Qui regis Israel intende qui deducis velut ovem Joseph qui sedes super cherubim

Excita domine potentiam tuam et veni ut salvos facias nos

Gloria patri et filio et spirtui sancto

Aspiciebam in visu noctis et ecce in nubibus caeli filius hominis venit et datum est ei regnum et honor et omnis populus tribus et linguae servient ei

Potestas ejus potestas aeterna quae non auferetur et regnum ejus quod non corrumpetur

Missus est Gabriel angelus ad Mariam virginem desponsatam Joseph nuntians ei verbum et expavescens virgo de lumine ne timeas Maria invenisti gratiam apud dominum ecce concipies et paries et vocabitur altissimi filius

Dabit illi dominus deus sedem David patris ejus et regnabit in domo Jacob in aeternum

Nox praecessit dies autem appropinquabit abjiciamus ergo opera tenebrarum et induamur arma lucis sicut in die honeste ambulemus

Egredietur dominus de loco sancto suo R. Veniet ut salvet populum suum

Ave Maria gratia plena dominus tecum spiritus sanctus superveniet in te et virtus altissimus obumbrabit tibi quod enim ex te nascetur sanctum vocabitur filius dei

Quomodo fiet istud quoniam virum non cognosco et respondens angelus dixit ei

Salvatorem exspectamus dominum Jesum Christum qui reformabit corpus humilitatis nostrae configuratum corpori claritatis suae

Sobrie et juste et pie vivamus in hoc saeculo exspectantes beatam spem et adventum gloriae magni dei

Audite verbum domini gentes et annuntiate illud in finibus terrae et in insulis quae procul sunt dicite salvator noster adveniet

Annuntiate et auditum facite loquimini et clamate

Scientes quia hora est jam nos de somno surgere nunc enim propior est nostra salus quam cum credidimus nox praecessit dies autem appropinquabit

Ex Sion species decoris ejus R. Deus noster manifeste veniet

Ecce virgo concipiet et pariet filium dicit dominus et vocabitur nomen ejus admirabilis deus fortis

Super solium David et super regnum ejus sedebit in aeternum

Obsecro domine mitte quem missurus es vide afflictionem populi tui sicut locutus es veni et libera nos

Qui facis misericordiam in milibus qui aufers iniquitates et peccata et scelera

Laetentur caeli et exsultet terra jubilate montes laudem quia dominus noster veniet et pauperum suorum miserebitur

Tunc exsultabunt omnia ligna silvarum ante faciem domini quoniam venit

Orietur in diebus ejus justitia et abundantia pacis

Gloria patri*

In illa die stillabunt montes dulcedinem et colles fluent lac et mel alleluia

Jucundare filia Sion exsulta satis filia Jerusalem alleluia

Ecce dominus veniet et omnes sancti ejus cum eo et erit in die illa lux magna alleluia

Omnes sitientes venite ad aquas quaerite dominum dum inveniri potest alleluia

Ecce veniet propheta magnus et ipse renovabit Jerusalem alleluia

Vox clara ecce intonat obscura quaeque increpat pellantur eminus somnia ab aethere Christus promicat

Emitte agnum domine dominatorem terrae R. De petra deserti ad montem filiae Sion

Spiritus sanctus in te descendet Maria ne timeas habebis in utero filium dei alleluia

Dicite filiae Sion ecce rex tuus veniet tibi Sion noli timere ecce rex tuus veniet

Veni et libera nos deus noster

Veni ad liberandum nos domine deus virtutum

Et ostende faciem tuam et salvi erimus

Gloria patri*

Timebunt gentes nomen tuum domine R. Et omnes reges terrae*

Veni domine et noli tardare relaxa facinora plebis tuae Israel

Ostende nobis domine misericordiam tuam

Et salutare tuum da nobis

Memento nostri domine in beneplacito populi tui R. Visita nos in salutari tuo

Veni domine visitare nos in pace ut laetemur coram te corde perfecto

Super te Jerusalem orietur dominus

Et gloria ejus in te videbitur

Domine deus virtutum converte nos R. Et ostende faciem tuam et salvi erimus

In illa die*

Ecce dies*

Rorate caeli desuper*

Ne timeas Maria invenisti gratiam apud dominum ecce concipies et paries filium alleluia

Regem venturum dominum venite adoremus

Venite exsultemus domino jubilemus deo salutari nostro praeoccupemus faciem ejus in confessione et in psalmis jubilemus ei | Quoniam deus magnus dominus et rex magnus super omnes deos quoniam non repellet dominus plebem suam quia in manu ejus sunt omnes fines terrae et altitudines montium ipse conspicit | Quoniam ipsius est mare et ipse fecit illud et aridam fundaverunt manus ejus venite adoremus et procidamus ante deum ploremus coram domino qui fecit nos quia ipse est dominus deus noster nos autem populus ejus et oves pascuae ejus | Hodie si vocem ejus audieritis nolite obdurare corda vestra sicut in exacerbatione …

Aspiciebam*

Potestas ejus*

Missus est*

Dabit illi*

Montes Israel ramos vestros expandite et florete et fructus facite prope est ut veniat dies domini

Rorate caeli desuper et nubes pluant justum aperiatur terra et germinet salvatorem

Vox clara*

Emitte agnum*

Angelus domini nuntiavit Mariae et concepit de spiritu sancto alleluia

Missus est Gabriel

Ave Maria gratia plena*

Ecce dominus*

Laetamini in domino*

Conditor alme siderum aeterna lux credentium Christe redemptor omnium exaudi preces supplicum

Jerusalem respice ad orientem et vide alleluia

Spiritus sanctus*

Ave Maria gratia*

Ecce dominus*

Laetamini in domino*

Antequam convenirent inventa est Maria habens in utero de spiritu sancto alleluia

Quaerite dominum dum inveniri potest invocate eum dum prope est alleluia

De Sion exibit lex et verbum domini de Jerusalem

Veniet fortior me post me cujus non sum dignus solvere corrigiam calceamentorum ejus

Benedicta tu in mulieribus et benedictus fructus ventris tui

Exspectabo dominum salvatorem meum et praestolabor eum dum prope est alleluia

Ecce veniet deus et homo de domo David sedere in throno alleluia

Ex Aegypto vocavi filium meum veniet ut salvet populum suum

Sion noli timere ecce deus tuus veniet alleluia

Benedictus dominus*

Ecce dies veniunt*

Rorate caeli desuper*

Leva Jerusalem oculos et vide potentiam regis ecce salvator venit solvere te a vinculo

Rex noster adveniet Christus quem Joannes praedicavit agnum esse venturum

Hora est jam nos*

Egredietur virga*

Jerusalem cito veniet salus tua quare moerore consumeris numquid consiliarius non est tibi quia innovavit te dolor salvabo te et liberabo te noli timere

Israel si me audieris non erit in te deus recens neque adorabis deum alienum ego enim dominus

Ecce dominus veniet et omnes sancti ejus cum eo et erit in die illa lux magna et exibunt de Jerusalem sicut aqua munda et regnabit dominus in aeternum super omnes gentes

Ecce cum virtute veniet et regnum in manu ejus et potestas et imperium

Jerusalem surge et sta in excelso et vide jucunditatem quae veniet tibi a deo tuo

Leva in circuitu oculos tuos et vide et contemplare

Nox praecessit*

Egredietur dominus de loco sancto*

Civitas Jerusalem noli flere quoniam doluit dominus super te et auferet a te omnem tribulationem

Ecce in fortitudine veniet et bracchium ejus dominabitur

Ecce veniet dominus protector noster sanctus Israel coronam regni habens in capite suo

Et dominabitur a mari usque ad mare et a flumine usque ad terminos orbis terrae