Cum vocatus fueris ad nuptias recumbe in novissimo loco ut dicat tibi qui te invitavit amice ascende superius et erit tibi gloria coram simul discumbentibus alleluia

Omnis qui se*

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videtur de Christo cujus filius est dicunt ei omnes David dicit eis Jesus quomodo David in spiritu vocat eum dominum dicens dixit dominus domino meo sede a dextris meis

Omnes enim vos fratres estis et patrem nolite vocare vobis super terram unus est enim pater vester qui in caelis est nec vocemini magistri quia magister vester unus est Christus

Unus est enim*

Qui major est*

Et videns Jesus fidem illorum dixit paralytico surge tolle lectum tuum et vade in domum tuam

Cum vidisset Jesus fidem illorum dixit paralytico surge tolle lectum tuum et vade in domum tuam quia fides tua te salvum fecit vade in pace

Dixit dominus paralytico confide fili remittuntur tibi peccata tua

Tulit ergo lectum suum in quo jacebat magnificans deum et omnis plebs ut vidit dedit laudem deo

Dicite invitatis ecce prandium meum paravi venite ad nuptias dicit dominus

Nuptiae quidem paratae sunt sed qui invitati erant non fuerunt digni ite ad exitus viarum et quoscumque inveneritis vocate ad nuptias dicit dominus

Amice quomodo huc intrasti non habens vestem nuptialem at ille obmutuit rex autem dixit ligatis manibus et pedibus mittite illum in caminum ignis

Erat quidam regulus cujus filius infirmabatur Capharnaum hic cum audisset quia Jesus veniret in Galilaeam rogabat eum ut sanaret filium ejus

Domine descende ut sanes filium meum priusquam moriatur dicit ei Jesus vade filius tuus vivit alleluia

Cognovit autem pater quia illa hora erat in qua dixit Jesus filius tuus vivit et credidit ipse et domus ejus tota

Dixit autem dominus servo redde quod debes procidens autem servus ille rogabat eum dicens patientiam habe in me et omnia reddam tibi

Serve nequam omne debitum dimisi tibi quoniam rogasti me nonne ergo oportuit et te misereri conservi tui sicut et ego tui misertus sum dicit dominus

Magister scimus quia verax es et viam dei in veritate doces alleluia

Interrogatus a Judaeis dominus si licet censum dare Caesari respondit Jesus et dixit reddite ergo quae sunt Caesaris Caesari et quae sunt dei deo alleluia

Domine filia mea modo defuncta est sed veni impone manum tuam super eam et vivet

Dicebat enim intra se si tetigero fimbriam vestimenti ejus tantum salva ero

Si tetigero fimbriam vestimenti ejus salva esse potero ab infirmitate mea

Cum sublevasset oculos*

Ad portum vehuntur Tilae hinc ad arcem coloniae post haec liquentes trieres Romam adeunt pedestres

Ad sua bella caelicum implorare auxilium

Gloria patri et filio et spiritui sancto

Laetamini in domino*

Laetis canamus vocibus tot paradisi floribus quas virginitas lilium rosas fecit martyrium quarum prece da domine ut flore pudicitiae caro nostra refloreat ne in aeternum pereat

Auctori vitae psalmis jubilando venite est quia virginei deus ipse corona tropaei

Jesu corona*

Secus decursus fluminum stetit hoc germen virginum quod nulli cedens turbini mansit in lege domini

Flos fulsit ex Britannia Ursula stirpe regia auctrix fructus virginei praedicans praeceptum dei

Signatur super has digne lux vultus tui domine quas tyrannus collegerat ut per tot unam auferat

Laetamini*

Virgo regalis Ursula vultu et animo pulchra tyranno cuidam placuit qui late praepotens fuit

Mittens ergo nuptam Christo suo petebat filio

Tyranni donis ac minis pater pulsatus virginis precibus fugit intimis ad turrem fortitudinis

Hinc discrimen ecclesiae hinc lapsum timens filiae

Solatur patrem Ursula dei narrans oracula jussa ne hostem confutet ut spe conjugii nutet

Demandans quasi pro dote hunc ablui baptismate

Auribus percepit deus dum clamat grex virgineus et tam Ursulam servavit quam per hanc illas vocavit

Oleum exstat effusum mirabile nomen tuum hinc tot adolescentulae dilexerunt te domine

Ad nihilum est deductus harum conspectu malignus quae se fecerunt columbas caste ad fenestras suas in foraminibus petrae in cavernis maceriae

Spondet pater conjugium commune fit tripudium tyrannus Christo subditur ut virgo jussit agitur

Missis undenis navibus cum tot virginum milibus

Decurso jam triennio virgines dignae praemio natale solum deserunt seseque mari conferunt

Hae vere Israelitae quaerentes patriam vitae

Equitatui auctoris in curribus Pharaonis virginum grex similaris post transitum alti maris

Aegyptum spernens cum palmis domino canis in psalmis

Gloria patri et filio et spiritui sancto

Vox turturis ut sonuit vinea Christi floruit dum germinant ut palmites per Ursulam tot virgines

En lectulum Salomonis ense munivit sermonis fortissima ex Israel Ursula pulchra ut Rachel

Veni ergo turba dei veni de Libano veni de vertice coronanda Sanir Hermon et Amana de cubilibus leonum et a montibus pardorum

Dum Coloniam obsident has Hunni redire vident irruunt virgines perimunt statim ab urbe fugiunt

Quos ut armati milites caese terrebant virgines

Urbs nova Jerusalem turbam tenet hanc socialem sanguineque vivae sua pallia lavit olivae atque stolas vino sic flore micat sacr bino

Ad bona summa vacans miserisque deum prece placans

Annalis orbita votorum nobis suscitat gaudia dum hac die tot virginea pro Christo caesa pandit milia

Quarum in numero cum sua duce Ursula fulsere ut sidera pinnosa et cordula

Gloria patri et filio et spiritui sancto

In choro sanctorum jugiter divinae laudis resonet jubilatio ubi laudatur deus deorum in Sion alleluia

Inter quos undena virginum milia sequentes agnum sine macula laudant illum gaudentes caelesti laude per saecula alleluia

Quae divino nutu a partibus orientis exhibite pro Christi nomine suum fudere cruorem quia numquam in persecutione potuerunt ab ejus divelli confessione

Benedicamus ergo deum caelorum cum omni creatura qui tam pretioso sacras virgines decoravit martyrio

Clematius igitur vir clarissimus voto quo debebat a fundamentis sanctum templum erexit in quo et virginum venerantur merita et populorum laudantium deum concurrit frequentia alleluia

Gaude Jerusalem superna in qua dulce jubilat virginum chorea nova agno cantica resultat in gloria quarum interventu quaesumus nos flebiles nos exules te gloriosum te mirabilem in sanctis tuis laudantes conserva domine

Cyprus et nardus cum croco fistula cum cinnamomo myrrha simul et aloe decus hujus sunt vineae

Inter haec flos virginalis gloria haec specialis unde major quam angelis homini laus est in caelis

Hi quippe virginum coetus dei est sponsa et lectus in quo recubans quietus nobiles lucratur fetus

Veni ergo*

Magnificate dominum omnes filii hominum cujus est fortudinis si vincit pulvis et cinis nam nostrum est si perimus tuum Christe si vincimus vince mala firmans bona ut cum hac virginum turba caelo simul conregnemus quarum palmis congaudemus

Putasne mortuus homo rursum vivat cunctis diebus quibus nunc milito expecto donec veniat in mutatio mea

Ecce in pulvere sedeo et in pulvere dormio et si mane me quaesieris non subsistam

Redemptor meus vivit et in novissimo resurgam et renovabuntur denuo ossa mea et in carne mea videbo dominum meum

Lauda anima mea dominum laudabo dominum in vita mea psallam deo meo quamdiu ero

Manus tuae domine fecerunt me et plasmaverunt me totum ego autem homo natus de muliere brevi vivens tempore peccavi iniquitatem feci in conspectu tuo

Dum veneris judicare noli me condemnare ne gaudeat inimicus meus super me

Memento quaeso domine quod sicut lutum feceris me et in pulverem reduces me nonne sicut lac mulsisti me et sicut caseum me coagulasti pelle et carne vestisti me ossibus et nervis compegisti me

Vitam et misericordiam tribuisti mihi et visitatio tua custodivit spiritum meum

Rogamus te domine deus noster ut suscipias animas eorum defunctorum pro quibus sanguinem tuum fudisti recordare quia pulvis sumus et homo sicut foenum et flos agri

Misericors et miserator et juste domine

Absolve domine animas eorum ab omni vinculo delictorum non eas tormentum mortis attingat non reorum cathena constringat sed miseratio tua in pacis eas ac lucis regione constituat

Sique illis sint domine digne cruciatibus culpae tu eas gratia lenitatis indulge

Ne tradas domine bestiis animas confitentium tibi et animas pauperum tuorum ne obliviscaris in finem

Memorare quae sit nostra substantia domine et quia non vane constituisti omnes filios hominum

Quomodo confitebor tibi domine deus meus quando veneris in judicio tuo quia cor meum non custodivi animam meam in carne positam pollui templum corporis mei de opere iniquitatis coinquinavi precor te domine antequam discutias me miserere mei

Tibi soli peccavi domine

Deus aeterne in cujus humana conditio potestate constitit animas omnium fidelium defunctorum quaesumus ab omnibus absolve peccatis ut paenitentiae fructum quem voluntas eorum optavit praeventus mortalitatis non perdant

Qui in cruce positus latronem sero paenitentem suscepisti eorum precamur pie peccata dilue

Libera me domine de morte aeterna in die illa tremenda quando caeli movendi sunt et terra dum veneris judicare saeculum per ignem

Judex clementissime in regnum tuum suscipe eas quas pretioso sanguine dignatus es redimere

Averte domine faciem tuam a peccatis meis iniquitates meas non ira tua vindice decernas sed qua soles miseris subvenire pietate tua mihi precor indulge clemens domine

Ad peccandum proni sumus et ad humum tendit humus quid est homo nisi vermis res infirma res inermis quid est homo proles Adae germen nequam dignum clade noli deus hunc clamare qui non potest non peccare noli deus huic irasci qui non potest mundus nasci sicut umbra sicut fumus sicut foenum facti sumus

Virgo dei genetrix stella maris Maria praeces emitte atque fidelibus veniam deprecare

Michael princeps militiae caelestis cum omni militia superna eas manu tua in sinum Abrahae presenta

Baptista domini partriarcharum prophetarumque cunei orate pro eis deum ne locus poenarum eas fatiget in aeternum

Petre cum apostolis dei potestate a deo tibi tradita januam regni caelestis clemens eis aperi

Joannes optime Joannes Christi care qui matri suae te custodem elegit ipsius miserationi animas fidelium commenda quas creavit