Domine deus virtutum converte nos

Intuemini quantus sit iste qui ingreditur ad salvandas gentes ipse est rex justitiae cujus generatio non habet finem

Et dominabitur a mari usque ad mare

Canite tuba in Sion quia prope est dies domini ecce veniet ad salvandum nos alleluia alleluia

Ecce veniet desideratus cunctis gentibus et replebitur gloria domus domini alleluia

Erunt prava in directa et aspera in vias planas veni domine et noli tardare alleluia

Dominus veniet occurrite illi dicentes magnum principium et regni ejus non erit finis deus fortis dominator princeps pacis alleluia alleluia

Omnipotens sermo tuus domine a regalibus sedibus veniet alleluia

O oriens*

Ecce deus noster exspectavimus eum et salvabit nos alleluia

Festina ne tardaveris domine et libera populum tuum

Veni domine et noli tardare relaxa facinora plebis tuae

O sapientia*

Surgite vigilemus quia veniet rex

Clama in fortitudine qui annuntias pacem in Jerusalem dic civitatibus Juda et habitatoribus Sion ecce deus noster quem exspectabamus adveniet

Super montem excelsum ascende tu qui evangelizas Sion exalta in fortitudine vocem tuam

Orietur stella ex Jacob et consurget homo de Israel et confringet omnes duces alienigenarum et erit omnis terra possessio ejus

Et adorabunt eum omnes reges omnes gentes servient ei

Modo veniet dominator dominus et nomen ejus Emmanuel vocabitur

Ecce dominator dominus cum virtute veniet

Egredietur dominus et proeliabitur contra gentes et stabunt pedes ejus supra montes Olivarum ad orientem

Ex Sion species decoris ejus deus noster manifeste veniet

Praecursor pro nobis ingreditur agnus sine macula secundum ordinem Melchisedech pontifex factus est in aeternum et in saeculum saeculi

Ecce dominator dominus cum virtute veniet

Videbunt gentes justum tuum et cuncti reges inclytum tuum et vocabitur tibi nomen novum quod os domini nominavit

Et eris corona gloriae in manu domini et diadema regni in manu dei tui

Emitte agnum domine dominatorem terrae de petra deserti ad montem filiae Sion

Ex Sion species decoris

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Germinaverunt campi eremi germen odoris Israel quia ecce deus noster cum virtute veniet et splendor ejus cum eo

Ecce dominator dominus cum virtute veniet

Egredietur virga de radice Jesse et flos de germine ejus ascendet et erit justitia cingulum lumborum ejus et fides cinctorium renum ejus

Rorate caeli desuper et nubes pluant justum aperiatur terra et germinet salvatorem

Radix Jesse qui exsurget judicare gentes in eum gentes sperabunt et erit nomen ejus benedictum in saecula

Ex Sion species decoris ejus deus noster manifeste veniet

Annuntiatum est per Gabrielem archangelum Mariae virgini de introitu regis et ingressus est per splendidam regionem aurem virginis visitare palatium uteri et egressus est per auream portam virginis

Ave Maria gratia plena dominus tecum

Nascetur nobis*

Ecce veniet dominus princeps regum terrae beati qui parati sunt occurrere illi

Dum venerit filius hominis putas inveniet fidem super terram

Ecce jam veniet plenitudo temporis in quo misit deus filium suum in terras

Haurietis aquas in gaudio de fontibus salvatoris

Egredietur dominus de loco sancto suo veniet ut salvet populum suum

Egredietur virga de radice Jesse et replebitur omnis terra gloria domini et videbit omnis caro salutare dei

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Ut cognoscamus domine in terra viam tuam in omnibus gentibus salutare tuum

Da mercedem domine sustinentibus te ut prophetae tui fideles inveniantur

Lex per Moysen data est gratia et veritas per Jesum Christum facta est

Tu Bethleem terra Juda non eris minima ex te enim exiet dux qui regat populum meum Israel

Nolite timere quinta enim die veniet ad vos dominus vester

Prophetae praedicaverunt nasci salvatorem de virgine Maria

Spiritus domini super me evangelizare pauperibus misit me

Annuntiate populis et dicite ecce deus salvator noster veniet

Ecce veniet dominus ut sedeat cum principibus et solium gloriae teneat

Propter Sion non tacebo donec egrediatur ut splendor justus ejus

Missus est Gabriel angelus ad Mariam virginem desponsatam Joseph

Ave Maria gratia plena dominus tecum benedicta tu in mulieribus alleluia

Dabit ei dominus sedem David patris sui et regnabit in aeternum

Quomodo fiet istud angele dei quia virum in concipiendo non pertuli audi Maria virgo Christi spiritus sanctus superveniet in te et virtus altissimi obumbrabit tibi

Ecce ancilla domini fiat mihi secundum verbum tuum

De Sion veniet dominus omnipotens ut salvum faciat populum suum

De Sion veniet qui regnaturus est dominus Emmanuel magnum nomen ejus

Convertere domine aliquantulum et ne tardas venire ad servos tuos

Ecce deus meus et honorabo eum deus patris mei et exspectabo eum

Dominus legifer noster dominus rex noster ipse veniet et salvabit nos

Vigilate animo in proximo est dominus deus noster

Intuemini quantus sit gloriosus iste qui ingreditur ad salvandos populos

Constantes estote videbitis auxilium domini super vos

Ecce rex veniet dominus terrae*

Veni domine et noli tardare relaxa facinora plebis tuae Israel

Deus a Libano veniet et splendor ejus sicut lumen erit

Ego autem ad dominum aspiciam et exspectabo deum salvatorem meum

Ex quo facta est vox salutationis tuae in auribus meis exsultavit in gaudio infans in utero meo alleluia

Prophetae praedicaverunt*

Ad te domine levavi animam meam veni et eripe me domine ad te confugi

Exspectetur sicut*

Ego autem ad dominum*

Annuntiate populis*

Omnis vallis implebitur et omnis mons et collis humiliabitur et videbit omnis caro salutare dei

O sapientia quae ex ore altissimi prodisti attingens a fine usque ad finem fortiter suaviter disponensque omnia veni ad docendum nos viam prudentiae

O adonai et dux domus Israel qui Moysi in igne flammae rubi apparuisti et ei in Sina legem dedisti veni ad redimendum nos in bracchio extento

O radix Jesse qui stas in signum populorum super quem continebunt reges os suum quem gentes deprecabuntur veni ad liberandum nos jam noli tardare

O clavis David et sceptrum domus Israel qui aperis et nemo claudit claudis et nemo aperit veni et educ vinctos de domo carceris sedentes in tenebris et umbra mortis

O oriens splendor lucis aeternae et sol justitiae veni et illumina sedentes in tenebris et umbra mortis

O rex gentium et desideratus earum lapisque angularis qui facis utraque unum veni salva hominem quem de limo formasti

O Emmanuel rex et legifer noster exspectatio gentium et salvator earum veni ad salvandum nos domine deus noster

O virgo virginum quomodo fiet istud quia nec primam similem visa est nec habere sequentem filiae Jerusalem quid me admiramini divinum est mysterium hoc quod cernitis

O Gabriel nuntius caelorum qui januis clausis ad me intrasti et verbum nuntiasti concipies et paries Emmanuel vocabitur

O rex pacifice tu ante saecula nate per auream egredere portam redemptos tuos visita et eos illuc revoca unde ruerunt per culpam

O mundi domina regio ex semine orta ex tuo jam Christus processit alvo tamquam sponsus de thalamo hic jacet in praesepio qui et sidera regit

O Jerusalem civitas dei summi leva in circuitu oculos tuos et vide dominum deum tuum quia jam veniet solvere te a vinculis

Qui venturus est veniet et non tardabit jam non erit timor in finibus nostris

Hodie scietis quia veniet dominus et mane videbitis gloriam ejus

Sanctificamini hodie et estote parati quia die crastina videbitis majestatem dei in vobis

Hodie scietis quia veniet dominus et mane videbitis gloriam ejus

Constantes estote videbitis auxilium domini super vos Judaea et Jerusalem nolite timere cras egrediemini et dominus erit vobiscum

Vos qui in pulvere estis expergiscimini et laudate ecce dominus veniet cum salute

De illa occulta habitatione sua egressus est filius dei descendit visitare et consolari omnes qui eum de toto corde desiderabant