O mundi domina regio ex semine orta ex tuo jam Christus processit alvo tamquam sponsus de thalamo hic jacet in praesepio qui et sidera regit

Lux fulgebit*

Completi sunt dies Mariae ut pareret filium suum primogenitum

Benedictus qui venit in nomine domini R. Deus dominus*

Caelum coruscans intonet tellus resultans personet infernus hians ululet humanitasque jubilet

Quem vidistis*

Agnoscat omne saeculum venisse vitae praemium post hostis asperi jugum apparuit redemptio

Genuit puerpera*

Notum fecit dominus alleluia alleluia

Salutare suum*

Viderunt omnes fines terrae R. Salutare dei nostri

Maria ventre concipit verbi fidelis semine quem totus orbis non capit portant puellae viscera

Angelus ad pastores*

Puer natus est nobis alleluia alleluia

Filius datus est nobis

Veritas de terra orta est R. Et iustitia de caelo prospexit

Adam vetus quod polluit Adam novus hoc abluit tumens quod ille dejecit humillimus hic erigit

Parvulus filius*

Benedictus qui venit in nomine domini alleluia alleluia

Deus dominus et illuxit nobis

Benedictus dominus deus Israel R. A saeculo et usque saeculum fiat

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

De fructu ventris tui ponam super sedem tuam

Verbum caro factum est

Tamquam sponsus Dominus procedens*

Hodie Christus natus est hodie salvator apparuit hodie in caelo canunt angeli laetantur archangeli hodie exsultant justi dicentes gloria in excelsis deo alleluia

Lapides torrentis illi dulces fuerunt ipsum sequuntur omnes animae justae

Mortem enim quam salvator dignatus est pro omnibus pati hanc ille primus reddidit salvatori

Gloria patri et filio et spiritui sancto

Ora pro nobis beate protomartyr Stephanus R. Ut digni efficiamur*

Ave senior Stephane ave martyr paradoxe qui inter agmina plebis judaicae velut lampas ardentissima apparuisti domine nunc sidus inter sidera caelestis aulae succurre huic familiae gratissima tua interventione

Hodie*

Sancte dei pretiose protomartyr Stephane qui virtute caritatis circumfultus undique dominum pro inimico exorasti populo

Lumine vultus tui*

Ave senior Stephane*

Christum natum qui beatum hodie coronavit Stephanum venite adoremus

Beatus Stephanus jugi legis dei meditatione roboratus tamquam lignum fructiferum secus salutarium aquarum plantatum decursu fructus martyrii in tempore suo dedit primus

Constitutus a deo praedicator praeceptorum ejus in timore sancto illi servire studuit officioque fideliter peracto in montem sanctum ejus ascendere dignus fuit

In tribulatione lapidum se prementium positus milia populi se circumdantis non timuit quia susceptorem suum Jesum ut eum salvum faceret exsurgere in caelum vidit

Gloria et honore coronasti eum domine R. Et constituisti eum super opera manuum tuarum

Hesterna die dominus natus est terris ut Stephanus nasceretur in caelis ingressus est dominus mundum ut Stephanus ingrederetur in caelum

Stephanus vidit caelos apertos vidit et introivit

Stephanus autem plenus gratia et fortitudine faciebat signa magna et prodigia in populo

Surrexerunt autem quidam de synagoga disputantes cum Stephano et non poterant resistere sapientiae et spiritui qui loquebatur

Videbant omnes Stephanum qui erant in concilio et intuebantur vultum ejus tamquam vultum angeli stantis inter illos

Stephanus autem plenus gratia et fortitudine faciebat prodigia et signa magna in populo

Lumine vultus tui domine insignitus protomartyr Stephanus sacrificium justitiae seipsum tibi sacrificavit ideoque in laetitia cordis in pace obdormiens requiescit

Benedictionis tuae domine munere justificatus et scuto tuae protectionis in passione munitus nominis tui coronam Stephanus a te percipere meruit

O quam admirabile est nomen tuum domine deus noster pro quo beatus Stephanus passus gloria et honore a te est coronatus et super caelos dono tuae magnificentiae exaltatus

Posuisti domine super caput ejus R. Coronam de lapide pretioso

Lapidabant Stephanum invocantem et dicentem domine Jesu Christe accipe spiritum meum et ne statuas illis hoc peccatum

Positis autem genibus beatus Stephanus orabat dicens

Impii super justum jacturam fecerunt ut eum morti traderent at ille gaudens suscepit lapides ut meretur accipere coronam vitae

Captabant in animam justi et sanguinem innocentem condemnabant

Stephanus servus dei quem lapidabant Judaei vidit caelos apertos vidit et introivit beatus homo cui caeli patebant

Intuens in caelum beatus Stephanus vidit et introivit

In domino deo suo confisus fortis athleta Stephanus lapidum fortiter sustinuit ictus et idcirco ad montem virtutum transmigravit victoriosus

Sine macula beatus Stephanus ingressus est domine in tabernaculum tuum et quia operatus est justitiam requiescet in monte sancto tuo

Domine virtus et laetitia rectorum quoniam tu praevenisti dilectum tibi Stephanum dono gratuitae benedictionis te primum secutus est morte gloriosae passionis unde cum corona martyrii dedisti ei vitam in saeculum saeculi

Corona aurea super caput ejus R. Expressa signo sanctitatis

Impetum fecerunt unanimes in eum et ejecerunt eum extra civitatem invocantem et dicentem domine accipe spiritum meum

Et testes deposuerunt vestimenta sua secus pedes adolescentis qui vocabatur Saulus et lapidabant eum

Stephanus dei gratia plenus erat in plebe multa signa faciebat caelos apertos aspiciebat Jesum stantem videbat a dexteris dei et dicebat

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dextris virtutis dei

Cumque aspiceret beatus Stephanus in caelum vidit gloriam dei et ait

Sancte dei pretiose protomartyr Stephane qui virtute caritatis circumfultus undique dominum pro inimico exorasti populo funde preces pro devoto tibi nunc collegio

Ut tuo propitiatus interventu dominus nos purgatos a peccatis jungat caeli civibus

Gloria patri et fiio spiritui sancto

Cum autem esset Stephanus plenus spiritu sancto intendens in caelum vidit gloriam dei et Jesum stantem ad dexteram patris

Lapidabant Judaei Stephanum invocantem et dicentem domine Jesu accipe spiritum meum

Adhaesit anima mea post te quia caro mea lapidata est pro te deus meus

Stephanus vidit caelos apertos vidit et introivit beatus homo cui caeli patebant

Positis autem genibus clamabat voce magna dicens Stephanus domine Jesu ne statuas illis hoc peccatum

Ora pro nobis beate protomartyr Stephane R. Ut digni*

Patefactae sunt januae caeli Christi martyri Stephano qui in numero sanctorum inventus est primus et ideo triumphat in caelis coronatus alleluia

Ecce advenit dominator deus et regnum in manu ejus et potestas et imperium in aeternum alleluia

Benedictus qui venit in nomine domini R. Deus dominus et illuxit nobis

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Post partum virgo inviolata permansisti*

Hodie intacta virgo deum nobis genuit teneris indutum membris quem lactare meruit omnes ipsum adoremus qui venit salvare nos

Cum autem*

Lapidabant*

Patefactae sunt januae caeli alleluia alleluia

Christi martyri beato Stephano

Qui in numero sanctorum inventus est primus alleluia*

Adhaesit anima*

Ingressus est dominus mundum alleluia alleluia

Ut Stephanus ingrederetur in caelum

Beatus Stephanus Christi martyr R. Triumphas coronatus in caelis alleluia

Positis autem*

Stephanus vidit caelos apertos alleluia alleluia

Vidit et introivit

Stolam jucunditatis induit eum dominus alleluia*

Jucundus homo qui miseretur in domino non commovebitur in aeternum

Quid retribuam domino pro omnibus quae retribuit mihi calicem salutaris accipiam

Domine libera animam meam a labiis iniquis et a lingua dolosa

Miserere mei domine miserere mei quia multum repletus sum despectione