Princeps gloriossime*

Regem virginum*

Jesu corona virginum*

O quam pulchra es*

Specie tua*

Nigra sum*

Hujus obtentu deus alme*

Gaudeat ecclesia quam indefunctorum sponsus ornat gloria matrem filiorum

Sapiente filio pater gloriatur hoc et in Antonio digne commendatur

Qui dum sapientiam saeculi calcavit prudens summi gloriam patris exaltavit

Augustini primitus regulae subjectus sub Francisco poenitus mundo fit abjectus

Quorum vitam moribus hic profitebatur gloriosis patribus jam cum gloriatur

O proles Hispaniae pavor infidelium nova lux Italiae nobile depositum urbis Paduanae fer Antoni gratiae Christi patrocinium ne prolapsis veniae tempus breve creditum defluat inane

Jam Christum chorus humilis alacrius in jubilo collaudet in quo sacerdos nobilis Antonius de veritate gaudet

Quasi secus alveum rivuli plantatus fructum temporaneum dedit hic beatus

Monte Sion praedicat domino praeceptum et talentum duplicat caelitus acceptum

Conterit miraculis peccatorum dentes sponsam Christi patulis rictibus mordentes

Amavit eum dominus et ornavit eum R. Stolam gloriae induit eum

Funditur insontium sanguis a prophanis fitque morientium merces vitae panis rumor ad Antonium volat non inanis

In minores gladium fratres dat in odium Christi rex immanis

Optans fore socius gloriae victorum quos occidit impius rex Marochiorum sequitur Antonius vitam defunctorum

Felix quem non gladius terret sed in melius mutat iniquorum

Fervet ad martyrium dum rex terre sevit sed hoc desiderium suum non implevit de quo rex regnantium aliud decrevit

Tandem in simplicium coetu per judicium fama viri crevit

Gloria patri et filio et spiritui sancto

Grave cor quaerentium nugas vanitatem discit per Antonium vitae veritatem

Contra virum sanguinum clamat et dolosum quod hoc genus hominum deo sit exosum

Laus perfecta profluit ex lactentis ore in quo Christus destruit hostem cum ultore

Dono sapientiae plenus arrogantiae fastum qui timebat sub indocti facie tantumdiu gratiae lumen abscondebat

A se pondus gloriae sibi temerariae sumere nolebat

Gloria patri et filio et spiritui sancto

Pauperum collegio pauper in principio spiritu probatus verbi ministerio non injectu proprio datur sed vocatus

A quo fit haec datio fiunt testimonio mors et incolatus

In doctrinae poculis justus sua singulis reddens affluebat loquens magnis parvulis veritatis jaculis equae feriebat

Potior miraculis virtus haec in oculis omnium clarebat

Gloria patri et filio et spiritui sancto

Gaude quondam saeculi transiens viator summi tabernaculi nunc inhabitator

Nobis fac propitium a quo recepisti cordis desiderium vitam quam petisti

Duc in montem domini ora nos Antoni junctos deo homini loco sancto poni

Vitam probant vilitas simplex innocentia cura disciplinae zelo juncta caritas veritas modestia testes sunt doctrinae

Sed signorum claritas probat haec probantia multiplex in fine

Si quaeris miracula mors error calamitas demon lepra fugiunt egri surgunt sani cedunt mare vincula membra resque perditas petunt et accipiunt juvenes et cani

Pereunt pericula cessat et necessitas narrent hi qui sentiunt dicant Paduani

Gloria patri et filio et spiritui sancto

Sanctus hic de titulo crucis et suppliciis dulcis Jesu modulo dulci praedicabat cum pater in aere se Franciscus filiis absens novo genere signi praesentabat

Tamquam in patibulo crucis ipse bracchiis tensus hoc signaculo crucis consignabat

Gloria patri et filio et spiritui sancto sicut erat in principio

Domus ab Antonio supra petram dominum posita perstabit quam maris elatio fluctus seu vox fluminum ultra non turbabit

Laetus tuo jubilat in conspectu domine quo jam introivit lumen quod es similat hunc tibi qui lumine fruitur quo vivit

Totus in te sitiens deus ad te vigilans exstitit de luce tu fons indeficiens tu lux illi rutilans qui sitis in cruce

Caeli terrae marium benedicat dominum conte creaturae qui tot per Antonium signis auget hominum vitae spem futurae

Sono tubae tympano cithara psalterio cymbalisque deum choro chordis organo laudet in Antonio mystice cor meum

Gaude felix Padua quae thesaurum possides cujus in altario dignum fore loculum visio monstravit tu signis irrigua tot in tuo provides miseris Antonio serva rei titulum quae sic te ditavit sed tu nos ad ardua pater hiis qui praesides quorum es possessio transfer quos hic vinculum mortis inclinavit

O Jesu perpetua lux tot in Antonio signis dans splendorem de quo non incongrua nobis gloriatio tibi dat honorem gratia per hunc tua nos in vase proprio ferre da liquorem lampade non vacua lumen det opinio caritas ardorem frustra virgo fatua glorians in alio quaeret venditorem

Ipse praeibit ante illum in spiritu et virtute Eliae parare domino plebem perfectam

Joannes est nomen ejus vinum et siceram non bibet et multi in nativitate ejus gaudebunt

Ex utero senectutis et sterili Joannes natus est praecursor domini

Iste puer magnus coram domino nam et manus ejus cum ipso est

Nazaraeus vocabitur puer iste vinum et siceram non bibet et omne immundum non manducabit ex utero matris suae

Ut queant laxis*

Fuit homo missus a deo R. Cui nomen erat Joannes

Ingresso Zacharia templum domini apparuit ei Gabriel angelus stans a dexteris altaris incensi

Regem praecursoris dominum venite adoremus

Antra deserti*

Priusquam te formarem in utero novi te et antequam progredereris sanctificavi te

Ad omnia quae mittam te dicit dominus ibis ne timeas et quae mandavero tibi loqueris ad eos

Ne timeas a facie eorum quia ego tecum sum dicit dominus

Fuit homo missus a deo R. Cui nomen erat*

Fuit homo missus a deo cui nomen Joannes erat hic venit ut testimonium perhiberet de lumine et parare domino plebem perfectam

Erat Joannes in deserto praedicans baptismum paenitentiae

Elisabeth Zachariae magnum virum genuit Joannem Baptistam praecursorem domini qui viam domino praeparavit in eremo

Fuit homo missus a deo cui nomen Joannes erat

Priusquam te formarem in utero novi te et antequam exires de ventre sanctificavi te et prophetam in gentibus dedi te

Vir dilectus a deo et hominibus honorificatus est

Misit dominus manum suam et tetigit os meum et prophetam in gentibus dedit me dominus

Ecce dedi verba mea in ore tuo ecce constitui te super gentes et regna

Dominus ab utero vocavit me de ventre matris meae recordatus est nominis mei

Inter natos mulierum R. Joanne Baptista

Descendit angelus domini ad Zachariam dicens accipe puerum in senectute tua et habebit nomen Joannes Baptista

Iste puer magnus coram domino nam et manus ejus cum ipso est

Hic est praecursor dilectus et lucerna lucens ante dominum ipse est enim Joannes qui viam domino praeparavit in eremo sed et agnum dei demonstravit et illuminavit mentes hominum

Ipse praeibit ante illum in spiritu et virtute Eliae

Innuebant patri ejus quem vellet vocari eum et postulans pugillarem scripsit dicens Joannes est nomen ejus

Apertum est os Zachariae et prophetavit dicens

Posuit os meum dominus quasi gladium acutum sub umbra manus suae protexit me

Formans me ex utero servum sibi dominus in lucem gentium ut sis salus mea ab extremis terrae

Reges videbunt et consurgent principes et adorabunt dominum deum tuum qui elegit te

Elisabeth Zachariae magnum virum genuit Joannem Baptistam praecursorem domini

Praecursor domini venit de quo ipse testatur nullus major inter natos mulierum Joanne Baptista

Hic est enim propheta et plus quam propheta de quo salvator ait

Gabriel angelus apparuit Zachariae dicens nascetur tibi filius nomen ejus Joannes vocabitur et multi in nativitate ejus gaudebunt

Erit enim magnus coram domino vinum et siceram non bibet

Ecce constitui te hodie super gentes et super regna dicit dominus ut evellas et destruas et aedifices et plantes in nomine domini

Tu puer propheta altissimi vocaberis praeibis ante faciem domini parare vias ejus

Ipse praeibit ante illum in spiritu et virtute Eliae ut convertat corda patrum in filios parare domino plebem perfectam

Erit enim magnus coram domino et spiritu sancto replebitur

Inter natos mulierum non surrexit major Joanne Baptista qui viam domino praeparavit in eremo

Fuit homo missus a deo cui nomen Joannes erat

Elisabeth Zachariae magnum virum genuit Joannem Baptistam praecursorem domini

Innuebant patri ejus quem vellet vocari eum et scripsit dicens Joannes est nomen ejus