Ecce jam veniet plenitudo temporis in quo misit deus filium suum in terris natum de virgine factum sub lege ut eos qui sub lege erant redimeret

Propter nimiam caritatem qua dilexit nos filium suum misit in similitudinem carnis peccati

Virgo Israel revertere in civitates tuas usquequo dolens averteris generabis dominum salvatorem oblationem novam in terra ambulabunt homines in salvationem

In caritate perpetua dilexi te ideo attraxi te miserans

Montes Israel ramos vestros expandite et florete et fructus facite prope est ut veniat dies domini

Rorate caeli desuper et nubes pluant justum aperiatur terra et germinet salvatorem

Hoc est testimonium quod perhibuit Joannes qui post me venit ante me factus est

Juravi dicit dominus ut ultra jam non irascar super terram montes enim et colles suscipiant justitiam meam et testamentum pacis erit in Jerusalem

Juxta est salus mea ut veniat et justitia mea ut reveletur

Non discedimus a te vivificabis nos domine et nomen tuum invocabimus ostende nobis faciem tuam et salvi erimus

Domine deus virtutum converte nos

Intuemini quantus sit iste qui ingreditur ad salvandas gentes ipse est rex justitiae cujus generatio non habet finem

Praecursor pro nobis ingreditur secundum ordinem Melchisedech pontifex factus est in aeternum

Multiplicabitur ejus imperium et pacis non erit finis

Gloria*

Canite tuba in Sion quia prope est dies domini ecce veniet ad salvandum nos alleluia alleluia

Ecce veniet desideratus cunctis gentibus et replebitur gloria domus domini alleluia

Erunt prava in directa et aspera in vias planas veni domine et noli tardare alleluia

Dominus veniet occurrite illi dicentes magnum principium et regni ejus non erit finis deus fortis dilator princeps pacis alleluia alleluia

Omnipotens sermo tuus domine a regalibus sedibus venit alleluia

Exspectetur sicut pluvia eloquium domini

Et descendat sicut ros super nos deus noster

Dies domini sicut fur ita in nocte veniet et vos estote parati quia qua hora non putatis filius hominis veniet

Canite*

Ecce veniet desideratus*

Erunt prava*

Omnipotens*

Ecce dies*

Exspectetur*

Egredietur dominus de loco sancto suo

Veniet ut salvet populum suum

Gloria*

Hodie scietis quia veniet dominus et mane videbitis gloriam ejus

Verbum supernum*

Hodie scietis quia veniet dominus*

Sanctificamini hodie et estote parati quia die crastina videbitis majestatem dei in vobis

Hodie scietis quia veniet dominus et mane videbitis

Constantes estote videbitis auxilium domini super vos Judaea et Jerusalem nolite timere cras egrediemini et dominus erit vobiscum

Vos qui in pulvere estis expergiscimini et laudate ecce dominus veniet cum salute

De illa occulta habitatione sua egressus est filius dei descendens visitare et consolari omnes qui eum de toto corde desiderabant

Exsultavit ut gigas ad currendam viam a summo caelo egressio ejus

Crastina die delebitur iniquitas terrae*

Judaea*

Joseph fili David noli timere accipere Mariam conjugem tuam quod enim in ea natum est de spiritu sancto est alleluia

Crastina erit vobis salus*

Sanctificamini*

Constantes*

Sanctificamini filii Israel dicit dominus in die enim crastina descendet dominus et auferet a vobis omnem languorem

O Juda et Jerusalem nolite timere cras egrediemini et dominus erit vobiscum

Judaea et Jerusalem nolite timere cras egrediemini et dominus erit vobiscum

Hodie scietis quia veniet dominus et mane videbitis gloriam ejus

Crastina die delebitur iniquitas terrae et regnabit super nos salvator mundi

Crastina erit vobis salus dicit dominus deus exercituum

Magnificatus est rex pacificus super omnes reges universae terrae

Crastina die delebitur iniquitas terrae

Et regnabit super nos salvator mundi

Gloria*

Vox clara*

Crastina erit vobis salus*

Cum esset desponsata mater Jesu Maria Joseph antequam convenirent inventa est in utero habens quod enim in ea natum est de spiritu sancto est alleluia

Dies domini*

Memento salutis*

Orietur sicut sol salvator mundi et descendet in uterum virginis sicut imber super gramen alleluia

Joseph fili*

Hodie scietis quia veniet dominus*

Rex pacificus magnificatus est cujus vultum desiderat universa terra

Crastina die delebitur iniquitas terrae*

Intuemini quantus sit gloriosus iste qui ingreditur ad salvandas gentes

Crastina erit vobis salus*

Scitote quia prope est regnum dei amen dico vobis quia non tardabit

Levate capita vestra ecce appropinquabit redemptio vestra

Completi sunt dies Mariae ut pareret filium suum primogenitum

Ecce completa sunt omnia quae dicta sunt per angelum de virgine Maria

O Juda et Jerusalem nolite timere cras egrediemini et dominus erit vobiscum

Constantes estote videbitis auxilium domini super vos

Gloria patri et filio et spiritui sancto

Veni redemptor*

Dum ortus fuerit sol de caelo videbitis regem regum procedentem tamquam sponsus de thalamo suo

Christus natus est nobis venite adoremus

Christe redemptor*

Dominus dixit ad me filius meus es tu ego hodie genui te

In sole posuit tabernaculum suum et ipse tamquam sponsus procedens de thalamo suo

Elevamini portae aeternales et introibit rex gloriae

Speciosus forma prae filiis hominum diffusa est gratia in labiis tuis

Suscepimus deus misericordiam tuam in medio templi tui

Orietur diebus domini abundantia pacis et dominabitur

Hodie nobis caelorum rex de virgine nasci dignatus est ut hominem perditum ad regna caelestia revocaret gaudet exercitus angelorum quia salus aeterna humano generi apparuit

Gloria in excelsis deo et in terra pax hominibus bonae voluntatis

Hodie nobis de caelo pax vera descendit hodie per totum mundum melliflui facti sunt caeli

Hodie illuxit dies redemptionis novae raeparationis antiquae felicitatis aeternae

O magnum mysterium et admirabile sacramentum ut animalia viderent dominum natum jacentem in praesepio beata virgo cujus viscera meruerunt portare dominum Christum

Domine audivi auditum tuum et timui consideravi opera tua et expavi in medio duum animalium

Te laudant angeli sancta dei genetrix quae virum non cognovisti et dominum in tuo utero bajulasti concepisti per aurem dominum nostrum ut benedicta dicaris inter omnes mulieres

Ipsum unicum dei patris filium per sanctum spiritum ex te incarnatum hominum pro salute sic humiliatum factum parvulum genuisti et in praesepi posuisti quem adorat omnis militia caelita tremit potestas aethera collaudant agmina supera et omnis multitudo angelorum

Veritas de terra orta est et justitia de caelo prospexit

Homo natus est in ea et ipse fundavit eam altissimus

Exsultabunt omnia ligna silvarum ante faciem domini quoniam venit

Ante luciferum genitus et ante saecula dominus salvator noster hodie nasci dignatus est