Gratia dei sum id quod sum et gratia ejus in me vacua non fuit sed semper in me manet

Bonum certamen certavi cursum consummavi fidem servavi

Sancte Paule apostole praedicator veritatis et doctor gentium intercede pro nobis ad deum qui te elegit

Ut digni efficiamur gratia dei

Magnus sanctus Paulus vas electionis vere digne est glorificandus qui et meruit thronum duodecimum possidere

A Christo de caelo vocatus et in terram prostratus ex persecutore effectus est vas electionis

Gloria patri et filio et spiritui sancto

Ego plantavi Apollo rigavit deus autem incrementum dedit alleluia

Unusquisque propriam mercedem accipiet secundum suum laborem

Libenter gloriabor in infirmitatibus meis ut inhabitet in me virtus Christi

Quando autem infirmor tunc fortior sum et potens

Sancte Paule apostole praedicator veritatis et doctor gentium intercede pro nobis ad deum qui te elegit

Ut digni efficiamur gratia dei

Gratia dei in me vacua non fuit sed gratia ejus semper in me manet

Gratia dei sum id quod sum

Ter virgis caesus sum semel lapidatus sum ter naufragium pertuli pro Christi nomine

Nocte ac die in profundo maris fui

Vos qui secuti estis me sedebitis super sedes judicantes duodecim tribus Israel dicit dominus

In regeneratione cum sederit filius hominis in sede majestatis suae

Evangelium meum quod evangelizatum est non est a me neque ab homine accepi illud sed per revelationem Jesu Christi domini nostri

Deus et pater domini nostri Jesu Christi scit quia non mentior

Exsurgens autem Maria abiit in montana cum festinatione in civitatem Juda et introivit in domum Zachariae et salutavit Elizabeth alleluia

Et factum est ut audivit Elizabeth salutationem Mariae exsultavit infans in utero ejus et repleta est spiritu sancto alleluia

Exclamavit Elizabeth voce magna et ait benedicta tu in mulieribus et benedictus fructus ventris tui alleluia

Et unde mihi hoc ut veniat mater domini ad me ecce enim ut facta est vox salutationis tuae in auribus meis exsultavit in gaudio infans in utero meo alleluia

Et beata quae credidisti quoniam perficientur in te quae dicta sunt tibi alleluia

Magnificat anima mea dominum et exsultavit spiritus meus in deo salutari meo quia respexit humilitatem ancillae suae alleluia

Ecce enim ex hoc beatam me dicent omnes generationes

Gloria patri et filio et spiritui sancto

O quanta vis amoris illibatae tunc mentem accenderat virginis ut in spiritu sancto rapta jubilaret magnificat anima mea dominum alleluia alleluia

Gaude Maria mater Christi quae singulari privilegio meruisti portare Christum dominum lumen ad revelationem gentium alleluia

In honore Mariae virginis Elisabeth visitantis adoremus dominum alleluia

Quam gloriosam et admirabilem in universa terra fecit deus ancillam humilem alleluia

Caeli stupent in Maria cui tot singularia sunt collata donaria alleluia

Ferax est terra domini venter sacratae virginis qui thesaurum fert hominum nostrae parem imaginis alleluia

Surge propera amica mea formosa mea et veni jam enim hiems transiit imber abiit et recessit alleluia

Audi filia et vide et inclina aurem tuam

En dilectus meus loquitur mihi intra praecordia mea dat vocem suam alleluia

Quam dulcia faucibus meis eloquia tua domine super mel ori meo

Ibo ad montem myrrhae festinanter et videbo verbum hoc quod factum est in auribus meis ab angelo salutante alleluia

Viam mandatorum tuorum cucurri juxta verbum tuum

Gloria patri et filio et spiritui sancto

Verbum bonum virgo paris manes expers omnis maris fecundaris pneumatae alleluia

Torrens sacrati fluminis urbem dei laetificat dum Maria vi numinis ore deum magnificat alleluia

O dilecta civitas dei rei poscimus qui te noscimus ora pro nobis deum alleluia

Ecce iste venit saliens in montibus transiliens colles similis est dilectus meus hinnulo caprae aeque cervorum alleluia

Exsultavit ut gigas ad currendam viam a summo caelo egressio ejus

Felices matres sed nati feliciores et quae gesserae felicia facta fuerae alleluia

Felix domus felix familia quibus sunt visa tot mirabilia

O praeclara stella maris virgo mater singularis quae cognatam visitasti Joannem illuminasti prole praeclarissima te precamur in hoc festo sis solamen omni maesto fuga mortem confer sortem nobis in caeli patria alleluia

Ad te clamant omnes rei larga datrix sancte spei o fons indeficiens

Gloria patri et filio et spiritui sancto

O dies omni voto recolenda o dies omni studio veneranda in qua tot misero fulserunt gaudia mundo alleluia

Haec dies quam fecit dominus exsultemus et laetemur in ea

Gloria patri et filio et spiritui sancto

Magna mirabilia in filia quam sibi elegit terrae marisque dominus caeli nihilominus signanter peregit alleluia

Exsultet terra propere multae laetentur insulae en nubem rore caelico replevit sanctus spiritus

Novum tibi virgo canticum decantamus ut per te vitae viaticum habeamus alleluia

Speciosas filias cumulantes divitias thesauro ventris gravidi transcendit mater domini alleluia alleluia

Exsulta et lauda habitatio Sion quia magnus in medio tui sanctus Israel

Ait autem Maria fecit mihi magna qui potens est et sanctum nomen ejus alleluia

Et misericordia ejus a progenie in progenies timentibus eum

Magnificat*

Suscepit Israel puerum suum recordatus misericordiae suae sicut locutus est ad patres nostros Abraham et semini ejus in saecula alleluia

Juravit dominus David veritatem de fructu ventris tui imponam super sedem tuam

Gloria patri et filio et spiritui sancto

In Mariae virginis utero parata sedes tua deus a saeculo alleluia

Jubilet deo omnis terra et caelestis hierarchia serviat ei alleluia

Fecit dominus potentiam in bracchio suo dispersit superbos mente cordis sui alleluia

Deposuit potentes de sede et exaltavit humiles alleluia

Esurientes implevit bonis et divites dimisit inanes alleluia

Benedictus dominus deus israel quia visitavit et fecit redemptionem plebis sue sicut locutus est per os sanctorum alleluia

Deposuit potentes de sede et exaltavit humiles alleluia

Magnificet*

Petrus apostolus*

Juravit*

Cives apostolorum*

Isti sunt duae olivae et duo candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt

Petrus et Joannes ascendebant in templum ad horam orationis nonam

Claudus quidam cum vidisset Petrum et Joannem coepit rogare eos ut eleemosynam acciperet

Argentum et aurum non est mecum quod autem habeo hoc tibi do

Simon Petre*

Scio cui credidi*

Domine si tu es*

In nomine Jesu Christi Nazareni surge et ambula in pace

Exsiliens claudus et ambulavit et intravit cum illis ambulans et laudans deum

Vidit populus claudum ambulantem et laudantem deum et repleti sunt stupore et extasi in eo quod contigerat illi

Reposita est*

Surge Petre*

Saulus autem*

Petrus autem servabatur in carcere oratio fiebat pro eo sine intermissione ab ecclesia ad deum

Dixit angelus ad Petrum circumda te vestimentis tuis et sequere me

Misit dominus angelum suum et liberavit me de manu Herodis alleluia

Quem dicunt*

Sancte Paule*

Isti sunt duo olivae*

Petre amas me*

Petrus ad se reversus*

Juravit*

Gloriosi principes*