Qui regis Israel intende qui deducis velut ovem Joseph qui sedes super cherubim

Excita domine potentiam tuam et veni ut salvos facias nos

Aspiciebam in visu noctis et ecce in nubibus caeli filius hominis venit et datum est ei regnum et honor et omnis populus tribus et linguae servient ei

Potestas ejus potestas aeterna quae non auferetur et regnum ejus quod non corrumpetur

Missus est Gabriel angelus ad Mariam virginem desponsatam Joseph nuntians ei verbum et expavescit virgo de lumine ne timeas Maria invenisti gratiam apud dominum ecce concipies et paries et vocabitur altissimi filius

Ave Maria gratia plena dominus tecum

Ave Maria gratia plena dominus tecum spiritus sanctus superveniet in te et virtus altissimi obumbrabit tibi quod enim ex te nascetur sanctum vocabitur filius dei

Quomodo fiet istud quoniam virum non cognosco et respondens angelus dixit ei

Dominus defensor*

Egredietur dominus de loco sancto suo R. Veniet ut salvet populum suum

Salvatorem exspectamus dominum Jesum Christum qui reformabit corpus humilitatis nostrae configuratum corpori claritatis suae

Sobrie et juste et pie vivamus in hoc saeculo exspectantes beatam spem et adventum gloriae magni dei

Audite verbum domini gentes et annuntiate illud in finibus terrae et in insulis quae procul sunt dicite salvator noster adveniet

Annuntiate et auditum facite loquimini et clamate

Ecce virgo concipiet et pariet filium dicit dominus et vocabitur nomen ejus admirabilis deus fortis

Super solium David et super regnum ejus sedebit in aeternum

Obsecro domine mitte quem missurus es vide afflictionem populi tui sicut locutus es veni et libera nos

Memento nostri domine in beneplacito populi tui visita nos in salutari tuo

Alleluia*

Egredietur virga de radice Jesse R. Et flos de radice ejus ascendet

Laetentur caeli et exsultet terra jubilate montes laudem quia dominus noster veniet et pauperum suorum miserebitur

Ecce dominator dominus cum virtute veniet

Alieni non transibunt per Jerusalem amplius nam in illa die stillabunt montes dulcedinem et colles fluent lac et mel dicit dominus

Ego veniam dicit dominus et sanabo contritionem populi mei

Montes Israel ramos vestros expandite et florete et fructus facite prope est ut veniat dies domini

Rorate caeli desuper et nubes pluant justum aperiatur terra et germinet salvatorem

Confortamini manus fatigatae et genua dissoluta roboramini qui pusillo animo estis mente convalescite me timete dicit dominus quia venio dirumpere jugum captivitatis vestrae

Civitas Jerusalem noli flere quia cito veniet salus tua

Alleluia*

Veni ad liberandum nos domine deus virtutum

Et ostende faciem tuam et salvi erimus

Emitte agnum domine dominatorem terrae R. De petra deserti ad montem filiae Sion

Spiritus sanctus in te descendet Maria ne timeas habebis in utero filium dei alleluia

Alleluia*

Alleluia*

Timebunt gentes nomen tuum domine R. Et omnes reges terrae gloriam tuam

Alleluia*

Memento nostri domine in beneplacito populi tui R. Visita nos in salutari tuo

Alleluia*

Domine deus virtutum converte nos R. Et ostende faciem tuam et salvi

Dixit dominus*

Tu exsurgens domine misereberis Sion

Quia tempus miserendi ejus quia venit tempus

Rorate caeli*

Ne timeas Maria invenisti gratiam apud dominum ecce concipies et paries filium alleluia

Regem venturum dominum venite adoremus

Ex Sion species*

Egredietur dominus*

In illa die stillabunt montes dulcedinem et colles fluent lac et mel alleluia

Veni ad liberandum*

Emitte agnum*

Jucundare filia Sion et exsulta satis filia Jerusalem alleluia

Ecce dominus veniet et omnes sancti ejus cum eo et erit in die illa lux magna alleluia

Timebunt gentes*

Omnes sitientes venite ad aquas quaerite dominum dum inveniri potest alleluia

Memento nostri*

Ecce veniet propheta magnus et ipse renovabit Jerusalem alleluia

Domine deus virtutum*

Tu exsurgens*

Rorate caeli*

Angelus domini nuntiavit Mariae et concepit de spiritu sancto alleluia

Jerusalem respice ad orientem et vide alleluia

Gaude et laetare filia Sion quia ecce ego venio et habitabo in medio tui dicit dominus

Erumpant montes jucunditatem et colles justitiam quia lux mundi dominus cum potentia venit

De Sion exibit lex et verbum domini de Jerusalem

Veniet fortior me post me cujus non sum dignus solvere corrigiam calciamenti ejus

Benedicta tu in mulieribus et benedictus fructus ventris tui

Exspectabo dominum salvatorem meum et praestolabor eum dum prope est alleluia

Ecce veniet deus et homo de domo David sedere in throno alleluia

Ex Aegypto vocavi filium meum veniet ut salvet populum suum

Veni domine visitare nos in pace ut laetemur coram te corde perfecto

Ecce dominus*

Rorate caeli*

Sion noli timere ecce deus tuus veniet alleluia

Rex noster adveniet Christus quem Joannes praedicavit agnum esse venturum

Domine in virtute*

Ex Sion species*

Jerusalem cito veniet salus tua quare moerore consumeris numquid consiliarius non est tibi quia innovavit te dolor salvabo te et liberabo te noli timere

Ego enim delevi ut nubem iniquitates tuas et quasi nebulam peccata tua

Ecce dominus veniet et omnes sancti ejus cum eo et erit in die illa lux magna et exibunt de Jerusalem sicut aqua munda et regnabit dominus in aeternum super omnes gentes

Ecce cum virtute veniet et regnum in manu ejus et potestas et imperium

Jerusalem surge et sta in excelso et vide jucunditatem quae veniet tibi a deo tuo

Leva in circuitu oculos tuos et contemplare

Civitas Jerusalem noli flere quoniam doluit dominus super te et auferet a te omnem tribulationem

Ecce in fortitudine veniet et bracchium ejus dominabitur

Ecce veniet dominus protector noster sanctus Israel coronam regni habens in capite suo

Et dominabitur a mari usque ad mare et a flumine usque ad terminos orbis terrae

Sicut mater consolatur filios suos ita consolabor vos dicit dominus et de Jerusalem civitate quam elegi veniet vobis auxilium et videbitis et gaudebit cor vestrum

Dabo in Sion salutem et in Jerusalem gloriam meam

Jerusalem plantabis vineam in montibus tuis et exsultabis quia dies domini veniet surge Sion convertere ad deum tuum gaude et laetare Jacob quia de medio gentium salvator tuus veniet

Exsulta satis filia Sion jubila filia Jerusalem

Egredietur dominus de Samaria ad portam quae respicit ad orientem et veniet in Bethleem ambulans super aquas redemptionis Judae tunc salvus erit omnis homo quia ecce veniet

Et praeparabitur in misericordia solium ejus et sedebit super illud judicans in aequitate

Ecce veniet dominus princeps regum terrae beati qui parati sunt occurrere illi

Paratus esto Israel in occursum domini quoniam venit

Ecce apparebit dominus et non mentietur si moram fecerit exspecta eum quia veniet et non tardabit

Ecce dominus noster cum virtute veniet ut illuminet oculos servorum suorum

Festina ne tardaveris domine et libera populum tuum

Veni domine et noli tardare relaxa facinora plebis tuae

Rex noster adveniet Christus quem Joannes praedicavit agnum esse venturum