Turba multa quae convenerat ad diem festum clamabat domino benedictus qui venit in nomine domini hosanna in excelsis

Tibi revelavi causam meam domine defensor vitae meae domine deus meus

Missus sum ad oves quae perierant domus Israel dicit dominus

Invocabo nomen tuum domine ne avertas faciem tuam a clamore meo

Hodie namque Christo cum humana lingua coma servivit arboria et quamvis fuerint rigida miserunt regi spolia arborum flexus hosanna

Coeperunt omnes turbae descendentium gaudentes laudare deum voce magna super omnibus quas viderant virtutibus dicentes benedictus qui venit rex in nomine domini pax in caelo et gloria in excelsis

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Omnes collaudant nomen tuum et dicent Benedictus qui venit in nomine domini hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Scriptum est enim percutiam pastorem et dispergentur oves gregis postquam autem surrexero praecedam vos in Galilaeam ibi me videbitis dicit dominus

Occurrunt turbae cum floribus et palmis redemptori obviam et victori triumphanti digna dant obsequia filium dei ore gentes praedicant et in laude Christi voces tonant per nubila hosanna

Hosanna filio David benedictus qui venit in nomine domini rex Israel hosanna in excelsis

Appenderunt mercedem meam triginta argenteis quos appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Non haberes in me potestatem nisi desuper datum tibi fuisset

Recordare mei domine et tuere me ab his qui persequuntur me

Tanto tempore vobiscum eram docens vos in templo et non me tenuistis modo flagellatum ducitis ad crucifigendum

Quia ego tecum sum de manu pessimorum liberabo te dicit dominus

Infirmata est virtus mea in manibus inimicorum meorum

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me

Domine vim patior responde pro me quia nescio quid dicam inimicis meis

Dixerunt impii opprimamus virum justum quoniam contrarius est operibus nostris

Nemo tollit a me animam meam sed ego pono eam et iterum sumo eam

Non sis mihi tu formidinis spes mea in die afflictionis meae

Potestatem habeo ponendi animam meam et iterum sumendi eam

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Consilium fecerunt inimici mei dicentes conteramus eum de terra viventium

Ancilla dixit Petro vere tu ex illis es nam et loquela tua manifestum te facit

Factus Jesus in agonia prolixus orabat et factus est sudor ejus sicut guttae sanguinis decurrentis in terram

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Dixi iniquis nolite loqui adversus deum iniquitatem

Terra tremuit et quievit dum resurgeret in judicio deus

In die tribulationis meae deum exquisivi manibus meis

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Contritum est cor meum in medio mei contremuerunt omnia ossa mea

Oblatus est quia ipse voluit et peccata nostra ipse portavit

Traditor autem dedit eis signum dicens quem osculatus fuero ipse est tenete eum

De manu filiorum alienorum libera me domine

Accepto pane Judas tradidit dominum sicut promiserat principibus sacerdotum

Si male locutus sum perhibe testimonium si autem bene quid me caedis