Ait Pilatus mundae sunt meae a sanguine hujus justi vos videritis

Vigilate*

Factus Jesus in agonia prolixus orabat et factus est sudor ejus sicut guttae sanguinis decurrentis in terram

Verumtamen non sicut ego volo sed sicut tu vis

Tristis est anima mea usque ad mortem sustinete hic et vigilate mecum nunc videbitis turbam quae circumdat me vos fugam capietis et ego vado immolari pro vobis

Vigilate et orate dicit dominus

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolet ipse autem vulneratus est propter iniquitates nostras cujus livore sanati sumus

Vere languores nostros ipse abstulit et infirmitates nostras ipse portabit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Zelus domus tuae comedit me R. Et opprobria exprobrantium

Amicus meus osculi me tradidit signo quem osculatus fuero ipse est tenete eum hoc malum fecit signum qui per osculum adimplevit homicidium infelix praetermisit pretium sanguinis et in fine laqueo se suspendit

Melius illi erat si natus non fuisset

Judas mercator pessimus osculo petiit dominum ille ut agnus innocens non negat Judae osculum denariorum numero Christum Judaeis tradidit

Melius illi erat si natus non fuisset

Unus ex discipulis meis tradet me hodie vae illi per quem trador ego melius illi erat si natus non fuisset

Qui intinguit mecum manum in parapsidem hic me traditurus est in manus peccatorum

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Deus meus eripe me de manu peccatoris

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et conteramus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui exhortabamini mori pro me vel Judam non videtis quomodo non dormit sed festinat tradere me Judaeis

Dormite jam et requiescite ecce appropinquat qui me traditurus est in manus peccatorum

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Congregaverunt iniquitatem sibi et egrediebantur foras

Ingressus Pilatus cum Jesu in praetorium tunc ait illi tu es rex Judaeorum respondit tu dicis quia rex sum exivit ergo Jesus praetorio portans coronam et vestem purpuream et cum indutus fuisset exclamaverunt omnes crucifigatur quia filium dei se fecit

Tunc ait illis Pilatus regem vestrum crucifigam responderunt regem non habemus nisi Caesarem

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

In die tribulationis meae R. Deum exquisivi manibus meis

Traditor autem dedit eis signum dicens quem osculatus fuero ipse est tenete eum

Ait Pilatus mundae sunt manus meae a sanguine hujus justi vos videritis

Ecce turba et qui vocabatur Judas venit et dum appropinquaret ad Jesum ut eum oscularetur Jesus dixit ad eum Juda osculo tradis filium hominis ad crucifigendum

Filius quidem hominis vadit sicut scriptum est de eo vae autem homini illi per quem tradetur

Revelabunt caeli iniquitatem Judae et terra adversus eum consurget et manifestum erit peccatum illius in die furoris domini cum eis qui dixerunt domino deo recede a nobis scientiam viarum tuarum nolumus

Fuit mensa eorum coram ipsis in laqueum et in retributiones et in scandalum

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quod in pectore non habebas

Verax datur fallacibus pium flagellat impius

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et ab scandalis operantium iniquitatem

Considerabam ad dexteram et videbam et non erat qui cognosceret me

De manu filiorum alienorum R. Libera me domine

Cenantibus autem accepit Jesus panem benedixit ac fregit dedit discipulis suis

Accepto pane Judas tradidit dominum sicut promiserat principibus sacerdotum

Si male locutus sum perhibe testimonium sin autem bene quid me caedis

Ante diem festum paschae sciens Jesus quia ejus hora venit ut transeat ex hoc mundo ad patrem et caena facta surrexit linteo praecinxit se misit aquam in pelvem coepit lavare pedes discipulorum venit ad Petrum dicit ei Simon non lavabis mihi pedes in aeternum respondit Jesus si non lavero tibi non habebis partem mecum domine non solum pedes tantum sed manus et caput

Vos vocatis me dominus et magister et benedicitis et vos debetis alter alterius pedes lavare

Caena facta dixit Jesus discipulis suis amen amen dico vobis unus vestrum est hic qui me traditurus est in hac nocte

Dominus Jesus postquam cenavit cum discipulis suis lavit pedes eorum et ait illis scitis quid fecerim vobis ego dominus et magister exemplum dedi vobis ut et vos ita faciatis

Postquam surrexit dominus a caena misit aquam in pelvem coepit lavare pedes discipulorum hoc exemplum reliquit eis

Si ego dominus et magister vester lavi vobis pedes quanto magis vos debetis alter alterius lavare pedes

In hoc cognoscent omnes quia mei estis discipuli si dilectionem habueritis in invicem

Domine tu mihi lavas pedes respondit Jesus et dixit ei et si non lavero tibi pedes non habebis partem mecum

Domine non tantum pedes sed et manus et caput

Vos vocatis me magister et domine benedicitis sum etenim si ergo ego lavi vestros pedes dominus et magister et vos debetis alter alterius lavare pedes

In diebus illis mulier quae erat in civitate peccatrix ut cognovit quod Jesus recubuisset in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento unguebat

Mandatum novum do vobis ut diligatis invicem sicut dilexi vos dicit dominus

Ubi fratres in unum glorificant deum ibi dabit dominus benedictionem

Diligamus nos invicem quia caritas ex deo est et qui diligit fratrem suum ex deo natus est et vivit in eo

Suscepimus deus misericordiam tuam in medio templi tui secundum nomen tuum

Astiterunt reges terrae et principes convenerunt in unum adversus dominum et adversus Christum ejus

Diviserunt sibi vestimenta mea et super vestem meam miserunt sortem

Insurrexerunt in me testes iniqui et mentita est iniquitas sibi

Diviserunt sibi vestimenta mea R. Et super vestem meam miserunt*

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in escam meam fel et in siti mea

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Amen dico tibi hodie mecum eris in paradiso

Vinea mea electa ego te plantavi quomodo conversa es in amaritudine ut me crucifigeres et Barrabam dimitteres

Ego quidem plantavi te vineam meam electam omne semen verum

Vim faciebant qui quaerebant animam meam

Confundantur et revereantur qui quaerunt animam meam ut auferant eam

Alieni insurrexerunt in me et fortes quaesierunt animam meam

Insurrexerunt in me testes iniqui R. Et mentita est iniquitas sibi

Tamquam ad latronem existis cum gladiis comprehendere me cottidie apud vos eram in templo docens et non me tenuistis et ecce flagellatum ducitis ad crucifigendum

Filius quidem hominis secundum quod definitum est vadit vae autem homini illi per quem tradetur

Barabbas latro dimittitur et innocens Christus occiditur nam et Judas armiductor sceleris qui per pacem didicit facere bellum osculando tradidit dominum Jesum Christum

Ecce turba et qui vocabatur Judas venit et dum appropinquaret ad Jesum

Tenebrae factae sunt dum crucifixissent Jesum Judaei et circa horam nonam exclamavit Jesus voce magna deus deus ut quid me dereliquisti et inclinato capite emisit spiritum tunc unus ex militibus lancea latus ejus perforavit et continuo exivit sanguis et aqua

Et velum templi scissum est a summo usque deorsum et omnis terra tremuit

Ab insurgentibus in me libera me domine quia occupaverunt animam meam

Longe fecisti notos meos a me traditus sum et non egrediebar

Captabant in animam justi et sanguinem innocentem condemnabunt

Alieni insurrexerunt adversum me R. Et fortes quaesierunt animam meam

Tradiderunt me in manus impiorum et inter iniquos projecerunt me et non pepercerunt animae meae congregati sunt adversum me fortes et sicut gigantes steterunt contra me

Astiterunt reges terrae et principes convenerunt in unum

Jesum tradidit impius summis principibus sacerdotum et senioribus populi Petrus autem sequebatur a longe ut videret finem

Et ingressus Petrus in atrium principis sacerdotum

Caligaverunt oculi mei a fletu meo quia elongabitur a me qui consolabatur me videte omnes populi si est dolor similis sicut dolor meus

O vos omnes qui transitis per viam attendite et videte

Proprio filio suo non pepercit deus sed pro nobis omnibus tradidit illum

Anxiatus est in me spiritus meus in me turbatum est cor meum