mirabilia ejus filiis hominum

Gloria patri et filio et spiritui sancto

Videntes quidam ex ministris tantam in servo dei virtutem magnus inquiunt deus est cujus ope tam rapidum ipse transiit flumen

Mulier gentilis cernens in monte sanctum flexis orare genibus cucurrit propere et prodidit illum cruentis militibus

Invenerunt carnifices felicem virum in terra prostratum ac devote referentem deo vero gratiarum actiones

Magna est gloria ejus in salutari tuo

Beatus Patroclus ad lictorum principem dixit quis est homo qui de deo loqui digne possit generationem ejus quis enarrabit

Ipse dixit et facta sunt ipse mandavit et creata sunt

Miles Christi ut vidit strictum percussoris gladium flexo genu sacrum protendens jugulum domine inquit tu scis quia morior propter nomen tuum

In manus tuas commendo spiritum meum domine deus

Incola caelestis domini fortissime testis sancte Patrocle tuis famulis pete dona salutis

Morbos tolle famem removae peccata repelle

Gloria patri et filio et spiritui sancto

Decollantes virum dei caput ejus longe projecerunt et corpus escam avibus tanquam morticinum reliquerunt

Duo senes occulte abstulerunt corpus martyris qui ejus dum vixit fruebantur elemosinis

Eusebius presbyter tumulavit sanctum Patroclum noctu tamen propter saevitiam paganorum

Praedictus dei famulus venerando martyri modicam ex sua facultate construxit ecclesiam

Ex illo tempore illic continua dignae petentibus praestantur beneficia et optatae sanitatis remedia

Corona aurea super caput ejus

O dilecte venerande nobis sancte Patrocle qui pro nomine Christi mortem sponte subisti per suffragia crebra abolens crimina nostra fac nos post bona mundi regno perpeti fungi

Pie martyr domini care Patrocle praecibus protege clerum populumque removens quaeque nocua tribuens prospera cuncta

Martyr egregie*

A progenie in progenies fecit misericordiam dominus qui eduxit Abraham dehur chaldaeorum et de ultimis finibus terrae vocavit sanctum Patroclum ut in hac terra nostra peregrinus esset et advena in illa vero patria caelesti cujus sanctorum et domesticus dei ibi nobis datus a deo patronus jugiter intercedat pro hac sancta plebe et universis fidelibus

Veni electa*

Regnum mundi*

In tua patientia possedisti animam tuam Lucia sponsa Christi odisti quae in mundo sunt et coruscas cum angelis sanguine proprio inimicum subisti

Lucia virgo quid a me petis quod ipsa poteris praestare continuo nam et matri tuae fides tua subveniet et ecce salva est quia jucundum deo in tua virginitate habitaculum praeparasti

Sicut per me civitas Catinensium sublimatur a Christo ita per te civitas Syracusana decorabitur

Rogavi dominum meum Jesum Christum ut ignis iste non dominetur mihi et impetravi a domino inducias martyrii mei

Pro eo ut me diligerent detrahebant mihi ego autem orabam

Grata facta est a domino in certamine quia apud deum et apud homines glorificata est in conspectu principum loquebatur sapientiam et dominus omnium dilexit eam

Adjuvabit eam deus vultu suo deus in medio ejus non commovebitur

Orante sancta Lucia apparuit ei beata Agatha consolabatur ancillam Christi

Lucia virgo quid a me petis quod ipsa poteris praestare continuo matri tuae

Per te Lucia virgo civitas Syracusana decorabitur a domino Jesu Christo

Benedico te pater domini mei Jesu Christi quia per filium tuum ignis extinctus est a latere meo