Puri cordis munditiae casti corporis sociavit pudicitiam

Pretiosus vir domini Dunstanus splendidum ecclesiae ornamentum factus columna lucis effulsit quae erecta in caelum orbem terrae sustinuit alleluia alleluia

O robur apostolicae fidei plenum lumine caeli

In visione sancta apparuere beato Dunstano principes regni dei et judites saeculi singuli offerentes ei gladium et armaturam spiritus sancti alleluia alleluia

Petrus ergo et Paulus cum sancto Andrea effulsere eique gratiam apostolice benedictionis contulere

Gloria patri et filio et spiritui sancto

Dunstane pater inclyte divino zelo fervide adversus portas inferi praevalidus extitisti alleluia

Oris divini rumpheam in synagogam Satane et ipsum mundi principem vibrasti triumphalem alleluia

Martyr fuisti studio et sacerdos officio sancta sanctorum frequentans reisque deum complacans alleluia

Claves pater possedisti caelestis thesaurarii archanorum caelestium cunctis pandens introitum alleluia

Consummatus in gloria plausisti morte vivida qua laetaris patriarcha in gremio patriarche alleluia

Euge nunc Dunstane pie ex hominibus assumpte et archangelis dei conjuncte nostri pater memorare et jugiter miserere alleluia

Beatus Dunstanus exsilio pro justitia est ascriptus ubi crebra sanctorum consolatione a deo est relevatus alleluia

Cui pro veritate exsulanti per sanctam Andream apostolum astitit piissimus deus

Misertus dominus destitutae ecclesiae Dunstanum patrem cum gloria revocavit et ei patriarchatum primae metropolis Anglorum magnifice concessit alleluia

Respexit dominus populum suum cum beatum Dunstanum patriae redonavit

Caelestium contemplator Dunstanus angelica atque apostolica visione et visitatione dignissimus columbam a Joanne in Christi baptismate visam sibi in laetitia cordis sui exsultavit ostensam alleluia

Dunstanus columbae dei filius cordis munditiae et sanctae innocentiae deditus

Dunstanus archepiscopus sancto sopori deditus angelicis mulcebatur organis sic modulantibus kyrie eleison alleluia

Sancti spiritus psallebant in sublimi et dare modulando preces offerebant sancte trinitati

Gloria patri et filio et spiritui sancto

Translato ad caelestia Wentano praesule Aethelwoldo successorem caelesti monstratum oraculo pater Dunstanus elegit atque apostolica auctoritate pontificaliter infulavit alleluia

Transiens ex hoc mundo venerandus pontifex angelicis choris ducentibus migravit ad Christum qui ei factus est corona et perenne praemium alleluia

Cumque exitum suum dominicis muniret sacramentis translatus est ab angelis ad auctorem luminis

Exsultemus et laetemur in domino ecce beatus Dunstanus unus candidati gregis in albis agnum sequentis sanctus sanctus sanctus clamare non cessat alleluia alleluia

Conscriptus numero eorum qui secuntur agnum dei quocumque jerit

Translate ad caelestia benigne pater Dunstane suspirantes ad te filios noli deserere sed ad te transferre satage ut tecum coram Christo mereamur gaudere alleluia

Dum enim in corpore pereginamur a domino tuo quaesumus non destitutamur auxilio

Beatus es care dei Dunstane qui in cena nuptiarum agni discumbis qui gaudio domini tui laetus perfrueris gaudebis ergo cum angelis et in ligno vitae cum sanctis epulaberis alleluia

Ecce sicut sol in conspectu dei emicas ubi cottidie sanctus clamare non cessas

Gloria patri et filio et spiritui sancto

Decus praesulum Dunstanus futurorum divina revelatione praesagus patriarcharum ac prophetarum numero magnifice est sociatus alleluia

Qui in sancta ecclesia vices apostolorum exsequens in senatu eorum est aeternaliter in Christo vivens alleluia

Non est privatus martyrum Christi consortio qui hostia viva esse studuit spontaneo martyrio alleluia

In choro confessorum chohaeres Christi esse meruit qui in confessione sancti nominis ejus fidelis in saecula permansit alleluia

Vir angelicae puritatis Dunstanus agnum virginis inter virgines prosequitur quia custos perpetuae virginitatis virgo in aevum permansit alleluia

Amavit eum dominus*

Dilectus deo et angelis sanctus Dunstanus hodie carnis nexibus absolutus caelestia gaudens conscendit alleluia ubi sicut sol ex clariatate dei resplendet et diem aeternum aeternaliter possidet alleluia alleluia alleluia

Haec est virgo*

Decus praesulum*

Egregie dei*

Non est privatus*

Vir angelicae*

Dunstanus praesul*

Haec tua sunt Christe magnalia alleluia quae in tuo Dunstano praedicamus gloriosa alleluia

Da nobis domine virtutum imitari exempla et meritorum insignia

Gloria patri et filio et spiritui sancto

Felix es dilecte deo et cunctis supernis virtutibus Dunstane felix es caelestis regni haeres dignissime ecce Christum ad quem suspirasti amplecteris ecce cum angelis ut desiderasti epularis intercede quaesumus pro nobis ut ea luce qua ante deum resplendes sidus aureum illustrentur in perpetuum anime supplicum tuorum alleluia

Alme pater Augustine ora pro devota plebe alleluia alleluia

Qui tua festa celebrant fac ut salute gaudeant alleluia alleluia

Gloria patri et filio et spiritui sancto

Ave praesul*

Iste est qui ante deum*

Justum deduxit*

Exsultet in hac die fidelium ecclesia in qua angelis est laetitia alleluia consonet plebs Anglica Augustinus en transivit et cum Christo semper inv- alleluia consonet plebs Anglica jam beatus audit euge super pauca fidelissimae alleluia consonet plebs Anglica ave nostrum ave dulce desiderium pro servis tuis ora dominum alleluia consonet plebs Anglica alleluia

Exsultet*

Alme pater*

Exsultet*

Vita verbo*

Euge serve*

Erectus*

O insignissime*

Orbata*

Electus*

Exsultat in gloria*

Electus*

O insignissime*

Benedictus*

Juravit*

Ergo pater*

Relinquens*

Domus mea domus orationis vocabitur

Muro tuo inexpugnabili circumcinge nos domine et armis tuae potentiae protege nos semper deus noster

Sapientia aedificavit sibi domum excidit columnas septem subdidit sibi gentes superborumque et sublimium colla propria virtute calcavit

Haec aula accipiet a deo gratiam benedictionis et misericordiam a Christo domino

Terribilis est locus iste non est hic aliud nisi domus dei et porta caeli vere etenim dominus est in loco isto et ego nesciebam

Cumque evigilasset Jacob quasi de gravi somno ait

Gloria patri et filio et spiritui sancto

Urbs beata*

Domine dilexi decorem domus tuae*

O quam metuendus est locus iste vere non est hic aliud nisi domus dei et porta caeli

Exsultemus domino regi summo qui suum sanctificavit tabernaculum

Tollite portas principes vestras et elevamini portae aeternales alleluia

Ut videam voluntatem domini et protegar a templo sancto ejus

Introibo ad altare dei ad deum qui laetificat juventutem meam alleluia

Erit mihi dominus in deum et lapis iste vocabitur domus dei

Aedificavit Moyses altare domino deo

Cum evigilasset Jacob a somno ait vere dominus est in loco isto

Domum tuam domine*

Ornaverunt*

In hymnis*

Haec est Jerusalem*

Non est hic aliud nisi domus dei et porta caeli

Vidit Jacob scalam summitas ejus caelos tangebat et descendentes angelos et dixit vere locus iste sanctus est

Erexit Jacob lapidem in titulum fundens oleum desuper

Qui habitat in adjutorio altissimi in protectione dei caeli commorabitur

Templum domini sanctum est dei cultura est dei aedificatio est

Benedicta gloria domini de loco suo alleluia

Haec porta domini*